హైదరాబాద్, జూన్ 13: మిషన్ భగీరథ పైప్‌లైన్ కోసం తవ్విన సిసి రోడ్లను వెంటనే తిరిగి నిర్మించాలని, వర్షాకాలం ప్రమాదాలను దృష్టిలో పెట్టుకొని పైప్‌లైన్ పనులు వెంటనే పూర్తి చేయాలని మిషన్ భగీరథ వైస్ చైర్మన్ వేముల ప్రశాంత్‌రెడ్డి అధికారులను ఆదేశించారు. ఇంట్రా పనుల కోసం గ్రామాల్లో తవ్విన గుంతల్లో పైపులువేసి వెంటనే పూడ్చాలన్నారు. మంగళవారం ఆయన మిషన్ భగీరథ పనులను సమీక్షించారు.

హైదరాబాద్, జూన్ 13: అంతర్జాతీయ విత్తన సదస్సుకు హైదరాబాద్ వేదిక కాబోతోంది. ఇంటర్నేషనల్ సీడ్ టెస్టింగ్ ఏజెన్సీ (ఇస్తా) నేతృత్వంలో 2019 జూన్‌లో ఈ సదస్సు నిర్వహించేందుకు ఏర్పాట్లు జరుగుతున్నాయి. వివిధ దేశాలకు ఇందుకు సంబంధించి ఆహ్వాన పత్రాలు పంపించేందుకు సన్సాహాలు జరుగుతున్నాయి. దేశంలోనే కాకుండా ఆసియా ఖండంలోనే ‘ఇస్తా’ నేతృత్వంలో సదస్సు జరగడం ఇదే ప్రథమం అవుతుంది.

హైదరాబాద్, జూన్ 13: ఈ ఏడాది వేసవి తీవ్రత కారణంగా దేశ వ్యాప్తంగా పలు జలాశయాల్లో నీరు తగ్గినప్పటికీ దక్షిణాది రాష్ట్రాల్లోని 31 జలాశయాలతో పోలిస్తే తెలంగాణలో మాత్రం ఉన్నంతలో జలసిరి ఎక్కువగా ఉందని కేంద్ర జల సంఘం ప్రకటించింది. తెలంగాణ రాష్ట్రంలోని జలాశయాల్లో కూడా నీటి నిల్వలు తగ్గినా, గతంతో పోలిస్తే, ఇతర రాష్ట్రాల కంటే నీటి లభ్యత పరిస్ధితి బాగుంది.

మెదక్ రూరల్, జూన్ 12: ఒకేరోజు రాష్ట్రంలో 119 బిసి గురుకుల పాఠశాలలు ప్రారంభించడం దేశంలోనే రికార్డని భారీ నీటిపారుదల శాఖ మంత్రి తన్నీరు హరీష్‌రావు వెల్లడించారు. బిసిల అభ్యున్నతికి ముఖ్యమంత్రి కెసిఆర్ ప్రత్యేక కృషిచేస్తున్నారని పేర్కొన్నారు.