టోక్యో, అక్టోబర్ 13: భారత సరుకు రవాణా నౌక ఒకటి శుక్రవారం తెల్లవారు జామున ఫిలిప్పీన్స్ సమీపంలో పసిఫిక్ మహాసముద్రంలో మునిగిపోయింది. దీంతో ఆ నౌకలో ఉన్న 11 మంది సిబ్బంది గల్లంతయ్యారని జపాన్ తీరరక్షక దళం తెలిపింది. పసిఫిక్ మహాసముద్రంలో ఏర్పడిన తుపాను కారణంగా నౌక మునిగిపోయిందని వివరించింది.

వాషింగ్టన్, అక్టోబర్ 12: అమెరికా అధ్యక్షుడు డొనాల్డ్ ట్రంప్ దేశంలోని ప్రధాన మీడియా సంస్థలపై కనె్నర్ర చేశారు. తన ప్రభుత్వం చేపట్టిన అణు విధానాన్ని విమర్శిస్తూ కథనాలు ప్రసారం చేసిన మీడియా నెట్‌వర్క్‌లపై తీవ్ర అసహనం వ్యక్తం చేసిన ట్రంప్ లైసెన్సులు రద్దుచేస్తామని హెచ్చరించారు. తప్పుడు వార్తలు ప్రసారం చేస్తే ఉపేక్షించేది లేదు, ఎలాంటి ఆధారాలు లేకుండా వార్తా కథనాలు ఇస్తే చర్యలు తప్పవని ఆయన తెలిపారు.

ఐరాస, అక్టోబర్ 10: అజెండాలో లేకపోయినా ఐరాస జనరల్ అసెంబ్లీలో కాశ్మీర్ అంశాన్ని పదేపదే లేవనెత్తడంపై భారత్ తీవ్ర అభ్యంతరం వ్యక్తం చేసింది. పొరుగుదేశంపై లేనిపోని ఆరోపణలు చేయడం ద్వారా చరిత్రను వక్రీకరించాలని చూస్తున్నారని పాకిస్తాన్ శాశ్వత ప్రతినిధి మలేహా లోధీపై భారత్ నిప్పులు చెరిగింది.

తుపాకీ సంస్కృతి అమెరికా వెన్నులో వణుకు పుట్టిస్తోంది. నిన్నటి లాస్‌వెగాస్‌లో జరిగిన మారణకాండే ఇందుకు నిదర్శనం. ఎప్పటికప్పుడు ఈ విష సంస్కృతిపై నిరసనలు వ్యక్తమైనా ఆ వేడి తగ్గిన తర్వాత పరిస్థితి మామూలే. జరిగిందేదో జరిగిపోయింది అంటూ సర్దుకుపోయే ధోరణే. లాస్‌వెగాస్ ఉన్మత్త కృత్యానికి బలైన వారికి సంతాప సూచకంగా... సర్వత్రా శాంతి విరియాలని ఆకాంక్షిస్తూ ఇలా సంఘటన స్థలంలో శాంతి కపోతాలను ఎగురవేశారు.