న్యూఢిల్లీ, నవంబర్ 29: విపక్షాల నినాదాలు, గందరగోళ పరిస్థితుల మధ్య ఆదాయం పన్ను సవరణ బిల్లును ఎలాంటి చర్చ లేకుండా లోక్‌సభ మంగళవారం ఆమోదించింది. దేశంలో పెద్దనోట్ల రద్దు తర్వాత డిపాజిట్ అయ్యే నల్లధనంపై 50శాతం పన్ను విధించడానికి, అలాగే మరో పాతిక శాతాన్ని నాలుగేళ్ల పాటు ప్రభుత్వం వద్దే ఉంచుకోవడానికి, మిగిలిన పాతిక శాతం మొత్తానే్న తిరిగి తీసుకోవడానికి బిల్లు వీలు కల్పిస్తోంది.

న్యూఢిల్లీ, నవంబర్ 29: వెయ్యి, 500 రూపాయల నోట్లను రద్దుచేస్తూ కేంద్రం తీసుకున్న నిర్ణయాన్ని సవాలు చేస్తూ తాజాగా దాఖలయిన రెండు పిటిషన్లను పెండింగ్‌లో ఉన్న ప్రజాప్రయోజన వ్యాజ్యాల (పిల్)తో కలిపి డిసెంబర్ 2న విచారించడానికి సుప్రీంకోర్టు మంగళవారం అంగీకరించింది.

న్యూఢిల్లీ, నవంబర్ 29: ప్రధాని నరేంద్ర మోదీ సభకు వచ్చి చర్చలో పాల్గొనాలంటూ రాజ్యసభలో ప్రతిపక్ష పట్టుబట్టింది. విపక్ష సభ్యులు పోడియం వద్ద ఇచ్చిన నినాదాలతో రాజ్యసభ మారుమోగింది. రాజ్యసభ చైర్మన్ హమీద్ అన్సారీ, ఉపాధ్యక్షుడు పిజె కురియన్ సభను అదుపు చేసేందుకు అనేకసార్లు విఫలమయ్యారు. కురియన్ పలుమార్లు ప్రతిపక్ష సభ్యులను పేరుపేరునా హెచ్చరించారు.

న్యూఢిల్లీ, నవంబర్ 29: దేశంలో ప్రజలు అన్ని రంగాల్లో సమగ్ర అభివృద్ధిని కోరుకుంటున్నారని, అవినీతి, దుష్పరిపాలనలను సహించటం లేదని ప్రధాన మంత్రి నరేంద్ర మోదీ వ్యాఖ్యానించారు. దేశంలో పార్లమెంట్, అసెంబ్లీ, స్థానిక సంస్థలకు ఇటీవల జరిగిన ఎన్నికల్లో బిజెపి విజయాలే ఇందుకు తార్కాణమని ఆయన అన్నారు. మంగళవారం ఇందుకు సంబంధించి ట్విట్టర్ ఖాతాలో ఆయన వరుస ట్వీట్లు చేశారు.