ముంబయి, జనవరి 8: దేశీయ స్టాక్ మార్కెట్లు శుక్రవారం లాభాల్లో ముగిశాయి. 19 నెలల కనిష్ట స్థాయి నుంచి కోలుకున్న బాంబే స్టాక్ ఎక్స్‌చేంజ్ సూచీ సెనె్సక్స్ 82.50 పాయింట్లు పెరిగి 24,934.33 వద్ద స్థిరపడగా, నేషనల్ స్టాక్ ఎక్స్‌చేంజ్ సూచీ నిఫ్టీ 33.05 పాయింట్లు లాభపడి 7,601.35 వద్ద నిలిచింది. అంతకుముందు నాలుగు వారాల్లో సెనె్సక్స్ 1,309.07 పాయింట్లు పతనమైంది.

రాజమహేంద్రవరం, జనవరి 8: పర్యావరణ అనుమతులు పొంది ప్రస్తుతం నడుస్తున్న రీచ్‌ల్లో తవ్వగా మిగిలిన ఇసుకకే వేలం నిర్వహించాలని ఆంధ్రప్రదేశ్ రాష్ట్ర ప్రభుత్వం భావిస్తున్నట్టు తెలుస్తోంది. రాష్ట్రంలో ఇసుక రీచ్‌లను మహిళా పొదుపు సంఘాల పర్యవేక్షణలో నడిపించాలన్న నిర్ణయంలో భాగంగా పర్యావరణ అనుమతులు పొందిన రీచ్‌ల్లో తవ్వకాలు జరుగుతున్న సంగతి విదితమే.

వాషింగ్టన్, జనవరి 7: ప్రపంచ ఆర్థిక వ్యవస్థలో భారత్ మున్ముందు కూడా మెరుగైన స్థానంలోనే కొనసాగుతుందని ప్రపంచ బ్యాంకు స్పష్టం చేసింది. వచ్చే (2016-17) ఆర్థిక సంవత్సరంలో భారత ఆర్థిక వ్యవస్థ చైనా కంటే ఒక పర్సెంటేజీ పాయింట్ అధికంగా 7.8 శాతం వృద్ధి సాధిస్తుందని అంచనా వేస్తున్నట్లు ప్రపంచ ఆర్థిక స్థితిగతులపై తాజాగా విడుదల చేసిన నివేదికలో ప్రపంచ బ్యాంకు పేర్కొంది.

న్యూఢిల్లీ, జనవరి 7: సాఫ్ట్‌వేర్ ఉత్పత్తులపై ద్వంద్వ పన్నుల విధానంనుంచి ఊరట కల్పించాలని, అంతర్జాతీయ మార్కెట్‌లో చేపడుతున్న రక్షణాత్మక చర్యల కారణంగా తమకుకూడా రక్షణ కల్పించాలని భారతీయ ఐటి పరిశ్రమ ప్రభుత్వాన్ని కోరింది. ‘సాఫ్ట్‌వేర్ ఉత్పత్తులపై ద్వంద్వ పన్నుల విధింపుపై మా భయాలను ప్రభుత్వానికి తెలియజేసాం.