S ,7 à 8 RSCA (si SASPAS) et 6 cialis pharmacie cialis rapports de stage.

భార్యాభర్తల బలన్మరణం

ఉప్పల్, : భార్యాభర్తలు ఆత్మహత్యకు పాల్పడ్డారు. ఇద్దరి మధ్య తలెత్తిన మనస్పర్థలా లేక ఆర్ధిక ఇబ్బందులే కారణమా అన్న అనుమానాలు వ్యక్తమవుతున్నాయి. సంఘటన ఉప్పల్ పోలీసు స్టేషన్‌లో జరిగింది. పోలీసుల కథనం ప్రకారం ఉప్పల్ ప్రశాంతినగర్ స్ట్రీట్ నెంబర్ త్రీలోని వెంకటేశం ఇంట్లో నివసిస్తున్న దొరదానంద నాయుడు (44) భార్య అనిత (32) ఇద్దరు ఇంట్లో బలవన్మరణం చెందారు. ఇద్దరి మధ్యలో తలెత్తిన మనస్పర్థలా లేక ఆర్ధిక ఇబ్బందులో తెలియదు కానీ ముందుగా అనిత బెడ్‌రూంలో తలుపులు పెట్టుకుని ఆత్మహత్య చేసుకోగా ఇది చూసిన భర్త నాయుడు హాల్‌లో ఫ్యాన్‌కు ఉరి వేసుకుని ఆత్మహత్య చేసుకున్నాడు. అంతకుముందు మీ మరదలు లేదు.

జల్లులు

హైదరాబాద్, : మహానగరంలో శుక్రవారం మరోసారి చిరుజల్లులు మొదుకుని ఓ మోస్తరు జల్లులు కురిశాయి. మధ్యాహ్నం వరకు ఎండ దంచికొట్టినా, నాలుగు గంటల తర్వాత ఒక్కసారిగా ఆకాశం మేఘావృతమై వేర్వేరు ప్రాంతాల్లో వేర్వేరు సమయాల్లో జల్లులు కురిశాయి. శుక్రవారం హనుమాన్ జయంతిని పురస్కరించుకుని హనుమాన్ శోభయాత్ర జరిగే కవాడిగూడ, గాంధీనగర్, అశోక్‌నగర్, బైబిల్ హౌజ్ తదితర ప్రాంతాల్లో ఓ మోస్తరు వర్షం కురిసింది. ఆ తర్వాత సాయంత్రం ఆరున్నర నుంచి ఏడు గంటల మధ్య సికిందరాబాద్, పార్శిగుట్ట, వారాసిగూడ, ఇందిరా పార్కు, బషీర్‌బాగ్, లక్డీకాపూల్, మాసాబ్‌ట్యాంక్, బంజారాహిల్స్ ప్రాంతాల్లో బలమైన ఈదురుగాలులతో ఓ మోస్తారు జల్లులు కురిశాయి.

వెల్లివిరిసిన ఆధ్యాత్మికత

హైదరాబాద్, : భాగ్యనగరంలో శుక్రవారం ఆధ్యాత్మిక వెల్లివిరిసింది. ఒకే రోజు హనుమాన్ జయంతి, గుడ్‌ఫ్రైడే కావటంతో పాటు పాతబస్తీలోని ఓ వర్గానికి చెందిన ప్రజల సామూహిక ప్రార్థనల సందర్భంగా నగరం నలుమూలల ఆధ్యాత్మిక వెల్లివిరిసింది. హనుమాన్ జయంతిని, మరో వైపు గుడ్ ఫ్రైడే సందర్భంగా పార్థనలు జరుపుకోగా, ముస్లింలు శుక్రవారం మధ్యాహ్నం మక్కామసీదులో సామూహిక ప్రార్థనలు ప్రశాంతంగా నిర్వహించారు. ఎక్కడా ఎలాంటి సంఘటనలు చోటుచేసుకోకుండా ప్రశాంతంగా ముగించేందుకు పోలీసులు రచించిన వ్యూహాం ఫలించింది.

