S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

03/29/2016 - 03:03

న్యూఢిల్లీ, మార్చి 28: వివాదాస్పద బంగ్లాదేశ్ రచయిత్రి తస్లిమా నస్రీన్ వీసాను రద్దుచేసి, ఆమెను వెనక్కి పంపాలన్న పిటిషన్‌ను సుప్రీం కోర్టు సోమవారం తిరస్కరించింది. ‘మాకు వేరే పనేమీ లేదనుకుంటున్నారా?’ అంటూ ప్రధాన న్యాయమూర్తి టి.ఎస్.్ఠకూర్, న్యాయమూర్తి యు.యు.లలిత్‌లతో కూడిన సుప్రీం బెంచ్ తీవ్ర ఆగ్రహం వ్యక్తం చేసంది.

03/29/2016 - 03:03

న్యూఢిల్లీ, మార్చి 28: వామపక్ష భావజాలాన్ని కలిగివున్న మేథావులు భారతదేశ కీర్తి, ప్రతిష్ఠను దెబ్బతీసేందుకు ప్రయత్నిస్తున్నారని రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) సోమవారం తీవ్రస్థాయిలో ధ్వజమెత్తింది.

03/29/2016 - 04:58

న్యూఢిల్లీ, మార్చి 28: తెలుగు సినిమా జాతీయ ఉత్తమ పురస్కారాన్ని సాధించడానికి బాహుబలమే అవసరమైంది. దాదాపు ఎనిమిది దశాబ్దాల పాటు ఎన్నో మకుటాయమానమైన సినిమాలకు పుట్టినిల్లుగా నిలిచిన తెలుగు సినిమాకు దక్కని జాతీయ ఉత్తమ చిత్రం అవార్డును తొలిసారిగా బాహుబలి సాధించింది. ఇది నిజంగా తెలుగు సినిమాకు సరికొత్త జాతీయ వెలుగు. తెలుగు సృజనకు కట్టిన పట్టం. తెలుగు దర్శకత్వ నైపుణ్యానికి చెక్కిన జాతీయ నగిషీ.

03/29/2016 - 00:56

న్యూఢిల్లీ, మార్చి 28: ఇక అత్యవసర సర్వీసులకు దేశవ్యాప్తంగా ఒకే నెంబర్.. అదే 112. పోలీసు, అగ్నిమాపక, అంబులెన్స్, ఇతర ఎమర్జెన్సీ సేవలను వినియోగించుకోవడానికి ఇప్పటి వరకూ 100, 101, 102, 108 నెంబర్లను డయల్ చేస్తూ వచ్చాం. ఇక నుంచి కేవలం ‘112’ డయల్ చేస్తే చాలు. అమెరికాలో ఇలాంటి అత్యవసర సర్వీసులకు అమలులో ఉన్న 911 తరహాలోనే భారత ప్రభుత్వం 112 నెంబర్‌ను అమలులోకి తెచ్చింది.

03/28/2016 - 18:07

దిల్లీ: తమిళనాడులో మాదిరి అతి తక్కువ ధరకే భోజనం, కొన్నిరకాల టిఫిన్లు అందించేందుకు దిల్లీలో ఆమ్ ఆద్మీ పార్టీ సర్కారు క్యాంటీన్లను ప్రారంభించేందుకు రంగం సిద్ధమైంది. సోమవారం దిల్లీ అసెంబ్లీలో ప్రవేశపెట్టిన బడ్జెట్‌లో క్యాంటీన్ల ఏర్పాటు, నిర్వహణకు నిధులు కేటాయించినట్లు ఉప ముఖ్యమంత్రి సిసోదియా తెలిపారు. సిఎం అరవింద్ కేజ్రీవాల్ ఆలోచనల మేరకు రుచికరమైన భోజనం అందించేలా ఏర్పాట్లు చేస్తున్నారు.

03/28/2016 - 18:06

చండీగఢ్: జాట్ కులస్థులకు విద్య, ఉపాధి రంగాల్లో రిజర్వేషన్లు కల్పించేందుకు ప్రత్యేక బిల్లును హర్యానా మంత్రిమండలి సోమవారం ఆమోదించింది. త్వరలో జరిగే అసెంబ్లీ సమావేశాల్లో ఈ బిల్లును ఆమోదించాల్సి ఉంది. రిజర్వేషన్ల కోసం ఇటీవల హర్యానా జాట్‌లు భారీ ఎత్తున ఉద్యమించడంతో క్యాబినెట్ ఈ నిర్ణయం తీసుకుంది.

03/28/2016 - 14:23

దిల్లీ: జెఎన్‌యు (దిల్లీ) విద్యార్థి సంఘం అధ్యక్షుడు కన్నయ్యకుమార్, మరో విద్యార్థి ఉమర్ ఖలీద్‌లు ఈ నెలాఖరులోగా దిల్లీని విడిచిపెట్టి వెళ్లకపోతే దుర్గాష్టమి (వచ్చే నెల 8)లోగా వారిని హతమారుస్తామని యుపికి చెందిన నవ్ నిర్మాణ సేన అనే రాజకీయ పార్టీ తన ఫేస్‌బుక్ పేజీలో హెచ్చరించింది.

03/28/2016 - 14:19

దిల్లీ: వరుణ్ తేజ్, ప్రజ్ఞా జైశ్వాల్ ప్రధాన పాత్రల్లో నటించగా క్రిష్ దర్శకత్వంలో వచ్చిన ‘కంచె’ తెలుగులో ఉత్తమ చిత్రంగా ఎంపికైంది. సోమవారం కేంద్ర ప్రభుత్వం ప్రకటించిన 63వ జాతీయ చలనచిత్ర పురస్కారాల జాబితాలో ప్రాంతీయ భాషలకు సంబంధించి తెలుగులో ‘కంచె’ ఉత్తమ చిత్రంగా నిలిచింది.

03/28/2016 - 12:27

దిల్లీ: ఇక్కడి రాష్టప్రతి భవన్‌లో సోమవారం ఉదయం రాష్టప్రతి ప్రణబ్ ముఖర్జీ పద్మ అవార్డులు ప్రదానం చేశారు. ప్రధాని మోదీ, లోక్‌సభ స్పీకర్ సుమిత్రా మహాజన్, పలువురు కేంద్ర మంత్రులు హాజరయ్యారు. అయిదుగురికి పద్మవిభూషణ్, 8 మందికి పద్మభూషణ్, 46 మందికి పద్మశ్రీ అవార్డులను అందజేశారు. ధీరూబాయ్ అంబానీ (మరణానంతరం) తరఫున ఆయన కుటుంబ సభ్యులు పద్మవిభూషణ్ అందుకున్నారు.

03/28/2016 - 12:32

ముంబయి: హైదరాబాద్-ముంబయి ఎయిర్ ఇండియా విమానాన్ని ఇక్కడి ఎయిర్ పోర్టులో సోమవారం ఉదయం అత్యవసరంగా ల్యాండింగ్ చేశారు. విమానంలో నుంచి పొగలు రావడంతో ఈ చర్య తీసుకున్నారు. ఇందులో ప్రయాణిస్తున్న 120 మంది ప్రయాణీకులను సురక్షితంగా కిందకు దించారు.

Pages