S ,7 à 8 RSCA (si SASPAS) et 6 cialis pharmacie cialis rapports de stage.

బెల్ట్‌షాపులపై టాస్క్ఫోర్సు దాడులు

మంచిర్యాల, నవంబర్ 18: మంచిర్యాల జిల్లా హాజీపూర్ (మం) బుగ్గ గుట్ట ఏరియాలో మూడు బెల్ట్ షాపులపై రామగుండం టాస్క్ఫోర్సు పోలీసులు దాడి చేసి యజమానులను అదుపులోకి తీసుకున్నారు. రామగుండం కమీషనర్ సత్యనారాయణ ఆదేశాలమేరకు టాస్క్ఫోర్సు సిబ్బంది హాజీపూర్ మండల బుగ్గ గు ట్ట ప్రాంతంలో ఇటుక బట్టిఏరియాలో రహస్యంగా ఏర్పాటు చేసుకొని నడుస్తున్న నడిపిస్తున్న మూడు బెల్ట్ షాపులపై పక్కా సమాచారంతో దాడి చేసి వారివద్ద నుండి ఓసి మరియు తెలంగాణ బాటిల్స్ స్వాధీనం చేసుకున్నారు. పట్టుబడి నిందితుల్లో నస్పూరి వెంకటేష్, దామెర మనోహార్, మడిపెల్లి శంకరయ్యలను తదుపరి చర్యల కోసం హాజీపూర్ ఎస్సైకి అప్పగించడం జరిగిందని తెలిపారు.

బీఫాంతో టీటీడీలో ప్రత్యేక పూజలు

మంచిర్యాల, నవంబర్ 18: కాంగ్రెస్ అభ్యర్థి ప్రేమ్‌సాగర్ రావుకు టికేట్ కేటాయించడంతో మంచిర్యాల నియోజకవర్గంలో నామినేషన్ దాఖలు చేసిన అనంతరం తిరుమల తిరుపతి దేవస్థానంలో వెంకటేశ్వరస్వామిని దర్శించుకున్నారు. ముందుగా పార్టీ ఇచ్చిన బీఫాంతో అర్చకులతో పూజ కార్యక్రమాలు నిర్వహించారు. ఈ ఎన్నికలలో తన గెలుపుకు వెంకటేశ్వరస్వామి ఆశీస్సులతోపాటు సాయిబాబా ఆశీస్సులు ఉండాలని, మహారాష్టల్రోని షిర్డి సాయిబాబా సన్నిధి, తి రుపతిలోని తిరుమ తిరుపతి దేవస్థానమును దర్శించుకున్నారు. ఈ ఎన్నికలలో నియోజకవర్గ ప్రజలంతా తన గెలుపుకు కృషి చేయాలని దేవుడిని వేడుకున్నారు.
బీఎస్పీ ర్యాలీకి భారీ స్పందన

గత పాలకుల నిర్లక్ష్యంతో వెనుకబాటు

జనగామ టౌన్, నవంబర్ 18: ముస్లిం, మైనార్టీల సంక్షేమం కోసం టీఆర్‌ఎస్ ప్రభుత్వం వేలాదికోట్లు కేటాయించి ఆదుకుందని అందుకే వచ్చే ఎన్నికల్లో టీఆర్‌ఎస్‌ను గెలిపించేందు కు మైనార్టీలంతా కృషి చేయాలని ఆపధర్మ ఉపముఖ్యమంత్రి మహమూద్ అలీ కోరారు. జనగామ ముస్లిం మైనార్టీల ఆధ్వర్యంలో స్థానిక గాయత్రి గార్డెన్‌లో ఆశీర్వాద సభ నిర్వహించారు. ఈ కార్యక్రమానికి ఆపద్ధర్మ ఉపముఖ్యమంత్రి మహమూద్ అలీ ముఖ్యఅతిథిగా హాజరై మాట్లాడుతూ తెలంగాణ ప్రభుత్వం ముస్లింల సంక్షేమానికి నాలుగేండ్లలో అమలుచేసిన పథకాలను వివరించారు. గత పాలకులు ముస్లింలను ఓటుబ్యాంకుగానే ఉపయోగించుకున్నారు తప్పా రాజకీయం గా, ఆర్థికంగా ఆదుకోలేదని అన్నారు.

