హైదరాబాద్, అక్టోబర్ 18: రాచకొండ పోలీస్ కమిషనరేట్ పరిధిలో విధినిర్వహణలో ప్రాణాలు పోగొట్టుకున్న పోలీస్ కుటుంబ సభ్యులకు నేనున్నానంటూ రాచకొండ పోలీస్ కమిషనర్ భరోస కల్పించారు. తీవ్రవాదుల కారణంగా 17 మంది పోలీసులు విధినిర్వహణలో తమ ప్రాణాలు కోల్పోయారు. బుధవారం రాచకొండ కమిషనర్ మహేశ్ ఎం భగవత్ అమర పోలీసుల కుటుంబాల ఇంటికి పోలీసులను పంపించి వారిని ఓదార్చి దీపావళి శుభాకాంక్షలు తెలిపారు.

హైదరాబాద్, అక్టోబర్ 18: శాసనసభ, శాసనమండలి ఉభయ సభలు ఈ నెల 27 నుంచి ప్రారంభం కానున్నాయి. ఈ మేరకు గవర్నర్ ఇఎస్‌ఎల్ నరసింహన్, శాసనసభ కార్యదర్శి వేదాంతం నరసింహ్మాచార్యుల పేరిట గజిట్ నోటిఫికేషన్ బుధవారం విడుదల అయింది. ఈనెల 27 ఉదయం 10 గంటలకు ఏకకాలంలో ప్రారంభం కానున్నట్టు నోటిఫికేషన్‌లో పేర్కొన్నారు.

ఖమ్మం, అక్టోబర్ 18: పర్యావరణ పరిరక్షణ కోసం తెలంగాణ ప్రభుత్వం నూతన విధానాన్ని ప్రవేశ పెడుతోంది. మొక్కలు పెంచే రైతులకు ప్రోత్సాహకాలు అందించాలని నిర్ణయించింది. ప్రభుత్వ ఆధీనంలోని విజయ డైరీకి పాలుపోసే రైతులకు రాయితీపై పాడి గేదెలను అందించాలని రాష్ట్ర ముఖ్యమంత్రి కెసిఆర్ నిర్ణయించారు. ఇందుకు అనుగుణంగా ఆయా జిల్లాల్లో అధికారులు ఏర్పాట్లు చేస్తున్నారు.

గజ్వేల్, అక్టోబర్ 18: తెలంగాణ రాష్ట్ర అభివృద్ధిని అడ్డుకుంటున్న ప్రతిపక్ష టిడిపి, కాంగ్రెస్‌లు, కోదండరాంలకు ప్రజలే గుణపాఠం చెబుతారని రాష్ట్ర నీటి పారుదల శాఖమంత్రి తన్నీరు హరీష్‌రావు పేర్కొన్నారు. బుధవారం గజ్వేల్‌లో జరిగిన వివిధ కార్యక్రమాల్లో ఆయన ప్రసంగించారు.