హైదరాబాద్, మే 13: త్వరలో జరిగే తెలంగాణ తొలి తెలుగు ప్రపంచ మహాసభలను గొప్పగా నిర్వహించాలని ముఖ్యమంత్రి కెసిఆర్ సూచించారు. తెలుగు సాహిత్యాన్ని పరిపుష్టం చేయడంలో తెలంగాణ గొప్ప పాత్ర పోషించిందని, అదంతా మహాసభల్లో ప్రతిబింబించాలని అన్నారు. ప్రభుత్వ పథకాల ప్రయోజనం ప్రజలకు అందే విధంగా రచనలు చేసి చైతన్య పరచాలని కవులు, దర్శకులు, రచయితలను ముఖ్యమంత్రి కోరారు.

హైదరాబాద్, మే 13: దక్షిణ మధ్య రైల్వేలో కొనసాగుతున్న పనులపై జనరల్ మేనేజర్ వినోద్‌కమార్ యాదవ్ రైల్వే అధికారులతో సమీక్షించారు. శనివారం రైల్ నిలయంలో జరిగిన సమావేశంలో ముఖ్య పరిపాలనాధికారి ఆర్‌సి భూల్‌చందాని పాల్గొన్నారు. పెండింగ్ ప్రాజెక్టులను సత్వరమే పూర్తి చేయాలని జిఎం వినోద్‌కుమార్ యాదవ్ అధికారులను ఆదేశించారు.

హైదరాబాద్, మే 13: ధర్నాలను చేసే ప్రజాస్వామిక హక్కును ఎవరూ కాలరాయలేరని మాజీ డిజిపి, బిజెపి నేత వి దినేష్‌రెడ్డి పేర్కొన్నారు. ధర్నాలు, ఉద్యమాలు చేసి అధికారంలోకి వచ్చిన పార్టీ ధర్నా చౌక్‌ను తొలగిస్తామని అనడం ప్రజాస్వామ్య విరుద్ధమని అన్నారు.

ఘట్‌కేసర్, మే 13: సురక్షితంగా గమ్యస్థానికి చేర్చాల్సిన ఓ క్యాబ్ డ్రైవర్.. యువతిపై అత్యాచారయత్నానికి పాల్పడిన సంఘటన మేడ్చల్ జిల్లా ఘట్‌కేసర్ పోలీసు స్టేషన్ పరిధి నారపల్లిలో శుక్రవారం రాత్రి జరిగింది. నగరంలోని సీతాఫల్‌మండిలో నివాసం ఉంటున్న పబ్ డ్యాన్సర్ కల్పన (20) శుక్రవారం రాత్రి ఎనిమిది గంటల సమీపంలో ఉప్పల్ వెళ్లాల్సి ఉండగా పరిచయం ఉన్న రవి అనే క్యాబ్ డ్రైవర్‌కు సమాచారం ఇచ్చినట్లు తెలిపారు.