హైదరాబాద్, ఫిబ్రవరి 25: ఉస్మానియా వర్శిటీ పోలీసులపై రాష్ట్ర మానవ హక్కుల కమిషన్‌కు విద్యార్థి జెఎసి శనివారం ఫిర్యాదు చేసింది. 22న నిరుద్యోగ ర్యాలీని పురస్కరించుకొని తెలంగాణ జెఎసి చైర్మన్ ప్రొఫెసర్ కోదండరాం అక్రమ అరెస్టు తీరుపై ఓయూ విద్యార్థి జెఎసి ఫిర్యాదు చేసింది.

పాపన్నపేట, ఫిబ్రవరి 24: రాష్ట్రంలోనే అత్యంత ప్రసిద్ధి చెందిన ఏడుపాయల వనదుర్గామాత ఆలయాన్ని అద్భుత పర్యాటక కేంద్రంగా తీర్చిదిద్దేం దుకు కృషి చేస్తున్నట్లు భారీ నీటిపారుదల శాఖ మంత్రి టి.హరీశ్‌రావు తెలిపారు. మహాశివరాత్రి సందర్భంగా ఆయన రాష్ట్ర ప్రభుత్వ ప్రతినిధిగా శుక్రవారం ఏడుపాయల జాతరకు హాజరై ఉత్సవాలను ప్రారంభించారు.

హైదరాబాద్, ఫిబ్రవరి 24: వచ్చే వేసవి కాలంలో ప్రజలను వడగాడ్పుల తీవ్రతపై అప్రమత్తం చేసేందుకు తెలంగాణ రాష్ట్రప్రభుత్వం సాంకేతిక పరిజ్ఞానాన్ని వినియోగించుకోవాలని నిర్ణయించింది. సమాచార టెక్నాలజీ విభాగం డిజాస్టర్ మేనేజిమెంట్ పోర్టల్‌ను ఇప్పటికే ప్రారంభించింది. దీని ద్వారా గ్లోబల్ ఫోర్‌కేస్టింగ్ సిస్టమ్‌ను ఉపయోగించి వేడి గాలుల తీవ్రతను పసిగట్టి ప్రభావిత ప్రాంతాల్లో ప్రజలను అప్రమత్తం చేస్తుంది.

హైదరాబాద్, ఫిబ్రవరి 24: చర్చల ద్వారానే సమస్యలను పరిష్కరించుకోవాలని ఇరు రాష్ట్రాల పాలకులు భావిస్తున్నారు. గవర్నర్ సమక్షంలో ఇరు రాష్ట్రాల మంత్రుల మూడవ సమావేశం ఆదివారం జరుగుతుంది. ఇప్పటికే గవర్నర్ సమక్షంలో రెండు సార్లు సమావేశం అయ్యారు. ఇరు రాష్ట్రాల మంత్రుల సమావేశం అనంతరం గవర్నర్ నరసింహన్ విజయవాడ పర్యటనలో ఆంధ్రప్రదేశ్ ముఖ్యమంత్రి చంద్రబాబుతో చర్చించారు.