దిల్లీ: ఎయిర్‌పోర్టు వద్ద రోడ్డును పొరపాటున రన్ వేగా భావించి ఇండిగో విమానాన్ని కిందకు దింపే ప్రయత్నం చేసిన ఇద్దరు పైలెట్ల లైసెన్స్‌లను పౌర విమానయాన డైరెక్టర్ జనరల్ రద్దు (డిజిసిఎ) చేశారు. ఈ ఏడాది ఫిబ్రవరి 27న అహ్మదాబాద్ నుంచి రాజస్థాన్ వెళ్లిన ఇండిగో విమానాన్ని ఎయిర్ పోర్టు పక్కన రహదారిపై దింపేందుకు ఆ ఇద్దరు పైలెట్లు ప్రయత్నించారు.

ముంబై: జింబాబ్వే వెళ్లే భారత జట్టును బిసిసిఐ సోమవారం నాడు ప్రకటించింది. ధోనీ (కెప్టెన్‌), మనీశ్ పాండే, రాయుడు, అక్షర్ పటేల్, కరుణ్ నాయర్, మన్‌దీప్ సింగ్, జయంత్ యాదవ్, రుషి ధావన్, కెఎల్ రాహుల్, ఫైజల్, బరిందర్ సరన్, జయదేవ్ ఉనడ్‌కట్, కేదార్ జాదవ్, యజువేంద్ర చహల్, ధవళ్ కులకర్ణి, బుమ్రా ఎంపికయ్యారు. మూడు వన్డే, మూడు టి20 మ్యాచ్‌లు భారత జట్టు ఆడనుంది.

చెన్నై: రాజకీయ వైరాన్ని పక్కనపెట్టి డిఎంకె కోశాధికారి స్టాలిన్ సోమవారం ఉదయం జయలలిత ప్రమాణ స్వీకారోత్సవానికి హాజరయ్యారు. తమిళనాడు ముఖ్యమంత్రిగా జయలలిత ప్రమాణ స్వీకారం చేస్తున్న సమయంలో అందరి దృష్టి స్టాలిన్‌పై పడింది. జయలలిత ఆహ్వానం పంపినప్పటికీ డిఎంకె అధినేత, మాజీ సిఎం కరుణానిధి ఈ కార్యక్రమానికి రాలేదు. ఆయన కుమారుడు స్టాలిన్ నిర్ణీత సమయం కంటే అరగంట ముందుగానే హాజరుకావడం చర్చనీయాంశమైంది.

చెన్నై: తమిళనాడు అసెంబ్లీ ఎన్నికల్లో వరసగా రెండోసారి గెలిచిన అన్నాడిఎంకె అధినేత్రి జయలలిత సోమవారం ఉదయం 28 మంది మంత్రులతో ప్రమాణ స్వీకారం చేశారు. మద్రాసు విశ్వవిద్యాలయం సెంటినరీ హాలులో జరిగిన కార్యక్రమంలో ఆ రాష్ట్ర గవర్నర్ కొణిజేటి రోశయ్య వీరిచేత ప్రమాణ స్వీకారం చేయించారు. ఈ సందర్భంగా రాజకీయ, సినీ, పారిశ్రామిక రంగాలకు చెందిన పలువురు ప్రముఖులు హాజరై జయకు శుభాకాంక్షలు తెలిపారు.