చైత్రమాస కల్యాణ బ్రహ్మోత్సవాల్లో వైభవంగా పూర్ణాహుతి

ఇంద్రకీలాద్రి, : ఇంద్రకీలాద్రిపై శ్రీకనకదుర్గమ్మ సన్నిధిలో చైత్రమాస కల్యాణ బ్రహ్మోత్సవాల సందర్భంగా 5వ రోజైన శుక్రవారం ఉదయం యాగశాలలో స్థానాచార్యుడు విష్ణుబొట్ల శివప్రసాద్ ఆధ్వర్యంలో ఋత్వికులు దేవస్ధానం ఈవో వీ కోటేశ్వరమ్మ దంపతుల చేత శ్రద్ధతో పూర్ణాహుతి చేయించారు. ఉదయం 10గంటలకు యాగశాలలో హోమగుండం వద్ద ఈవో కోటేశ్వరమ్మ దంపతులను కూర్చోబెట్టి సుమారు 3గంటలకు ప్రత్యేక పూజలు, పూర్ణాహుతి చేయించారు. అనంతరం ఋత్వికులు వీరికి దివ్య ఆశీస్సులను అందచేశారు. ఈకార్యక్రమంలో వైదిక కమిటీ సభ్యులు, సెక్షన్ పర్యవేక్షణాధికారి ఎన్ రమేష్, సిబ్బంది లక్ష్మణ్, పునీత్, సీతారామయ్య, తదితరులు పాల్గొన్నారు.

ముచ్చటగా మూడోసారి!

మైలవరం, : స్థానికి ద్వారకామాయి నగర్‌లో వేంచేసియ్ను శ్రీ షిరిడీ సాయిబాబా మందిరం మరో అరుదైన రికార్డును సొంతం చేసుకుంది. రెండు తెలుగు రాష్ట్రాల పరిధిలో తాళం, భజన పోటీలను 101 టీములతో నిర్వహించి తెలుగు బుక్ ఆఫ్ వరల్డ్ రికార్డ్స్‌లో ముచ్చటగా మూడోసారి చోటు దక్కించుకుంది. గతంలో 501 నిముషాలలో 501 మందితో 501 భక్తి గీతాలు పాడించి తొలి రికార్డ్‌ను నమోదు చేసుకోగా, 101 భగవన్నామ సంకీర్తనలను 1500 మందితో ఏకకాలంలో లలితా సహస్ర నామ పారాయణ చేసి వరుసగా రెండోసారి తెలుగు బుక్ ఆఫ్ వరల్డ్ రికార్డ్స్‌లో తన పేరును సాయి మందిరం నమోదు చేసుకుంది.

మూల్యాంకనంలో అధికారుల పనితీరు భేష్

మచిలీపట్నం, : జిల్లాలో పదవ తరగతి సమాధాన పత్రాల మూల్యాంకనం జరుగుతున్న తీరు భేషుగ్గా ఉందని రాష్ట్ర ప్రభుత్వ పరీక్షల సంచాలకులు ఎ సుబ్బారెడ్డి అన్నారు. స్థానిక సెయింట్ ఫ్రాన్సిస్ హైస్కూలులో గత ఐదు రోజులుగా జరుగుతున్న పదవ తరగతి సమాధాన పత్రాల మూల్యాంకనాన్ని గురువారం ఆయన ఆకస్మికంగా తనిఖీ చేశారు. జిల్లా విద్యా శాఖాధికారులు చేపట్టిన ఏర్పాట్లను పరిశీలించి సంతృప్తి వ్యక్తం చేశారు. అన్ని జిల్లాల్లోనూ మూల్యాంకన కేంద్రాల వద్ద ప్రత్యేక ఏర్పాట్లు చేశామని తెలిపారు. ఈ నెల 27వ తేదీ నాటికి మూల్యాంకన ప్రక్రియ పూర్తి చేస్తామన్నారు.

ఆహారంగా అడవి జంతువులు!

జి.కొండూరు, : మండలంలో వన్యప్రాణుల వేట యధేచ్చగా కొనసాగుతోంది. ప్రతి యేడాది వేసవి కాలంలో వన్యప్రాణులు దాహార్తి తీర్చుకోవడానికి అడవిని విడిచి గ్రామ పరిసరాల్లోకి వస్తుంటాయ. ఇదే అదనుగా భావించిన వేటగాళ్ళు ఉచ్చులను అమర్చి అడవి జంతువులను సంహరిస్తున్నారు. జి.కొండూరు మండలంలో మైలవరం, విజయవాడ రేంజ్ ఫారెస్ట్ ఏరియాలు ఉన్నాయి. ఇక్కడ కొంతమంది అటవీ శాఖాధికారులు కంచె చేను మేసిన చందంగా వ్యవహరిస్తున్నారు. వేటగాళ్ళ ఉచ్చులకు చిక్కి మూగజీవాలు మరణిస్తున్నాయి. అడవి పందులు, లేళ్లు, దుప్పులు, కణుజులు, ఉడుములు, ముళ్ళపందులు, అలగలు, కుందేళ్ళు, ఇతర పశుపక్షాదులు, వన్యజీవులు ప్రతి రోజూ మరణిస్తూనే ఉన్నాయి.

