హైదరాబాద్, జూన్ 18: టాటా-బోయింగ్ ఏరో స్పెస్ యూనిట్‌కు కేంద్ర రక్షణ మంత్రి మనోహర్ పారికర్ శనివారం శంకుస్థాపన చేశారు. దేశంలో ప్రతిష్టాత్మకమైన టాటా కంపెనీ, వందేళ్లు పూర్తిచేసుకున్న బోయింగ్ కంపెనీ సంయుక్తంగా ఏర్పాటు చేసిన ఏరో స్పేస్ యూనిట్‌ను రంగారెడ్డి జిల్లా ఆదిభట్లలో ప్రారంభించారు. రెండు నెలల్లో రక్షణ రంగ ఉత్పత్తులను ఈ యూనిట్ ప్రారంభిస్తుందని పారికర్ అన్నారు.

న్యూఢిల్లీ, జూన్ 18: ప్రభుత్వం రూపొందిస్తున్న కొత్త విద్యా విదానం కింద పాఠశాలల్లో యోగాకు అధిక ప్రాధాన్యం ఇవ్వనున్నారు. వచ్చే విద్యాసంవత్సరం నుంచి (2016-17) ఆరు కేంద్రీయ విశ్వవిద్యాలయాల్లో యోగా విభాగాలు ప్రారంభమవుతున్నాయని కేంద్ర మానవ వనరుల అభివృద్ధి శాఖ మంత్రి స్మృతి ఇరానీ తెలిపారు.

గుంటూరు, జూన్ 18: ఆంధ్రప్రదేశ్ రాజధానిలోని ప్రభుత్వ భవనాల నిర్మాణం తాత్కాలికమా? శాశ్వతమా? అనేది అంతుపట్టడం లేదు. ముఖ్యమంత్రి పదే పదే తాత్కాలిక భవనాలేనని చెబుతున్నా, చేసే ఖర్చు, నిర్మాణాల తీరు చూస్తే శాశ్వత భవనాలను తలపిస్తున్నాయి. ఓవైపు 750 కోట్ల రూపాయల వ్యయంతో తాత్కాలిక సచివాలయ భవనాలను కడుతుండగా, దాని ఎదురుగానే అసెంబ్లీ భవన సముదాయాన్నీ ఇటీవలే ప్రారంభించారు. దీనికి అంచనా వ్యయంపై స్పష్టత రాలేదు.

రాజకీయాల్లో నైతిక విలువలు నేతిబీర చందం. రాజకీయాల్లో నైతిక విలువలు దిగజారుతున్నాయని, తాము విలువల ప్రాతిపదికన రాజకీయాలు చేస్తున్నామని, అసలు తామొక్కరే నైతిక మడి కట్టుకున్నామని ఎవరైనా చెబితే, సదరు నైతికమూర్తుల వ్యక్తిత్వాన్ని నిలువునా శంకించాల్సిన రోజులివి. తెలంగాణ కాంగ్రెస్ సీనియర్ నేత జానారెడ్డి ఈమధ్య ఫిరాయింపు రాజకీయాలపై వాపోయారు. రాజకీయాలు ఇంతగా దిగజారాయని మహా ఆవేదన చెందారు.