‘బిగ్ త్రీ’ ఆధిపత్యానికి చెల్లుచీటీ?
Published Saturday, 14 May 2016అంతర్జాతీయ క్రికెట్ మండలి (ఐసిసి)లో భారత్, ఇంగ్లాండ్, ఆస్ట్రేలియా క్రికెట్ బోర్డుల హవాకు తెరపడనుందా? ఇన్నాళ్లు ‘మూడు’ముక్కలాట ఆడిన ఐసిసి ఇప్పుడు మార్పును కోరుకుంటున్నదా? భారత క్రికెట్ నియంత్రణ బోర్డు (బిసిసిఐ) అధ్యక్ష పదవికి రాజీనామా చేసిన శశాంక్ మనోహర్ ఐసిసి స్వతంత్ర ప్రతిపత్తిగల చైర్మన్గా ఏకగ్రీవంగా ఎన్నికకావడంతో, అతను తీసుకోబోయే నిర్ణయాల వల్ల ఐసిసిలో మూడు దేశాల ఆధిపత్యానికి తెరపడి, మళ్లీ మునుపటి రోజులే వస్తాయా? క్రికెట్ అభిమానులను వేధిస్తున్న ఈ ప్రశ్నలకు త్వరలోనే సమాధానం వస్తుందో లేక ఏళ్లకు ఏళ్లు గడిచిపోతాయో చెప్పలేని పరిస్థితి.