కడియం, జనవరి 22: తూర్పు గోదావరి జిల్లా కడియం మండలం దుళ్ళ గ్రామంలో బుధవారం వేకువజామున ఒక ఉన్మాద చర్య చోటు చేసుకుంది. రాక్షసుడిగా మారిన ఒక వ్యక్తి తన మేనమామ కుటుంబంపై పెట్రోలు చల్లి నిప్పంటించాడు. ఇంట్లో వారంతా ఆదమరిచి నిద్రిస్తున్న సమయంలో ఈ ఉన్మాద చర్యకు దిగడంతో వారంతా మంటల్లో చిక్కుకున్నారు. ఇద్దరు అక్కడికక్కడే మృతిచెందగా, మరొకరు చికిత్స పొందుతూ ఆసుపత్రిలో మృతిచెందారు.

హైదరాబాద్, జనవరి 22: తప్పు చేసిన విద్యార్థులపై చర్యలు తీసుకోవల్సిందేనని, అయితే మరీ కఠిన చర్యలు భావ్యం కాదని హైకోర్టు ప్రధాన న్యాయమూర్తి జస్టిస్ రాఘవేంద్ర సింఘ్ చౌహాన్ పేర్కొన్నారు. వరంగల్ ఎన్‌ఐటీలో మొదటి సంవత్సరం విద్యార్థి ఒకర్ని గంజాయి తాగుతున్నాడనే ఆరోపణలతో సస్పెండ్ చేయగా, న్యాయం కోరుతూ ఆ విద్యార్థి హైకోర్టును ఆశ్రయించారు.

రాంచీ (జార్ఖండ్): జార్ఖండ్‌లో పతల్‌గర్హి ఉద్యమం తీవ్రతరమయ్యింది. తమ ఉద్యమాన్ని వ్యితిరేకిస్తున్నారన్న కక్షతో పశ్చిమ సింఘూ్భం జిల్లాలోని ఏడుగురు రైతులను సాయుధులైన ఉద్యమకారులు అపహరించి అనంతరం హత్య చేశారని పోలీసులు తెలిపారు. ఉద్యమకారుల చేతుల్లో లాఠీలు, గొడ్డళ్ళు ఉన్నట్లు స్థానికులు తెలిపారని పోలీసులు చెప్పారు.

కోర్బా, జనవరి 22: చత్తీస్‌గఢ్‌లోని కోర్బా జిల్లాలో 23 ఏళ్ల ఓ గిరిజన యువతిపై సామూహిక అత్యాచారం జరిగినట్టు తమకు ఫిర్యాదు అందిందని పోలీసులు తెలిపారు. ఈ సంఘటనకు సంబంధించిన ముగ్గురు అనుమానితులను అదుపులోకి తీసుకున్నట్టు తెలిపారు. బాల్కోనగర్ పోలీస్ స్టేషన్ పరిధిలో కాలకృత్యాలు తీర్చుకోవడానికి వెళ్లిన ఆ మహిళపై ముగ్గురు వ్యక్తులు అత్యాచారానికి పాల్పడ్డారని, వారిని అరెస్టు చేశామని అధికారులు తెలిపారు.