ఎపి సిఎం చంద్రబాబు ఎంత మాట్లాడినా, ఏం చేస్తున్నా- అంతా అమరావతి, కోస్తా అభివృద్ధి తప్ప ఇతర ప్రాంతాల ప్రస్తావనే లేదు. రాష్ట్ర ప్రభుత్వం వివక్ష చూపుతోందనే విషయం కోస్తాంధ్ర అభివృద్ధి, రాయలసీమలో క్షామ పరిస్థితులు నిరూపిస్తాయి. మెట్టప్రాంతమైన సీమ జిల్లాల్లో దారుణ స్థితులు నేటికీ కొనసాగుతున్నాయి.

పాకిస్తాన్ ఉగ్రవాద మూకలపై మెరుపుదాడులు జరిగిన రోజు జాతి జనులు దేశ రాజకీయ నాయకత్వ దృఢచిత్తం చూసి అభినందించారు. అన్ని రాజకీయ పార్టీల వారూ మోదీ ప్రభుత్వానికి మద్దతు పలికారు. కానీ, ఆ సంతోషం ఎంతోసేపు నిలవలేదు. ప్రతిదీ రాజకీయ యాగీ చేసే మతి తప్పిన కొందరు నాయకులకు అదే కంటగింపైంది. 1971లో అప్పటి ప్రధాని ఇందిరను ‘దుర్గ’తో పోల్చిన వాజపేయికి ఉన్న రాజనీతిజ్ఞత నేటి ప్రతిపక్షంలో కానరావట్లేదు.

ఆధునిక శాస్త్ర, సాంకేతిక విజ్ఞానం రోజురోజుకూ పెరిగి మనిషి జీవితం మరింత ‘స్మార్టు’గా మారిపోతుండగా, మరో పక్క సామాజిక సమస్యలు సైతం పెచ్చుమీరుతున్నాయని ఇటీవలి సర్వేలో తేలింది. అందులో ప్రధానమైనవి ఆరోగ్య, మానసిక సమస్యలతో పాటు మానవ సంబంధాలు కూడా దెబ్బతింటున్నాయని వెల్లడైంది. తాజాగా మరో సర్వేలో మంచి పనిమంతులు కూడా కార్యాలయాల్లో సామాజిక మాధ్యమాల్లో నిమగ్నమైపోతున్నారని తేలింది.

తరగతి గది సమాజంలో అంతర్భాగం. విద్యార్థిపైన సమాజం ఎంత ప్రభావితం చేస్తుందో, విద్యార్థి కూడా సమాజాన్ని అంతే ప్రభావితం చేస్తాడు. సమాజం పరిధి పెద్దది కాబట్టి విద్యార్థి ప్రభావం సమాజం మీద ఏ కొద్ది పాటి ఉన్నా అది సమాజం దశను మార్చుతూ ఉంటుంది. ప్రతి సమాజానికి కొన్ని విలువలుంటాయి. కొన్ని ఆశయాలు ఉంటాయి. కొన్ని సంస్కారాలుంటాయి. ఇవన్నీకూడా ఆనాటి విద్యావిధానంపై ప్రభావం చూపుతాయి.