న్యూఢిల్లీ, ఆగస్టు 5: రాష్ట్ర ప్రభుత్వం చేపట్టిన వివిధ సంక్షేమ కార్యక్రమాలను, పథకాలను వస్తు, సేవల పన్ను (జిఎస్‌టి) జాబితాలోని 18 శాతం శ్లాబ్ పరిధి నుంచి 12 శాతం పరిధిలోకి తీసుకొచ్చేందుకు కేంద్ర ఆర్థిక మంత్రి అరుణ్ జైట్లీ అంగీకరించినట్టు తెలంగాణ ఐటి, పురపాలక శాఖ మంత్రి కెటిఆర్ తెలిపారు.

న్యూఢిల్లీ, ఆగస్టు 4: కేంద్రంలోని నరేంద్ర మోదీ సర్కారు నిధుల సమీకరణపై గట్టిగానే దృష్టి పెట్టింది. ప్రభుత్వ రంగ సంస్థల్లో ఉన్న వాటాలను విక్రయించి ఖాజానాకు ఆ సొమ్మును తరలించాలని తీవ్రంగా ప్రయత్నిస్తోంది. ప్రస్తుత ఆర్థిక సంవత్సరం (2017-18)లో ఇలా 72,500 కోట్ల రూపాయలను అందుకోవాలని నిర్దేశించుకున్నది తెలిసిందే. ఈ క్రమంలోనే నాలుగు రక్షణ రంగ సంస్థల్లోనూ పెట్టుబడులను వెనక్కి తీసుకోవాలని చూస్తోంది.

న్యూఢిల్లీ, ఆగస్టు 4: శనివారం అర్ధరాత్రి వరకు ఆదాయ పన్ను శాఖ కార్యాలయాలు తెరిచే ఉంటాయని కేంద్ర ఆర్థిక మంత్రిత్వ శాఖ ఓ ప్రకటనలో శుక్రవారం స్పష్టం చేసింది. గత ఆర్థిక సంవత్సరానికి (2016-17)గాను వృద్ధులు, 5 లక్షల రూపాయల ఆదాయానికి దిగువన ఉన్నవారు ట్యాక్స్ రిటర్న్స్ దాఖలు చేయడానికి వీలుగా ఈ నిర్ణయం తీసుకున్నట్లు ఆ ప్రకటనలో తెలిపింది.

న్యూఢిల్లీ, ఆగస్టు 4: ప్రభుత్వ రంగ బ్యాంకింగ్ సంస్థ ఆంధ్రా బ్యాంక్ నికర లాభం ఈ ఆర్థిక సంవత్సరం (2017-18) తొలి త్రైమాసికం (ఏప్రిల్-జూన్)లో గతంతో పోల్చితే 14 శాతం పెరిగి 40.42 కోట్ల రూపాయలుగా నమోదైంది. గత ఆర్థిక సంవత్సరం (2016-17) ఏప్రిల్-జూన్‌లో ఇది 31.09 కోట్ల రూపాయలుగా ఉంది. ఆదాయం ఈసారి 5,155.21 కోట్ల రూపాయలుగా ఉంటే, పోయనసారి 4,855.50 కోట్ల రూపాయలుగా ఉంది.