ఆనందపురం, సెప్టెంబర్ 29 : ఆనందపురం-తగరపువలస జాతీయ రహదారిపై వెల్లంకి వద్ద గురువారం రాత్రి ప్రమాదవశాత్తు లారీ ఇంజన్ నుండి మంటలు రావడంతో లారీసహా రాయల్ ఎన్‌ఫీల్డ్ మోటారు సైకిళ్లు దగ్ధమయ్యాయి. స్థానికుల పోలీసుల కథనం ప్రకారం చెన్నై నుండి కోల్‌కతాకు 63 రాయల్ ఎన్‌ఫీల్డ్ బైక్‌ల లోడుతో వెళ్తున్న లారీ వెల్లంకి వద్దకు వచ్చేసరికి ఇంజన్ నుండి మంటలు వ్యాపించడంతో డ్రైవర్ లారీని పక్కకు తీసి ఆపేశాడు.

కర్నూలు, సెప్టెంబర్ 28: ఏడేళ్ల బాలికను అపహరించి అత్యాచారం చేసిన ఘటనలో నిందితుడు ఇక సభ్యసమాజంలో తిరుగాడే అర్హత కోల్పోయాడని, జీవించి ఉన్నంతకాలం జైలులోనే గడపాలని కర్నూలు కోర్టు బుధవారం సంచలన తీర్పునిచ్చింది. కర్నూలు నగరానికి చెందిన పఠాన్ ఖాజాఖాన్(25)కు ఈమేరకు శిక్ష విధిస్తూ మొదటి అదనపు జిల్లా న్యాయమూర్తి ప్రేమావతి తీర్పుచెప్పారు. వివరాలు ఇలా ఉన్నాయి.

విశాఖపట్నం, సెప్టెంబర్ 28: విశాఖ నుంచి పోర్టు బ్లెయిర్‌కు బయలుదేరిన ప్రయాణికుల నౌక ఎంవి హర్షవర్దనలో సాంకేతిక లోపం తలెత్తడంతో నడిసంద్రంలో నిలిచిపోయింది. మంగళవారం అర్ధరాత్రి సమయంలో విశాఖకు 14 నాటికల్ మైళ్ల దూరంలో నిలిచిపోయిన ఈ నౌకకు మరమ్మతులు బుధవారం రాత్రికి కూడా కొనసాగుతున్నాయి. దీంతో ప్రయాణికులు, వారి బంధువులు ఆందోళన చెందుతున్నారు.

హైదరాబాద్, సెప్టెంబర్ 28: ఆంధ్రప్రదేశ్‌లోని ప్రైవేట్ వైద్య కళాశాలలు ‘బి’కేటగిరీలో ఖాళీగా ఉన్న సీట్లకోసం రెండవ కౌనె్సలింగ్ నిర్వహించాలని ఏపి ప్రైవేట్ వైద్య కళాశాలల సంఘాన్ని హైకోర్టు ఆదేశించింది. ఈ అంశంపై దాఖలైన పిటిషన్లను బుధవారం హైకోర్టు ధర్మాసనం విచారించింది.