నరసింహ శతకం

సీ॥ వెఱ్ఱివానికి నేల వేదాక్షరంబులు
మోటువానికి మంచి పాటలేల?
పశుల కాపరికేల పరతత్త్వబోధలు
విటకానికేలనో విష్ణు కథలు?
వదరు శుంఠలకేల వ్రాత పుస్తకములు
తిరుగుఁద్రిమ్మరికేల దేవపూజ?
ద్రవ్యలోభికి నేల దాతృత్వగుణములు
దొంగబంటుకు మంచి సంగతేల?
తే॥ క్రూరజనులకు నీమీద గోరికేల?
ద్రోహి పాపాత్మునకు దయాదుఃఖమేల?
భూషణ వికాస! శ్రీ్ధర్మపుర నివాస!

సీ॥ విద్య నేర్చితినంచు విఱ్ఱవీగఁగ లేదు
భాగ్యవంతుఁడనంచుఁ బలుక లేదు
ద్రవ్యవంతుఁడనంచుఁ దఱచు నిక్కఁగలేదు
నిరతదానములైన నెఱపలేదు
పుత్రవంతుఁ డనంచు సంతసింపఁగ లేదు
భృత్యవంతుడనంచుఁ బొంగలేదు
శౌర్యవంతుడనంచు సంతసింపఁగ లేదు
కార్యవంతుడనంచుఁ గడపలేదు
తే॥ నలుగురికి మెప్పుగానైన నడవలేదు
నలినదళనేత్ర! నిన్నునే నమ్మినాను
భూషణవికాస! శ్రీ్ధర్మపుర నివాస!

నరసింహ శతకం