విశాఖపట్నం, మే 11: జగద్గురు ఆది శంకరాచార్య జయంతిని జాతీయ పండుగగా ప్రకటించాలని విశాఖ శ్రీ శారదా పీఠాధిపతి స్వరూపానందేంద్ర సరస్వతి స్వామీజీ అన్నారు. ఆది శంకరాచార్యుల జయంతిని పురస్కరించుకుని శారదాపీఠంలో బుధవారం జరిగిన కార్యక్రమంలో భక్తులను ఉద్దేశించి ఆయన అనుగ్రహభాషణం చేస్తూ ప్రపంచంలో భారతదేశ కీర్తి ప్రతిష్ఠలు ఇనుమడించాయంటే అందుకు శంకరాచార్యుని ఉపదేశాలే కారణమని అన్నారు.

ఆలమూరు, మే 11: తూర్పు గోదావరి జిల్లా ఆలమూరు మండలం బడుగువానిలంక గ్రామానికి చెందిన దూలం వెంకటేశ్వరరావు అనే రైతు అరటి తోటలోని ఒక చెట్టుకు వేసిన గెల చూపరులకు ఆశ్చర్యం గొలుపుతోంది. ఈ గెలకు ఉన్న ఒక అత్తానికి ఏకంగా 72 అరటి పండ్లు ఉన్నాయి. సాధారణంగా కర్పూరం వెరైటీ అరటి గెలకు నాలుగు నుండి పది అత్తాలుంటాయి. ఒక్కో అత్తానికి 12 నుండి 18 వరకు పండ్లు ఉంటాయి.

విజయవాడ, మే 11: రాష్ట్రంలో ప్రముఖ పుణ్య క్షేత్రాల్లో బెజవాడ కనకదుర్గమ్మ ఆలయం. మన రాష్ట్రంలో ఎవరు ఏ పుణ్యక్షేత్రాన్ని సందర్శించినా, తిరిగి వచ్చినప్పుడు విధిగా కనకదుర్గ అమ్మవారి దర్శనం చేసుకుంటారు. దేశ, విదేశాల నుంచి కూడా పెద్ద సంఖ్యలో భక్తులు ఇక్కడికి వస్తుంటారు.

రామకుప్పం, మే 11 : లక్ష్మి అనే వివాహిత అక్క కుమారుడి చేతిలో హత్యకు గురైన సంఘటన చిత్తూరు జిల్లా రామకుప్పం మండల పరిధిలోని వీర్నమల తాండ గ్రామంలో ఆలస్యంగా వెలుగు చూసింది. సోమవారం గ్రామానికి చెందిన శ్యామరాజు (30) ఈ హత్యకు పాల్పడ్డాడని స్థానికులు తెలిపారు. ఇతను తరచూ మద్యం సేవించి దొంగతనాలు చేసుకుంటూ బతికేవాడని స్థానికులు పసిగట్టారు.