హైదరాబాద్, మే 12: రాష్ట్రంలో రానున్న వారం రోజుల్లో ఎండలు ముదిరే అవకాశం ఉంది. చాలా ప్రాంతాల్లో గరిష్ఠ ఉష్ణోగ్రత 44 డిగ్రీల సెల్సియస్‌కు చేరుకుంటుందని ప్రభుత్వ వాతావరణ శాఖ విశే్లషణ విభాగం వెల్లడించింది. రాష్ట్రంలోని ఉత్తర, తూర్పు ప్రాంతాల్లో ఉష్ణోగ్రత 41 డిగ్రీల నుంచి 44 డిగ్రీల వరకు, మిగిలిన ప్రాంతాల్లో 39 డిగ్రీల నుంచి 42 డిగ్రీలకు చేరుకుంటుందని స్పష్టం చేసింది.

హైదరాబాద్, మే 11: దక్షిణ మధ్య రైల్వే హైదరాబాద్ జోన్ పరిధిలోని పార్లమెంట్ సభ్యులతో జిఎం వినోద్‌కుమార్ యాదవ్ గురువారం సమావేశమయ్యారు. రైల్వే పెండింగ్ పనులపై చర్చించారు. జోన్ పరిధిలోని తెలంగాణ, మహారాష్ట్ర, కర్ణాటకకు చెందిన పార్లమెంట్ సభ్యులు ఈ సమావేశానికి హాజరయ్యారు. ఈ సందర్భంగా ఎంపిలు ఎక్స్‌ప్రెస్ రైళ్లను చిన్న స్టేషన్లలో ఆపాలని కోరారు.

హైదరాబాద్, మే 11: భూ సేకరణ చట్ట సవరణకు ప్రతిపక్షాల నుంచి వ్యతిరేకత వ్యక్తం అయినప్పటికీ శాసనసభలో బిల్లు ఆమోదించి కేంద్ర నుంచి ఆమోదముద్ర వేయించుకుని పంతం నెగ్గించుకున్న టిఆర్‌ఎస్ ప్రభుత్వం అదే స్ఫూర్తితో జోనల్ వ్యవస్థ రద్దుకు రంగం సిద్ధం చేస్తోంది. రాష్ట్ర విభజన చట్టంలో జోనల్ వ్యవస్థ రద్దుకు అవకాశం ఉండటంతో చట్టబద్ధ ప్రక్రియ ద్వారా రద్దు చేయడానికి అధికారులు కసరత్తు చేస్తున్నారు.

హైదరాబాద్, మే 11: ప్రభుత్వం ప్రతిష్ఠాత్మకంగా చేపడుతున్న గొర్రెల పెంపకం, గొర్రెల పంపిణీ పథకం విజయవంతం అయ్యేందుకు శాస్ర్తియ విధానంలో ఏర్పాట్లు చేస్తున్నామని రాష్ట్ర పశుసంవర్ధక శాఖ మంత్రి తలసాని శ్రీనివాసయాదవ్ పేర్కొన్నారు. జూన్ 20వ తేదీ నుండి నాలుగు వేల కోట్ల రూపాయల వ్యయంతో ప్రారంభించనున్న గొర్రెల పంపిణీ కార్యక్రమానికి సంబంధించి చర్చించేందుకు గురువారం ఆయన ఉన్నతాధికారులతో సమీక్షించారు.