‘స్థానిక’ పోరుకు సమాయత్తం

మచిలీపట్నం, : ‘స్థానిక’ పోరుకు అధికార యంత్రాంగం సమాయత్తమవుతోంది. సార్వత్రిక ఎన్నికల ఘట్టం పూర్తి కాక ముందే స్థానిక సంస్థల ఎన్నికల సన్నాహాక చర్యలను ప్రారంభించింది. తొలిగా గత పది నెలలుగా ఇన్‌ఛార్జ్ పాలనలో సాగుతున్న గ్రామ పంచాయతీలకు ఎన్నికలు నిర్వహిస్తారా..? లేదా జూన్ 2వతేదీతో ముగియనున్న పురపాలక సంఘాలకు ఎన్నికలు నిర్వహిస్తారా అనేది చర్చనీయాంశంగా మారింది. ఇందుకు గాను ఓటర్ల జాబితా తయారీలో అధికారులు నిమగ్నమయ్యారు. సార్వత్రిక ఎన్నికలకు సంబంధించి కౌంటింగ్ ప్రక్రియ ఇంకా ప్రారంభం కాక ముందే స్థానిక సంస్థల ఎన్నికల సన్నాహాలు ప్రారంభించడం అందరినీ ఆశ్చర్యానికి గురి చేస్తోంది.

రాష్ట్రంలో మళ్లీ టీడీపీ పాలనే

నూజివీడు, : జరిగిన ఎన్నికలలో రాష్ట్రంలో తెలుగుదేశం పార్టీ ఘనవిజయం సాధిస్తుందని ఏలూరు పార్లమెంట్ సభ్యులు, టీడీపీ అభ్యర్థి మాగంటి వెంకటేశ్వరరావు చెప్పారు. స్థానిక టీడీపీ కార్యాలయంలో శుక్రవారం ఆయన విలేఖరులతో మాట్లాడుతూ జరిగిన ఎన్నికలలో వైకాపా ఎన్నో అవాంతరాలు సృష్టించిందని ఆరోపించారు. లేనిపోని దుష్పచారాలు చేసిందని, పోలింగ్ కేంద్రాల వద్ద అరాచకాలు సృష్టించిందని చెప్పారు. అయినప్పటకి మహిళలు పెద్ద సంఖ్యలో పోలింగ్‌లో పాల్గొని ఓటు వేశారని తెలిపారు. ఎక్కువ శాతం మహిళలు టీడీపీకే ఓట్లు వేశారని, టీడీపీ విజయాన్ని ఏ శక్తి అడ్డుకోలేదని ధీమా వ్యక్తం చేశారు. మహిళలే టీడీపీకి దేవతలని అన్నారు.

అవినీతికి మూలం రాజకీయ వ్యవస్థే..

జగిత్యాల, ఏప్రిల్ 19: మార్పు చట్టాలతో కాదు రాజకీయ వ్యవస్థ విధానంలో మార్పు రావాలని పట్టబద్రుల ఎమ్మెల్సీ తాటిపర్తి జీవన్‌రెడ్డి అన్నారు. శుక్రవారం జిల్లా కేంద్రంలో తన నివాసంలో ఏర్పాటు చేసిన విలేకరుల సమావేశంలో జీవన్‌రెడ్డి మాట్లాడుతూ లంచం లేనిదే పని జరగదని ఇప్పడికైన సీఎం కు తెలిసివచ్చిన్నందుకు సంతోషమని, గతంలో రెవెన్యూ ఉద్యోగులు బేష్ అన్న సీఎం,ప్రస్తుతం లంచం లేనిదే పనిజరగడం లేదు అంటున్నారని, భూప్రక్షాళనను రెవెన్యూ ఉద్యోగులు సమర్థవంతంగా నిర్వర్తించారని కీతాబ్ ఇచ్చి, నెలరోజుల బోనస్ కూడా చెల్లించారని అన్నారు.

Pages