S ,7 à 8 RSCA (si SASPAS) et 6 cialis pharmacie cialis rapports de stage.

విజయవాడ పార్లమెంట్ సీటుకు బరిలో 15 మంది అభ్యర్థులు

విజయవాడ (సిటీ), మార్చి 26: విజయవాడ పార్లమెంట్ నియోజకవర్గానికి దాఖలు చేసిన అభ్యర్థుల నామినేషన్లలో 15 మంది పత్రాలను అమోదించినట్లు రిటర్నింగ్ అధికారి, జాయింట్ కలెక్టర్ కృతికా శుక్లా తెలిపారు. విజయవాడ పార్లమెంట్ నియోజకవర్గానికి సంబంధించి ఈనెల 25వ తేదీ వరకు మొత్తం 26 నామినేషన్లను స్వీకరించినట్లు మంగళవారం విడుదల చేసిన ప్రకటనలో తెలిపారు. మంగళవారం నామినేషన్ల పరిశీలన అనంతరం 15 మంది అభ్యర్థుల నామినేషన్లు సరిగ్గా ఉన్నట్లు చెప్పారు. ఆరుగురు అభ్యర్థుల నామినేషన్లు వివిధ కారణాలతో తిరస్కరించినట్లు రిటర్నింగ్ అధికారి కృతికా శుక్లా తెలిపారు.

ఖాళీల సంఖ్య కంటే దరఖాస్తులు 200 రెట్లు వస్తే.. స్క్రీనింగ్ టెస్టు

విజయవాడ, మార్చి 26: వివిధ ప్రభుత్వ నియామకాలకు సంబంధించి స్క్రీనింగ్ టెస్టు నిర్వహణపై రాష్ట్ర ప్రభుత్వం గతంలో జారీ చేసిన ఉత్తర్వులకు మంగళవారం సవరణ జారీ చేసింది. నియామకానికి గుర్తించిన ఖాళీ పోస్టుల సంఖ్య కంటే 200 రెట్లు అదనంగా దరఖాస్తులు వస్తే అటువంటి సందర్భాల్లో మాత్రమే స్క్రీనింగ్ టెస్టు నిర్వహించాలని ఆదేశించింది.

వైకాపా మాయమాటలు నమ్మొద్దు

విజయవాడ (క్రైం), మార్చి 26: సెంట్రల్ నియోజకవర్గం టీడీపీ ఎమ్మెల్యే బొండా ఉమా ఎన్నికల ప్రచారం జోరుగా కొనసాగుతోంది. దీనిలో భాగంగా స్ధానిక 42వ డివిజన్ బావాజీపేటలో మంగళవారం ఎన్నికల ప్రచారం నిర్వహించారు. ఇంటింటికి వెళ్లి ఓట్లు అభ్యర్ధించడంతోపాటు తన హయాంలో నియోజకవర్గ అభివృద్ధికి చేసిన కృషి, సంక్షేమ కార్యక్రమాలను వివరించారు. నియోజకవర్గం గతంలో ఎన్నడూ లేన విధంగా తాను ఎమ్మెల్యేగా ఉన్నప్పుడు జరిగిన ఇంతటి అభివృద్ధి ఒక్క తెలుగుదేశం పార్టీతోనే సాధ్యమని అన్నారు. అందుకే మళ్లీ సైకిల్ గుర్తుకే ఓటు వేసి తనను మరోసారి గెలిపించి మరలా ప్రజలకు సేవ చేసే భాగ్యం కలుగచేయాలని విఙ్ఞప్తి చేశారు.

అన్ని హంగులతో రాజధానిని అభివృద్ధి చేస్తా

విజయవాడ, మార్చి 26: విజయవాడ నగరంలో ప్రజలందరూ సుఖసంతోషాలతో గడిపేలా శాంతిభద్రతల పరిరక్షణకు పాటుపడతానని భారతీయ జనతా పార్టీ పార్లమెంట్ అభ్యర్థి కిలారు దిలీప్ అన్నారు. ప్రచారంలో భాగంగా అసెంబ్లీ సెంట్రల్ అభ్యర్థి వామరాజు సత్యమూర్తితో కలసి మంగళవారం 44 డివిజన్ గులాబీతోటలో ఆయన ఇంటింటికీ తిరిగి ప్రచారం చేశారు. ఈసందర్భంగా దిలీప్ మాట్లాడుతూ విజయవాడకు అందుబాటులో ఉన్న రాజధాని అమరావతిని అన్ని హంగులతో అభివృద్ధిపరుస్తామన్నారు. ఇదే సమయంలో విజయవాడలో ముఖ్యంగా డ్రైనేజీ సమస్యను పరిష్కరించి అందంగా తీర్చిదిద్దుతామని చెప్పారు.

ప్రజలకు సేవ చేయటమే లక్ష్యం

విజయవాడ (కార్పొరేషన్), మార్చి 26: ఎమ్మెల్యే పదవంటే మన తరానికి సరిపోయేంతగా డబ్బులు, ఆస్తులు సంపాదించుకోవడం కాదని, ప్రజలకు మంచి పనులు చేసి తరతరాలు చెప్పుకునేవిధంగా పనిచేయడమే లక్ష్యంగా ఉండాలని సెంట్రల్ వైఎస్‌ఆర్ కాంగ్రెస్ పార్టీ అభ్యర్థి మల్లాది విష్ణు పేర్కొన్నారు. మంగళవారం 56, 57వ డివిజన్లలో నిర్వహించిన రావాలి జగన్, కావాలి జగన్ కార్యక్రమంలో భాగంగా ఎన్నికల ప్రచారం చేసిన మల్లాది విష్ణు జగన్ ప్రకటించిన నవరత్నాల పథకాల కరపత్రాలను పంపిణీ చేసి ఆ పథకాల గురించి వివరించారు.

