హైదరాబాద్, మార్చి 28: కేంద్ర ప్రాయోజిత పథకాల ద్వారా రాష్ట్రానికి మూడు నుంచి నాలుగు వేల కోట్ల రూపాయలు అదనంగా లభించే విధంగా ప్రతిపాదనలు రూపొందించాలని ముఖ్యమంత్రి కె చంద్రశేఖర్‌రావు ఆదేశించారని ప్రభుత్వ ప్రధాన కార్యదర్శి ఎస్‌పి సింగ్ అన్నారు. కేంద్ర ప్రాయోజిత పథకాల నుంచి అదనంగా నిధులు పొందడానికి ఢిల్లీలోని రెసిడెంట్ కమిషనర్ అరవింద్‌కుమార్‌తో ఆర్థికశాఖ అధికారులు సమన్వయం చేసుకోవాలని ఆయన సూచించారు.

హైదరాబాద్, మార్చి 28: రాష్ట్రంలో ఎస్సీ, ఎస్టీ కమిషన్‌ను నియమించకపోవడానికి గల కారణాలు తెలియచేయాలని హైకోర్టు ప్రభుత్వాన్ని ఆదేశించింది. టిడిపి నేత మేడిపల్లిసత్యం దాఖలు చేసిన పిల్‌ను హైకోర్టు ధర్మాసనం విచారణకు స్వీకరించింది. పిటిషనర్ తరఫున న్యాయవాది టి రజనీకాంత్ రెడ్డి వాదనలు వినిపిస్తూ, రాష్ట్ర విభజన జరిగి మూడేళ్లు గడచిన తర్వాత కూడా ఎస్సీ, ఎస్టీకమిషన్‌ను ప్రభుత్వం నియమించలేదని కోర్టుకు తెలిపారు.

హైదరాబాద్, మార్చి 28: మెస్ చార్జీల పెంపు పట్ల హర్షం వ్యక్తం పలు సంఘాల ప్రతినిధులు, నాయకులు, విద్యార్థులు మంగళవారం ప్రగతి భవన్‌లో ముఖ్యమంత్రి కె చంద్రశేఖర్‌రావును కలిసి కృత్ఞతలు తెలిపారు. ఈ సందర్భంగా ముఖ్యమంత్రి మాట్లాడుతూ, ‘ఉద్యమ సమయంలో చెప్పినట్టు రాష్ట్ర ఆర్థిక పరిస్థితి బాగుంది. 15 శాతం వృద్ధి రేటు ఉంది. పెరిగిన సంపద పేదలకు ఉపయోగపడాలి, వారి జీవితాల్లో మార్పు రావాలి.

నిజామాబాద్, మార్చి 27: ఆది నుండి వివాదాస్పదుడిగా ముద్రపడి ఉన్న నిజామాబాద్ జిల్లా బోధన్ ఎమ్మెల్యే మహ్మద్ షకీల్, అతని అనుచరుల ఆగడాలపై ఉద్యోగులు తీవ్ర స్థాయిలో తమ నిరసన గళం వినిపించారు. సోమవారం అన్ని శాఖలకు చెందిన గెజిటెడ్, నాన్ గెజిటెడ్ అధికారులు, ఆయా శాఖల ఉద్యోగులంతా మూకుమ్మడిగా నిరసన కార్యక్రమాలకు పూనుకున్నారు.