న్యూఢిల్లీ, జూన్ 29: పాకిస్తాన్‌పై అవసరమైతే మరోసారి మెరుపు దాడులు చేయగలమని లెఫ్టినెంట్ జనరల్ డీఎస్ హుడా శుక్రవారం తెలిపారు. పాకిస్తాన్‌కు ఇంకోసారి గట్టిగా బుద్ధి చెప్పాలనుకుంటే భారత దేశం మరోసారి మెరుపుదాడి చేయగలుగుతుందని మొదటి మెరుపుదాడిని రచించి పర్యవేక్షించిన పదవీ విరమణ చేసిన లెఫ్టినెంట్ జనరల్ డీఏస్ హుడా చెప్పారు.

శ్రీనగర్, జూన్ 29: జమ్ముకాశ్మీర్‌లోని పుల్వామా జిల్లాలో శుక్రవారం జరిగిన ఎన్‌కౌంటర్‌లో ముగ్గురు ఉగ్రవాదులు హతమయ్యారు. కాగా ఎన్‌కౌంటర్ జరిగిన ప్రదేశంలో ఆందోళనకారులు, భద్రతాబలగాలపై రాళ్లు రువ్విన ఘటనలో ఒక యువకుడు మరణించినట్లు పోలీసులు తెలిపారు. ఉగ్రవాదులు తుమ్మా అనే గ్రామంలో నక్కి ఉన్నారనే సమాచారం తెలిసిన వెంటనే భద్రతా బలగాలు అప్రమత్తమై ఆ గ్రామాన్ని చుట్టుముట్టారు.

న్యూ ఢిల్లీ, జూన్ 29: సుప్రీంకోర్టులో నిఖా హలాల, బహుభార్యాత్వం అంశాల కేసు విచారణకు వస్తే వ్యతిరేకిస్తామని కేంద్ర న్యాయ మంత్రిత్వశాఖ వర్గాలు తెలిపాయి. ఈ ఏడాది మార్చి నెలలో సుప్రీంకోర్టు ముస్లింలలో పెళ్లికి సంబంధించి ఉండే పైన పేర్కొన్న రెండు మత పద్దతులపై స్పందించాలని కేంద్రానికి నోటీసులు జారీ చేసింది. ఈ కేసు త్వరలో సుప్రీంకోర్టులో విచారణకు వచ్చే అవకాశం ఉంది.

న్యూఢిల్లీ, జూన్ 29: తప్పిపోయిన, అనాధ పిల్లల సమాచారం ఇక సులభంగా తెసుకోవచ్చు. దీనికి సంబంధించి ఓ మొబైల్ యాప్‌ను కేంద్ర వాణిజ్య మంత్రి సురేష్ ప్రభు, నోబెల్ అవార్డు గ్రహీత కైలాష్ సత్యార్థి శుక్రవారం ఇక్కడ ఆవిష్కరించారు. ఈ యాప్‌కు ‘రీ యునైట్’ అని నామకరణం చేశారు. బచపన్ బచావో ఆందోళన్, ఐటీ దిగ్గజం కేప్‌జెమినీ సంయుక్తంగా రీ యునైట్ యాప్‌ను రూపొందించాయి.