హైదరాబాద్: సిబిఐ మాజీ డైరెక్టర్, మాజీ మంత్రి విజయరామారావు కుమారుడు కళ్యాణ శ్రీనివాసరావుపై సిబిఐ కేసు నమోదు చేసింది. పలు బ్యాంకుల నుంచి తీసుకున్న రుణాల చెల్లింపులో విఫలమయ్యారన్న అభియోగాల కింద సిబిఐ అధికారులు కేసులు నమోదు చేశారు. సెంట్రల్ బ్యాంకు సహా పలు బ్యాంకుల నుంచి రూ.304 కోట్లు రుణాలు తీసుకొని తిరిగి చెల్లించలేదని ఆయా బ్యాంకుల అధికారులు సిబిఐకి ఫిర్యాదు చేశారు.

హైదరాబాద్: ఖమ్మం, వరంగల్ మున్సిపల్ కార్పొరేషన్, అచ్చంపేట మున్సిపాలిటీకి ఎన్నికల షెడ్యూల్ విడుదలైంది. సోమవారం ఎన్నికల నోటిఫికేషన్ విడుదలకానుంది. వెంటనే నామినేషన్లు దాఖలు చేయవచ్చు. 24 వరకు నామినేషన్లు స్వీకరిస్తారు. 25న స్కూృటిని, 26న ఉప సంహరణ, మార్చి 6న పోలింగ్ జరుగుతుంది. 9న ఓట్ల లెక్కింపు, ఫలితాల ప్రకటన.

హైదరాబాద్ : నారాయణఖేడ్ ఎమ్మెల్యేగా భూపాల్‌రెడ్డి ఆదివారం ప్రమాణస్వీకారం చేశారు. స్పీకర్ చాంబర్‌లో ఆయన ఎమ్మెల్యేగా ప్రమాణస్వీకారం చేశారు. ఈనెల 13వతేదీన జరిగిన ఉప ఎన్నికల్లో ