గుంటూరు: నాదెండ్ల మండలం గణపవరం వద్ద శుక్రవారం ఉదయం రోడ్డుపక్కన ఆగి ఉన్న కంటైనర్ లారీని కారు ఢీకొంది. కారులో ప్రయాణిస్తున్నవారిలో నలుగురు అక్కడికక్కడే మరణించారు. గాయపడిన ముగ్గురిని గుంటూరు ప్రభుత్వ ఆస్పత్రికి తరలించారు. మృతులు కర్నాటకలోని మంగళూరుకు చెందినవారని పోలీసులు తెలిపారు. వీరంతా విజయవాడ నుంచి కారులో కర్నాటకకు వెళుతుండగా ప్రమాదం జరిగింది.

రాజమహేంద్రవరం, మే 12: కృష్ణా - గోదావరి బేసిన్లలో తెలంగాణ అక్రమ ప్రాజెక్టుల నిర్మాణంపై గోదావరి రైతులు భగ్గుమంటున్నారు. తెలంగాణ అక్రమ వినియోగానికి పూనుకుంటున్నా 70 వేల క్యూసెక్కుల నీటి వినియోగంపై కృష్ణా - గోదావరి బేసిన్లు అధోగతి పాలయ్యే ప్రమాదం ఉందని ఇక్కడ ఆర్‌అండ్‌బి అతిథిగృహంలో గురువారం జరిగిన సాగునీటి జలాల పంపిణీ సమస్యలపై అఖిలపక్ష సమావేశం ఆందోళన వ్యక్తం చేసింది.

అనంతపురం, మే 12: అనంతపురం జిల్లాలో గురువారం పలు ప్రాంతాల్లో ఈదురు గాలులతో కూడిన వర్షాలు కురిశాయి. హిందూపురం, పెనుకొండ, కొత్తచెరువు, బత్తలపల్లి, కూడేరు, తదితర ప్రాంతాల్లో ఓ మోస్తరు వర్షం కురిసింది. పెనుకొండలో పలుచోట్ల విద్యుత్ స్తంభాలు నేలకొరిగాయి. ఓ పండ్ల దుకాణంపై భారీ వృక్షం నేలకొరగడంతో రెండు కార్లు, ద్విచక్ర వాహనాలు ధ్వంసమయ్యాయి.

విజయవాడ, మే 12: ‘కాలుష్య నివారణే తక్షణ కర్తవ్యం’గా రాష్ట్ర కాలుష్య నివారణ సంస్థ పనిచేస్తోందని అందుకు అనుగుణంగా నిపుణులతోను, శాస్తవ్రేత్తలతోను, ఉన్నత విద్యావంతులతోను ఆయా పరిశ్రమలపై అవగాహన కార్యక్రమాలను చేపట్టి ‘క్లీనిక్’లను నిర్వహిస్తున్నామని రాష్ట్ర కాలుష్య నియంత్రణ బోర్డు ఛైర్మన్ జి.్ఫణికుమార్ పేర్కొన్నారు.