నూజెండ్ల, మే 13: ఇంకుడు గుంతలు మూగజీవాలకు శాపంగా మారాయి. ప్రభుత్వం ప్రతిష్ఠాత్మకంగా చేపట్టిన ఇంకుడు గుంతలు మూగ జీవాల ప్రాణాలు తీస్తున్నాయి. గుంటూరు జిల్లాలో మూడు రోజుల వ్యవధిలో నూజెండ్ల మండలం ములకలూరు, పాత ఉప్పలపాడు, నూజెండ్ల, ముప్పరాజువారిపాలెం తదితర గ్రామాల్లో నాలుగు గేదెలు, ఒక ఆవు మృత్యువాత పడ్డాయి.

ఏపికి కేంద్రం ఇంత చేసినా, ఏమీ చేయలేదని దుష్ప్రచారం చేయడం సరికాదు. బిజెపిని రాష్ట్రంలో ఎదగకుండా కొన్ని పార్టీలు చిల్లర రాజకీయాలు చేస్తున్నాయ. టిడిపి తన రాజకీయ ఎదుగుదల కోసం బిజెపిని బలి చేస్తోంది. కేంద్ర ప్రభుత్వం రాష్ట్రానికి ఇచ్చిన నిధులు, వాటిని ఖర్చు చేస్తున్న తీరును పరిశీలించేందుకు, ఐదుగురు సభ్యులతో కమిటీని ఏర్పాటు చేస్తున్నాం.
- బిజెపి ఇంచార్జి సిద్దార్థనాథ్

ఏలూరు: అగ్రిగోల్డ్ చైర్మన్ వెంకటరామారావు, ఎండి శేషుకుమార్‌లకు స్థానిక కోర్టు శుక్రవారం బెయిల్ మంజూరు చేసింది. 5 లక్షల రూపాయల చొప్పున నగదు , ఇద్దరు పూచీకత్తులపై షరతులతో బెయిల్ ఇచ్చారు. అయితే, వీరు నెలకు రెండుసార్లు సిఐడి కోర్టుకు హాజరు కావాల్సి ఉంటుంది.

విజయవాడ:ఆంధ్రప్రదేశ్‌లో నిర్మిస్తున్న పోలవరం ప్రాజెక్టు పూర్తిచేసేందుకు అయ్యే వ్యయం మొత్తాన్ని కేంద్రప్రభుత్వమే భరిస్తుందని ఏపి బిజెపి వ్యవహారాల పరిశీలకుడు సిద్దార్థ్‌నాథ్ సింగ్ స్పష్టం చేశారు. జాతీయ ప్రాజెక్టుల వ్యయంలో 70శాతం మాత్రమే కేంద్రం భరించాల్సి ఉన్నప్పటికీ విభజిత ఆంధ్రప్రదేశ్ కష్టాల్లో ఉండటంతో కేంద్రం సానుకూలంగా స్పందించి మొత్తం వ్యయాన్ని భరిస్తోందని ఆయన చెప్పారు.