డెహ్రాడూన్, మే 24: రెబల్ కాంగ్రెస్ ఎమ్మెల్యేలతో బేరసారాలు నడిపి స్టింగ్ ఆపరేషన్‌లో దొరికిపోయిన ఉత్తరాఖండ్ ముఖ్యమంత్రి హరీశ్ రావత్‌ను మంగళవారం సిబిఐ విచారించింది. మార్చి 27న ఉత్తరాఖండ్‌లో రాష్టప్రతి పాలన విధించిన తరువాత బలపరీక్షలో తనకు అనుకూలంగా ఓటేయాలంటూ ఎమ్మెల్యేలతో రావత్ బేరసారాలు చేశారని ఆరోపణ. స్టింగ్ ఆపరేషన్ వీడియో క్లిప్పింగ్‌లు సంచలనం సృష్టించాయి.

న్యూఢిల్లీ, మే 24: దేశంలో ఉగ్రవాదాన్ని అణచివేసే చర్యల్లో భాగంగా కేంద్ర హోం మంత్రిత్వ శాఖ చేపట్టిన విదేశీయుల వేలిముద్రల సేకరణ భారీ డేటాబ్యాంకును సృష్టించింది. ఈ-టూరిస్టు వీసాపై దేశానికి వచ్చే ప్రతి విదేశీయుడి వేలిముద్రలను సేకరించి భద్రపరిచే వ్యవస్థను కొన్ని రోజుల క్రితం ప్రారంభించింది.

పుణె, మే 24: ఉల్లిపాయ కోస్తే కన్నీరు... ధర పెరిగితే వంటింట్లో కన్నీరు... ధర తగ్గిపోతే రైతు కంట్లో కన్నీరు... ఉల్లిపాయ విషయంలో ఎటుచూసినా కన్నీరే మిగులుతోంది. కొన్ని రోజుల క్రితం ఉల్లిపాయల ధరలు ఆకాశాన్నంటి దేశవ్యాప్తంగా వినియోగదారులు గగ్గోలు పెట్టారు. తాజాగా ఉల్లిపాయల ధరలు దారుణంగా పడిపోయి రైతులు లబోదిబోమంటున్నారు. ఇదీ నేటి పరిస్థితి.

గువహటి, మే 24: అసోంతోపాటు అన్ని ఈశాన్య రాష్ట్రాల సమగ్ర అభివృద్ధికి సహాయ, సహకారాలను కేంద్ర ప్రభుత్వం అందిస్తుందని ప్రధాని నరేంద్ర మోదీ ఉద్ఘాటించారు. ఈశాన్య రాష్ట్రాల అవసరాలను దృష్టిలో పెట్టుకుని కేంద్రం ఓ పటిష్టమైన విధానాన్ని ముందుకు తెస్తుందని తెలిపారు. మొత్తం ఈశాన్య భారత సమగ్ర అభివృద్ధికి అసోం కేంద్రం కాబోతోందని, దీని ఆలంబనగానే ఈ ప్రాంతం సర్వతోముఖంగా ప్రగతి పరుగులు పెడుతుందని మోదీ తెలిపారు.