లండన్, జూన్ 2: బ్రిటన్ ప్రభుత్వం ప్రతిష్టాత్మకంగా చేపట్టిన నేషనల్ హెల్త్ సర్వీసుకు డాక్టర్ల కొరత తలెత్తింది. దీంతో దేశంలో పనిచేసేందుకు ముందుకు వచ్చే భారత్ డాక్టర్లను అనుమతించాలని, కఠిమమైన వీసా నిబంధనలను సడలించాలని బ్రిటన్ దేశ వైద్య సంఘాలతో పాటు బ్రిటన్‌లో పనిచేస్తున్న భారత్ సంతతికి చెందిన వైద్యులు ప్రభుత్వంపై వత్తిడి పెంచారు.

సియోల్, జూన్ 1: ఈ నెలలో మిలిటరీ, రెడ్‌క్రాస్ చర్చలు జరపాలని ఉభయ కొరియాలు ఒక అంగీకారానికి వచ్చాయి. రెండు దేశాల మధ్య నెలకొన్న ఉద్రిక్తతలు తగ్గించడానికి, 1950-53 యుద్ధంలో విడిపోయిన కుటుంబాలను మళ్లీ కలపడానికి వీలుగా ఈ సమావేశాన్ని నిర్వహిస్తున్నారు. సరిహద్దు గ్రామమైన పాన్‌మున్‌జామ్‌లో ఇరు దేశా సీనియర్ అధికార్ల మధ్య జరిగిన సమావేశంలో ఈ మేరకు అంగీకారం కుదిరింది.

సింగపూర్, జూన్ 1: నౌకాదళ సంబంధాలతోపాటు ఆర్ధిక, రక్షణపరంగా మరింత చేరువవ్వాలన్న లక్ష్యంతో భారత్-సింగపూర్‌ల మధ్య శుక్రవారం 8 కీలక ఒప్పందాలపై సంతకాలు జరిగాయి. భారత ప్రధాని నరేంద్ర మోదీ సింగపూర్ ప్రధాని లీ లూంగ్‌ల మధ్య జరిగిన విస్తృత చర్చల అనంతరం ఈ ఒప్పందాలు కుదిరాయి.

ఇస్లామాబాద్, మే 31: పాక్ మిలిటరీ మాజీ నియంత పర్వేజ్ ముషారఫ్ పాస్‌పోర్టు, గుర్తింపు కార్డును బ్లాక్ చేయాలని పాకిస్తాన్ ప్రభుత్వం దేశీయాంగ శాఖను ఆదేశించింది. ప్రత్యేక కోర్టు ఆదేశం మేరకు ఈ నిర్ణయం తీసుకున్నట్లు పాక్ ప్రభుత్వం ప్రకటనలో పేర్కొంది. రాజద్రోహం కేసులో నిందితుడిగా ఉన్న ముషారఫ్ పాకిస్తాన్‌కు వచ్చేందుకు, కొన్ని సదుపాయాలు పొందడంపై ఆంక్షలు విధించారు.