S ,7 à 8 RSCA (si SASPAS) et 6 cialis pharmacie cialis rapports de stage.

మేజర్ నియోజకవర్గాల్లో వైకాపా ఇన్‌చార్జీల మార్పు తధ్యమేనా ?

ఒంగోలు, నవంబర్ 15 : జిల్లాలోని మేజర్ నియోజకవర్గాల్లో ప్రస్తుతం ఉన్న వైకాపా ఇన్‌చార్జీలను మార్చే ఆలోచనలో రాష్ట్ర పార్టీ ఉన్నట్లు పార్టీ వర్గాల ద్వారా సమాచారం. ఆ మేరకు పార్టీ ముఖ్య నేతలు గెలుపుగుర్రాల వేటలో నిమగ్నమైనట్లు తెలుస్తోంది. ఫిబ్రవరి చివరిలో అసెంబ్లీ ఎన్నికలకు నోటిఫికేషన్ విడుదలయ్యే అవకాశాలు ఉండటం, కేవలం స్వల్వవ్యవధి మాత్రమే ఉండటంతో జిల్లాలోని పలు నియోజకవర్గాల్లో ఆర్ధిక, అంగబలం ఉన్న నేతలను ఎంపికచేసే ప్రక్రియలో వైకాపా ముఖ్యనేతలు ఉన్నారు. ఈ నేపథ్యంలో ప్రస్తుతం కొన్ని నియోజకవర్గాల్లో ఉన్న ఇన్‌ఛార్జీలను మార్చే అవకాశాలు ఉన్నట్లు సమాచారం.

హాంకాంగ్ ఓపెన్ బాడ్మింటన్ క్వార్టర్స్‌కు శ్రీకాంత్, సమీర్

కొలూన్ (హాంకాంగ్), నవంబర్ 15: ఇక్కడ జరుగుతున్న హాంకాంగ్ ఓపెన్ బాడ్మింటన్ టోర్నమెంట్ పురుషుల సింగిల్స్‌లో భారత స్టార్లు కిడాంబి శ్రీకాంత్, సమీర్ వర్మ క్వార్టర్ ఫైనల్స్ చేరారు. నాలుగో సీడ్‌గా బరిలోకి దిగిన శ్రీకాంత్ తన సహచరుడు హెచ్‌ఎస్ ప్రణయ్‌ని 18-21, 30-29, 21-18 తేడాతో ఓడించి క్వార్టర్స్‌లోకి అడుగుపెట్టాడు. మరో మ్యాచ్‌లో ఒలింపిక్ చాంపియన్ చెన్ లాంగ్‌ను ఢీకొనాల్సిన సమీర్ వర్మకు అదృష్టం కలిసొచ్చింది. గాయం కారణంగా అతను మ్యాచ్ నుంచి వైదొలగడంతో, సమీర్‌కు క్వార్టర్స్‌లో చోటు దక్కింది.

అభివృద్ధిపథంలో దూసుకుపోతున్న అద్దంకి

అద్దంకి, నవంబర్ 15 : అద్దంకి నియోజకవర్గం అభివృద్ధిపథంలో దూసుకుపోతోందని జిల్లా కలెక్టర్ వినయ్‌చంద్ కితాబిచ్చారు. గురువారం అద్దంకి పట్టణంలో నూతనంగా నిర్మించిన అన్న క్యాంటిన్‌ను కలెక్టర్ చేతుల మీదుగా ప్రారంభించారు. ఈ సందర్భంగా కలెక్టర్ వినయ్‌చంద్ మాట్లాడుతూ అద్దంకి నియోజకవర్గ సమస్యల పరిష్కారానికి ఎమ్మెల్యే రవికుమార్ కృషి చేస్తున్నారని తెలిపారు. జిల్లాలో ఎక్కువగా ప్రజా సమస్యలపై తమ కార్యాలయానికి వచ్చేది ఒక్క అద్దంకి ఎమ్మెల్యే రవికుమారే అన్నారు. చిన్న సమస్యకు సైతం స్వయంగా తానే వచ్చి పరిష్కారానికి కృషి చేయడాన్ని అభినందించారు.

కార్తీకమాసానికి సిద్ధమైన చెన్నకేశవుని పుష్కరిణి

మార్కాపురం, నవంబర్ 15: చారిత్రాత్మక శ్రీలక్ష్మీచెన్నకేశవస్వామి పుష్కరిణి కార్తీకమాస దీపాలకు వేదికగా మారి నీటితో సిద్ధమైంది. సుమారు నాలుగేళ్ల తరువాత పుష్కరిణికి చెరువునీటిని విడుదల చేయడంతో భక్తులు హర్షం వ్యక్తం చేస్తున్నారు. వర్షాభావ పరిస్థితులు నెలకొని మార్కాపురం చెరువుకు నీరుచేరక ఎండిపోయిన పుష్కరిణి ఇటీవల కురిసిన కొద్దిపాటి వర్షాలకు చెరువుకు నీరు రావడంతో ఆ నీటిని పుష్కరిణికి మళ్లించారు. టీడీపీ ఇన్‌ఛార్జి కందుల నారాయణరెడ్డి ఆధ్వర్యంలో పాలకవర్గ సభ్యులు, అధికారుల నేతృత్వంలో పుష్కరిణిని నీటితో నింపేందుకు సన్నాహాలు చేశారు.

ప్రజా సమస్యలు తక్షణమే పరిష్కరించాలి : దామచర్ల

కొత్తపట్నం, నవంబర్ 15 : ప్రజల సమస్యలను పరిష్కరించాలని జిల్లా తెలుగుదేశం పార్టీ అధ్యక్షులు, ఒంగోలు ఎమ్మెల్యే దామచర్ల జనార్థన్ అన్నారు. ప్రతిజ్ఞ బూనుదాం - ప్రగతిని సాధిద్దాం కార్యక్రమం మండల పరిషత్ కార్యాలయంలో గురువారం జరిగింది. ఈ కార్యక్రమానికి 14 మండలాల గ్రామాల ప్రజలు పాల్గొన్నారు. ఈ కార్యక్రమంలో ముఖ్య అతిధిగా పాల్గొన్న ఎమ్మెల్యే జనార్థన్ మాట్లాడుతూ ప్రజల సమస్యలను, ప్రతి గ్రామాభివృద్ధికి కావాల్సిన అవసరాలను తక్షణమే పరిష్కరిస్తామని తెలిపారు. మండలంలోని అధికారులను సమస్యలను తక్షణమే పరిష్కరించాలని ఆదేశించారు. మండలంలోని గ్రామాల ప్రజల పలు సమస్యలను ఎమ్మెల్యే దృష్టికి తీసుకు వచ్చారు.

జాతీయ స్థాయి పోటీలకు దర్శి గురుకుల విద్యార్థి

దర్శి, నవంబర్ 15 : ఆంధ్రప్రదేశ్ బాలయోగి గురుకుల కళాశాల విద్యార్థి జాతీయ స్థాయి అట్యా-పాట్యా పోటీలకు ఎంపికైనట్లు కాలేజీ ప్రిన్సిపాల్ జెయల్‌యన్ మూర్తి పేర్కొన్నారు. ఇటీవల విజయవాడలో జరిగిన రాష్ట్ర స్థాయి ఎంపికల్లో పాల్గొని ప్రకాశం జిల్లాకు ప్రాతినిధ్యం వహించినట్లు తెలిపారు. నవంబర్ 16, 17, 18 తేదీల్లో జరిగే వరిస్సాలోని కటక్‌లో జూనియర్ జాతీయస్థాయి పోటీలకు ఎంపికైన సందర్భంగా ఆ విద్యార్థిని కళాశాల పీడీ ఎ వీరరాఘవయ్య, పీఈటీ వెన్నపూస వీరభద్రారెడ్డి అభినందించారు.

మహిళలు ఆర్థిక స్వావలంబన దిశగా పయనించాలి

కందుకూరు, నవంబర్ 15: మహిళలు చేతి వృత్తులపై నైపుణ్యాన్ని పెంపొందించుకుని తద్వారా ఆర్థిక స్వావలంబన దిశగా పయనించాలని ఎమ్మెల్యే పోతుల రామారావు అన్నారు. గురువారం పట్టణంలోని 2వ వార్డులో ముస్లిం మైనార్టీ ఫైనాన్స్ కార్పొరేషన్ ఆధ్వర్యంలో ఉచిత కుట్టుమిషన్ శిక్షణా శిబిరాన్ని ఆయన ప్రారంభించారు. ఈ సందర్భంగా ఎమ్మెల్యే మాట్లాడుతూ మైనార్టీల అభ్యున్నతికి టీడీపీ ప్రభుత్వం ఎన్నో పథకాలు చేపట్టిందన్నారు. మైనార్టీలకు అనుభవం ఉన్న వృత్తిలో స్థిరపడేందుకు కార్పొరేషన్ ద్వారా రుణాలు మంజూరు చేయించి వారి ఆర్థికాభివృద్ధికి ప్రభుత్వం కృషి చేస్తుందన్నారు.

దేశానికే ఆదర్శంగా అంగన్‌వాడీ కేంద్రాలు

నెల్లూరు, నవంబర్ 15: రాష్ట్రంలోని అంగన్‌వాడీ పాఠశాలలు దేశానికే ఆదర్శంగా నిలిచాయని రాష్ట్ర పురపాలక శాఖ మంత్రి పొంగూరు నారాయణ పేర్కొన్నారు. గురువారం స్థానిక అనిల్ గార్డెన్స్‌లో ‘డిజిటల్ క్లాసెస్ ఇన్ అంగన్‌వాడీ ప్రీ స్కూల్స్’ కార్యక్రమాన్ని మంత్రి ప్రారంభించారు. ఈ సందర్భంగా మంత్రి నారాయణ మాట్లాడుతూ ఒకనాడు పిండి బడులు అనే పేరుతో ఈ కేంద్రాలు నడిచేవనీ, అయితే నేడు వాటి రూపురేఖలను పూర్తిగా మార్చామని, ప్రస్తుతం అవన్నీ కూడా ప్రీ స్కూల్స్ అనే పేరుతో నాణ్యమైన, అధునాతన విద్యాపరికరాలతో విద్యను అందిస్తున్న కేంద్రాలుగా మారాయని అన్నారు.

నేటి నుండి కార్తీకమాస లక్ష దీపోత్సవం

నెల్లూరు, నవంబర్ 15: నగరంలోని విఆర్ కళాశాల మైదానంలో వీపీఆర్ ఫౌండేషన్ ఆధ్వర్యంలో లక్ష దీపోత్సవ కార్యక్రమం ఈనెల 16వ తేదీ నుండి 18వ తేదీ వరకు నిర్వహించనున్నారు. దీనికి సంబంధించిన అన్ని ఏర్పాట్లను ట్రస్ట్ అధినేత, ఎంపీ వేమిరెడ్డి ప్రభాకర్‌రెడ్డి పర్యవేక్షణలో సిద్ధం చేశారు. ప్రత్యేకంగా ఏర్పాటు చేసిన శివలింగ ప్రతిమ వద్ద మూడు రోజుల పాటు విశేష పూజలు, అభిషేకాలు నిర్వహించనున్నారు. తొలిరోజైన శుక్రవారం ఉదయం రాధానంద భారతిస్వామి ఆధ్వర్యంలో గణపతిపూజ, శ్రీ ఉమాపార్థివేశ్వరస్వామి శివలింగ ప్రతిష్ఠ, కలశస్థాన జరుగనుంది.

దోబూచులాడుతున్న వరుణుడు

నెల్లూరు, నవంబర్ 15: జిల్లాలో ‘గజ’ తుఫాన్ ప్రభావం సాధారణ స్థాయిలో ఉండడంతో జిల్లాలో కొన్నిచోట్ల మాత్రమే వర్షాలు పడుతూ మరికొన్నిచోట్ల ఎండ కాస్తోంది. వర్షాలు పడుతున్నచోట కూడా కొద్దిసేపు వర్షం, తిరిగి ఎండ, మళ్లీ కాసేపు వర్షం.. జిల్లాలో గత 36 గంటల నుండి ఇదే పరిస్థితి నెలకొంది. వాతావరణం మాత్రం చల్లగా ఆహ్లాదకరంగా మారింది. పగటి ఉష్ణోగ్రతలు కనిష్ట స్థాయికి చేరుకున్నాయి. తీరప్రాంతాల్లో కొన్నిచోట్ల సముద్రం ముందుకు చొచ్చుకు వచ్చినట్లు అధికారులు గుర్తించారు. జాలర్లు ఎవరూ కూడా వేటకు వెళ్లకుండా ముందస్తు హెచ్చరికలు చేశారు.

Pages