న్యూఢిల్లీ, నవంబర్ 28: ఆంధ్రప్రదేశ్‌లో వైద్య పరికరాల అభివృద్ధి సమాఖ్య (ఎండిపిసి)ను ఏర్పాటు చేస్తున్నట్లు కేంద్ర పట్టణాభివృద్ధి, సమాచార మంత్రి వెంకయ్యనాయుడు ప్రకటించారు. ఆయన సోమవారం కేంద్ర పార్లమెంటరీ వ్యవహారాలు, రసాయనాలు ఎరువుల శాఖ మంత్రి అనంతకుమార్‌తో పార్లమెంటు ఆవరణలోని తమ కార్యాలయంలో సమావేశమై ఎండిపిసి ఏర్పాటు గురించి చర్చించారు. ఎండిపిసిని త్వరగా ఏర్పాటు చేయాలని అనంతకుమార్‌కు సూచించారు.

కుషినగర్ (ఉత్తరప్రదేశ్), నవంబర్ 27: ప్రత్యామ్నాయ ఏర్పాట్లు చేయకుండా పెద్దనోట్లను రద్దు చేయడాన్ని వ్యతిరేకిస్తూ ‘్భరత్ బంద్’కు పిలుపునిచ్చిన ప్రతిపక్షాలపై ప్రధానమంత్రి నరేంద్ర మోదీ విరుచుకుపడ్డారు. అవినీతిని, నల్లధనాన్ని నిర్మూలించడానికి తాను ప్రయత్నిస్తుంటే వారు బంద్‌లు చేయడానికి ప్రయత్నిస్తున్నారంటూ ఆయన పరోక్షంగా ప్రతిపక్షాలపై ధ్వజమెత్తారు. భారత్ బంద్ కావాలా, అవినీతి నిర్మూలన కావాలా?

న్యూఢిల్లీ, నవంబర్ 27: పేదల బ్యాంకు ఖాతాలను ఆసరా చేసుకుని తమ అక్రమ సొత్తును డిపాజిట్ చేసే వారిని వదిలేది లేదని ప్రధాని నరేంద్ర మోదీ హెచ్చరించారు. దేశ వ్యాప్తంగా తెరుచుకున్న జన్‌ధన్ ఖాతాల్లోకి కేవలం రెండు వారాల వ్యవధిలోనే వేలాది కోట్ల రూపాయలు జమ అయ్యాయంటూ వచ్చిన కధనాల నేపథ్యంలో మాట్లాడిన మోదీ ఇలాంటి అక్రమాలకు పాల్పడే వారిపై బినామీ లావాదేవీల నిరోధక చట్టాన్ని ప్రయోగిస్తామని తెలిపారు.

ముంబయి, నవంబర్ 27: పెద్ద నోట్ల రద్దుపై రిజర్వు బ్యాంకు (ఆర్‌బిఐ) గవర్నర్ ఉర్జిత్ పటేల్ ఎట్టకేలకు వౌనాన్ని వీడారు. ప్రస్తుతం నెలకొన్న పరిస్థితిని రోజు వారీగా సమీక్షిస్తూ, ప్రజల వాస్తవిక సమస్యలను పరిష్కరించేందుకు అవసరమైన అన్ని చర్యలు చేపడుతున్నామని, సాధ్యమైనంత త్వరగా పరిస్థితులను మళ్లీ సాధారణ స్థితికి తీసుకువచ్చేందుకు ప్రయత్నిస్తున్నామని ఆయన తెలిపారు.