నేటితో ముగియనున్న నామినేషన్ల పర్వం

వరంగల్, నవంబర్ 18: ఉమ్మడి వరంగల్ జిల్లాలో లెక్కతేలింది. నేటితో నామినేషన్ల పర్వం ముగియనుడడం తో అన్ని ప్రధాన పార్టీలు అభ్యర్ధులను ప్రకటించాయి. ఉమ్మడి జిల్లాలో 12 స్ధానాలకు గాను టీఆర్‌ఎస్ అందరికం టే ముందుగానే తమ అభ్యర్ధులను ప్రకటించింది. గత అసెంబ్లీ ఎన్నికల్లో గెలిచిన, ఓడిపోయిన అభ్యర్ధులను తిరిగి ప్రకటించగా కాంగ్రెస్ ఆధ్వర్యం లో ఏర్పాటు అయిన మహాకూటమి అభ్యర్ధుల ఎంపిక వివిధ మలుపులు తిరిగి ఎట్టకేలకు ఖరారు అయ్యాయి. ఉమ్మడి జిల్లాలో 12 స్ధానాలకు గాను తొమ్మిది స్ధానాల్లో కాంగ్రెస్, రెండు స్ధానాల్లో టీజేఎస్, టీడీపీకి ఒక స్ధానా న్ని కేటాయించారు.

పోలీస్ వ్యవస్థ లేకుంటే సమాజం అస్తవ్యస్తం

మహబూబాబాద్, నవంబర్ 18: పోలీస్ వ్యవస్థ పనితీరు పైనే సమాజంలో శాంతిభద్రతలు ఆధారపడి ఉన్నాయని, పోలీసులు ఏమాత్రం ఏమరపాటుగా ఉన్నా సమాజం అస్తవ్యస్తంగా మారుతుందని పోలీస్ న్యాయసలహాదారు రామానుజారెడ్డి అన్నారు. మహబూబాబాద్ టౌన్‌పోలీస్‌స్టేషన్ సమావేశమందిరంలో ఆదివారం చట్టాల పైన అవగాహనసదస్సును నిర్వహించారు. ఈసందర్బంగా ఆయన మాట్లాడుతూ.. పోలీసుశాఖ విధినిర్వాహణ మూలంగానే చట్టం, ధర్మం, న్యాయం సజావుగా ప్రజలకు అందుబాటులో ఉన్నాయన్నారు. చట్టాలపట్ల మరింతగా అవగాహన పోలీస్‌అధికారులు, సిబ్బంది పెంపొందించుకుంటే ప్రజలకు మరెంతగానో న్యాయం చేకూరుతుందని ఆయన అన్నారు.

అసత్య ఆరోపణలతో మోసగించలేరు

మహబూబాబాద్, నవంబర్ 18: తన పైన వ్యక్తిగతంగా అసత్య ఆరోపణలు చేస్తూ ప్రజలను మోసగించలేరని.. తెరాస నాయకులు చేస్తున్న ఆరోపణల్లో నిజం ఉంటే కురవి వీరన్న పాదాల మీద ప్రమాణం చేద్దాం సిద్దమా అని డోర్నకల్ నియోజకవర్గ కాంగ్రెస్ అభ్యర్ది రాంచంద్రునాయక్ సవాలు విసిరారు. కురవి మండల కేం ద్రంలో ఆదివారం కాంగ్రెస్‌పార్టీ ఆధ్వర్యంలో భారీర్యాలీ నిర్వహించారు. అనంతరం కురవి దేవాలయ సెంటర్‌లో నిర్వహించిన ప్రచారసభలో ఆయన మాట్లాడుతూ.. రెడ్యానాయక్ గత ఎన్నికల్లో నాకు డబ్బులు ఇచ్చాడని, తాను డబ్బులు తీసుకుని వెళ్లిపోయానని.. ఇప్పుడు అదే జరుగుతుందని చౌకబారు ప్రచారం చేస్తున్నారని అన్నారు.

