సింహాచలం, మే 9: వైశాఖ శుద్ధ తదియ పర్వదినాన్ని పురస్కరించుకుని సింహాచలం శ్రీ వరహలక్ష్మీనృసింహస్వామి తన నిజరూప దర్శనభాగ్యాన్ని భక్తకోటికి కల్పించారు. వరాహ వదనంతో, మానవ శరీరంతో, సింహవాలంతో ద్వయావతారరూపుడిగా దర్శనమిచ్చిన నారసింహుని కనులారా చూసిన భక్తులు ఆనంద పరవశులయ్యారు.

విశాఖపట్నం, మే 9: విశాఖపట్నం ఆర్‌కె బీచ్‌లో ఆదివారం సాయంత్రం గల్లంతైన ఐదుగురిలో ముగ్గురి మృతదేహాలు లభించాయి. ఒడిశా రాష్ట్రం కొరాపుట్‌కు చెందిన సీతన్న, బీహార్‌కు చెందిన బాబర్ ఖాన్, విజయనగరం జిల్లా మంగళపాలెం గ్రామానికి చెందిన విద్యార్థి బివి ప్రసాద్ మృతదేహాలు బయటపడ్డాయి. గల్లంతైన మరో ఇద్దరి మృతదేహాల జాడ కోసం గాలింపు తీవ్రతరం చేశారు.

హైదరాబాద్, మే 9: తెలంగాణ రైతాంగ సాయుధ పోరాటం నుంచి తెలంగాణ రాష్ట్ర ఉద్యమం వరకు చెన్నమనేని రాజేశ్వరరావు జీవిత మహాప్రస్థానం సాగింది. 93ఏళ్ల వయసులో సోమవారం మరణించిన కమ్యూనిస్టు నేత చెన్నమనేని రాజేశ్వరరావు జీవితం తెలంగాణ కీలక పరిణామాలతో ముడిపడి ఉంది. 1923 ఆగస్టు 31న జన్మించిన రాజేశ్వరరావు 13 ఏళ్ల వయసులో సిరిసిల్లలో జరిగిన నాలుగవ ఆంధ్ర మహాభలకు స్వచ్ఛంద సేవకునిగా పని చేశారు.

పాల్వంచ, మే 9: ఊరకుక్కలు వెంటబడి దాడి చేయటంలో ఓ దుప్పి మృతి చెందింది. ఈ సంఘటన ఖమ్మం జిల్లా పాల్వంచ మండల పరిధిలోని మొండికట్ట వద్ద సోమవారం జరిగింది. కినె్నరసాని జింకల పార్కులోని ఒక దుప్పి వేసవి తాపానికి తట్టుకోలేక మంచినీటి కోసం బయటకు వచ్చింది. అక్కడి నుండి మండల పరిధిలోని మొండికట్ట ప్రాంతంలోని అటవీ ప్రదేశానికి చేరుకుంది. దుప్పిని చూసిన ఆప్రాంతంలోని కొన్ని వీధికుక్కలు వెంబడించి కరిచేశాయి.