ఈవీఎంలపై అనుమానాల నీడలు!

సార్వత్రిక ఎన్నికలంటే భారత్‌లో పెద్ద సంబరమే. ప్రపంచం దృష్టంతా ఇక్కడే. అమెరికా అధ్యక్ష పదవికి జరిగిన ఎన్నికల్లో రష్యా వెలుపెట్టిందనే ఆరోపణలు గుప్పుమనడంతో మన దేశంలో జరుగుతున్న ఎన్నికల్లోనూ అలాంటి విదేశీ హస్తం ప్రమేయం ఉందా? ఎన్నికలు ఇంకా స్వేచ్ఛగా, పారదర్శకంగా ఎందుకు జరగడం లేదనేది సామాన్యుడి ప్రశ్న. వాస్తవానికి భారత్‌లో ఎన్నికలు ఒక్కో రూపాన్ని సంతరించుకుంటూ ఇంతింతై వటుడింతై అన్నట్టు విస్తృత రూపం దాల్చాయి. సమాచార సాంకేతిక పరిజ్ఞాన యుగంలో ఎన్నికలు ఆధునికతను సంతరించుకున్నాయి.

-బీవీ ప్రసాద్ 98499 98090

‘ఆధ్యాత్మిక హిందువుల’ వౌనం దేనికి?

నిజామాబాద్‌లో ఈమధ్య జరిగిన లోక్‌సభ ఎన్నికల ప్రచార సభలో తెలంగాణ ముఖ్యమంత్రి, తెరాస పార్టీ అధినేత కేసీఆర్ కొన్ని ప్రశ్నలు లేవనెత్తారు. ఆయన స్పష్టంగా కొన్ని విషయాలు తేల్చేశారు. భాజపా వారిది ‘రాజకీయ హిందుత్వం’ అయితే, తమది ‘నిజమైన హిందుత్వం’ అని ఆయన చెప్పుకున్నారు. అలాగే రామజన్మభూమి వివాదంపై నిర్ణయం పీఠాధిపతులదే కాని, దాని పరిష్కారం రాజకీయ పార్టీల పని కాదన్నారు. అంతేకాదు. వారు డూప్లికేట్ హిందువులనీ, తాము ఆధ్యాత్మిక హిందువులమనీ తేల్చేశారు.

-చాణుక్య

బుద్ధునితోపాటే బోధనలూ ‘నిర్వాణం’!

కురుక్షేత్ర యుద్ధం ముగిశాక ‘కలియుగం’ ప్రారంభమైందని విజ్ఞులు అంటారు. ఒక్కో యుగానికి ఒక్కో లక్షణముంటుందన్న భావన ఉంది. త్రేతాయుగ లక్షణాలు ద్వాపరంలో కనిపించవు, ద్వాపర యుగ లక్షణాలు కలియుగంలో కనిపించవన్నది జ్ఞాన విశారదుల మాట. కలియుగంలో సత్యం, ధర్మం, నిజం, వాస్తవాలకు ‘గ్రహణం’ పడుతుందన్న మాట విస్తృత ప్రచారంలో ఉంది.

-వుప్పల నరసింహం 99857 81799

కూటమి ‘కలలు’..

లోక్‌సభ ఎన్నికల ‘నామాంకన’ పత్రాల సమర్పణకు తొలి ఘట్టం ముగిసింది. ఎన్నికల తరువాత కేంద్రంలో బలహీనమైన ప్రభుత్వం ఏర్పడాలన్నది ‘కూటము’లను కడుతున్న రాజకీయవేత్తల ఆకాంక్షలలో నిహితమై ఉన్న ధ్వని. అందువల్ల కేవలం ఒకే ప్రధాన రాజకీయ పక్షానికి లోక్‌సభలో సంఖ్యాధిక్యం- మెజారిటీ- సమకూడరాదన్నది ‘కూటమి’ రాజనీతికి వౌలిక ప్రాతిపదిక. ఒకే రాజకీయ పక్షం ‘మెజారిటీ’ సాధించినట్టయితే కూటమి కట్టదలచిన రాజకీయ పక్షాలకు, వాటిని విజయవంతంగా నడిపిస్తున్న నేతలకు ప్రాధాన్యం ఉండదు.

వైభవంగా వేంకటేశుని కల్యాణ మహోత్సవం

మేడ్చల్, మార్చి 26: అత్వెల్లి వేంకటేశ్వర స్వామివారి కల్యాణ మహోత్సవం సోమవారం రాత్రి అత్యంత వైభవంగా నిర్వహించారు. శ్రీఅలివేలు మంగ సమేత వేంకటేశ్వర స్వామివారి బ్రహ్మోత్సవాలను ఐదు రోజులుగా అంగరంగ వైభవంగా నిర్వహిస్తున్నారు. అందులో భాగంగా సోమవారం రాత్రి స్వామివారి కల్యాణాన్ని కన్నుల పండువగా నిర్వహించారు. గ్రామస్థులు పెద్ద సంఖ్యలో హజరై ఎంతో భక్త్భివంతో కల్యాణ తంతును తిలకించారు. వేదపండితుల మంత్రోచ్ఛారణల మధ్య శ్రీఅలివేలు మంగ సమేత వెంకటేశ్వర స్వామివారి కల్యాణాన్ని శ్రాస్తోక్తంగా నిర్వహించారు. ఉత్సవాల్లో భాగంగా మంగళవారం స్వామివారి రథోత్సవాన్ని నిర్వహించారు.

Pages