ప్రజాకూటమిదే అధికారం

నర్సంపేట, నవంబర్ 18: తెలంగాణలో ప్రజాకూటమి అధికారంలోకి రావడం ఖాయమని కాంగ్రెస్ పార్టీ ఓబీసీ సెల్ జాతీయ కోఆర్డీనేటర్ ప్రొఫెసర్ కత్తి వెంకటస్వామి అన్నారు. నర్సంపేటలోని కాంగ్రెస్ పార్టీ కార్యాలయంలో ఆదివారం ఏర్పాటు చేసిన విలేఖరుల సమావేశంలో కత్తి వెంకటస్వామి మాట్లాడారు. కేసీఆర్ నియంత పాలనకు చరమగీతం పాడేందుకు ప్రజలంతా ఎదురు చూస్తున్నారని చెప్పారు. కాంగ్రెస్‌లో కొంత మంది అగ్రవర్ణాల నాయకులు బీసీలు గెలిచే స్థానాలను ఓసీలకు కట్టబెట్టేందుకు కుట్రలు చేశారని వాపోయారు. తామంతా పార్టీ అధినేత రాహుల్‌గాంధీ దృష్టికి తీసుకెళ్లామని, ఈక్రమంలోనే దాదాపు 34 మందికి బీసీ కోటా కింద టిక్కెట్లు వచ్చాయని చెప్పారు.

గడీల పాలనకు చరమగీతం

చేర్యాల, నవంబర్ 18: దొరల గడీల పాలనకు చరమగీతం పాడేందుకు కాంగ్రెస్, టీడీపీ, సీపీఐ, టీజేఎస్‌లు మహాకూటమిగా ఏర్పడ్డాయని.. అందులో బాగంగా సీట్ల సర్దుబాటు విషయంలో కొన్ని ఇబ్బందులు ఏర్పడటం వల్ల తన సీటు విషయంతో పాటు అభ్యర్థుల ప్రకటన ఆలస్యం అయిందని దానిని రాజకీయం చేయడం విడ్డూరంగా ఉందని పీసీసీ మాజీ అధ్యక్షుడు పొన్నాల లక్ష్మయ్య అన్నారు. ఆదివారం స్థానిక పార్టీ కార్యాలయంలో విలేఖరుల సమావేశంలో ఆయన మాట్లాడుతూ 35 సంవత్సరా లు కాంగ్రెస్ పార్టీలో ఉండి ఎమ్మెల్యేగా మంత్రిగా ప్రజలకు సేవ చేశానని అందుకే నియోజకవర్గంలోని అన్ని గ్రామాల ప్రజలతో తనకు అవినాభావ సంబందం ఉందని అన్నారు.

మనీషా...మజాకా

న్యూఢిల్లీ: ఏఐబీఏ మహిళల వరల్డ్ బాక్సింగ్ చాంపియన్‌షిప్‌లో భారత యువ బాక్సర్, హర్యాకు చెందిన మనీషా వౌన్ ఘన విజయం సాధించింది. ఆదివారం ఇక్కడ జరిగిన 54 కేజీల విభాగంలో పోటీపడిన మనీషా కజకిస్తాన్ బాక్సర్ దీనా ఝాలమాన్‌ను మట్టికరిపించింది. 20 ఏళ్ల మనీషా ప్రీక్వార్టర్ ఫైనల్స్‌లో జరిగిన పోరులో సీనియర్ బాక్సర్ అయిన ప్రత్యర్థిని 5-0తో ఓడించింది. ఇదే ప్రత్యర్థిపై ఈ ఏడాది ప్రథమార్థంలో పోలాండ్‌లో జరిగిన సిలేసియాన్ ఉమెన్స్ బాక్సింగ్ చాంపియన్‌షిప్‌లో తొలిసారిగా మనీషా ఓడించింది. కాగా, తదుపరి పోరులో 2016 వరల్డ్ చాంపియన్‌షిప్ రజతం పతక విజేత, టాప్ సీడ్, బల్గేరియా బాక్సర్ స్టొయికా పెట్రోవాతో మనీషా తలపడుతుంది.

నామినేషన్ ఘట్టానికి నేటితో తెర

కరీంనగర్, నవంబర్ 18: ముందస్తు ఎన్నికల్లో ముఖ్యమైన రెండో ఘట్టానికి నేడు తెర పడనుంది. ఎన్నికల్లోపోటీ చేయబోయే అభ్యర్థుల నామినేషన్ల పర్వం సోమవారంతో ముగియనుండగా, టికెట్లు ఆశించి భంగపడ్డ పలు పార్టీల నిరాశావహులు తిరుగుబావుటా ఎగరేసే దిశగా ముందుకెళ్తున్నారు. తమకే టికెట్లు ఖరారవుతాయనే ధీమాతో ఆయా పార్టీల పేర ఇప్పటికే దాఖలు చేసిన పలువురికి మొండిచేయి ఎదురుకాగా, పలువురు నేడు స్వతంత్రులుగా బరిలోకి దిగేందుకు నామినేషన్లు వేయబోతున్నారు.

Pages