S ,7 à 8 RSCA (si SASPAS) et 6 cialis pharmacie cialis rapports de stage.
Others
మనిషికీ మనిషికీ మధ్య దూరం ఒక్క మాటేనా
బాటలన్నీ సంఘర్షణలతో ఏర్పరచుకున్న వాళ్లం..
ఒక్క పలకరింపైనా ఆపలేకపోతోందా..?
ఆరడుగుల ఎత్తున్న హృదయాల్ని కదిలించలేకపోతోందా..?
అనిపిస్తుంది అప్పుడప్పుడు..
అటువైపు నీవు పోవాలని నిలుచున్నప్పుడు
ఇటువైపు పోయె బస్సులే వస్తుంటవి
నీవు సరిగ్గా సమయానికి వచ్చినపుడు
బస్సు తప్పక లేటవుతుంది.
నిమిషం లేటయి వచ్చినా
బస్సు ముందు వెళ్లిపోతుంది.
అప్సరసల
అందెల రవళి
చినుకై
చిందేస్తోంది
రవి
రథపు చక్రాలు
చాపమై
చదలు నింపాయి
పుడమి
పులకరింత
మట్టితావై
పరిమళించింది
మబ్బుల
పుట్టిన మెరుపు
ఉరుమై
గుక్కపట్టింది
ముసలితనపు
ఉడుపు విడిచి
బాల్యపు
చొక్కా తొడుక్కుని
కాయై, పూవై, మొగ్గై
వానలో నేను.
ఆది అనాదిలో సైతం
మురిపె మెరుగని పిరమిడ్‌ని
లోహపు పాద ఘట్టనలో
ముక్కలగుతూ కూడ
ఒక్కటయ్యే పాదరస పాత్రని
ఉరుము మెరుపుల
కనుకాంతికి భీతిల్లే
పరుగు పందాల జింక పిల్లను
పుడమి తల్లి మాత్రం
పూవుకు రంగులు
పులిమిన మాట సత్యం
ప్రకృతి నిండు హృదయంతో
పరిమళాలు చల్లిందనడం నిస్సందేహం
ఎటొచ్చి.. పుణ్యకార్యాలకే కరువు
ఏమిటో.. జీవితం ఆలస్యంగా ప్రారంభమయి
తొందరగా ముగుస్తుంది
పగలు మెల్లగా నడుస్తుంది
రాత్రి పరుగులు తీస్తుంది
ఎందుకో.. చెట్టు ఆకాశమెత్తు ఎదిగింది
ఆకు కదలటం లేదు
కొమ్మ నవ్వటంలేదు
అసలు చల్లగాలి చిగురించటంలేదు
ఏమిటో.. పసిపిల్లవాడు పగలు పూట ఏడుస్తున్నాడు
ఒక అందం ఒక గదిలో
రాత్రిపూట ఆత్మహత్య చేసుకుంది
నిన్నటి వరకు నక్షత్రం ఇవ్వాళ
మనం అల్లుకున్న జ్ఞాపకాల పందిరి
నీవు నేను కలబోసుకున్న అనుభవాల సందడి
నీవు నన్ను వీడినా ఈ
జ్ఞాపకాల సుందరి
నన్ను వీడదని నీవు నాడు అన్నదే నిజం చేస్తున్నావు ప్రియా
ఈ పందిరి కింద మనం పారేసుకున్న కాలం
కన్నీళ్ల పుష్పాలు, నిట్టూర్పుల నెగళ్లను
ఎన్ని దోసెళ్లను నింపిందో
ఈ పందిరి కింద నీవు నేను ఒక్కటైనపుడు
వెలుగు పూలు నలిగిపోతున్నా
కుండపోతగా కురుస్తున్న వర్షంలో
తడుస్తున్న నేను, ఆలోచనలు రెండు వేరువేరు కావు
ఒకే వంతెనపై నడుస్తున్న రెండు చరిత్రలం
ఎక్కడో విస్ఫోటనం, నాలో కూడా
లోకపు వెలుగుని చూడలేని కళ్లకు
ముసుగేసి పడకేసిన సంస్కారపు వాసనలు
తెలియటం లేదు.. ఎందులకో...
చీకటిని దాటలేక అవస్థలు పడుతున్న భావమేదో
ఓ మూలగా బుడ్డి దీపం కింద అక్షరాన్ని వెలిగిస్తుంది
నిజంగా అదీ.. అరచేతిలోని అద్భుతం
భూమినీ.. భువనాంతరాల్ని
బొంగరంలా తిప్పుతున్న గొప్ప చోదకం
కళల ప్రపంచాన్ని
కళ్ల ముందు గిరికీలు కొట్టిస్తూ
స్క్రీన్ టచ్ చేశాక
కితకితల వెల్లువై ప్రవహిస్తుంది
పంకంలో నిలిచిన పద్మంలా
కాలుష్య సమాజంలో ఒక నిర్మలుడు
వాడికి నింగి లక్ష్యం
దశదిశల నుండి వీచే
స్వేచ్ఛావాయువులతో
ప్రాణం నిలుపుకొంటాడు వాడు
వాణ్ణి కలుషితం చేయాలని
పదేపదే యత్నించేవారెందరో!
ఎవరికీ చిక్కని పాదరసం వాడు
తామరాకు మీద నీటిబొట్టువాడు
హిమశిఖరాలపై నుండి దూకిపడే
గంగానది లాంటిది వాడి గమనం!
సగటు మనిషి జీవితం
ఆశకు నిరాశలకు మధ్య సాగే ఊగిస లాంటి పయనం
నిరాశల తిమిరాలపై సమరాన్ని సలుపుతూ
ఆశల తీరాలని చేరలేక
ఎడారిలోని ఎండమావుల్లా.. అక్కడక్కడా కనిపించే
ఆశల పల్లకీలో విహరిస్తూ
మనుగడ సాగిస్తుంటే...
సగటు మనిషిని నైరాశ్యంలోకి నెట్టేస్తాయి ఎదురయ్యే ఓటమిలు!
సగటు మనిషికి జీవితమంటే.. నాడు జీవించడం..
నేడు జీవన్మరణాల పోరాటం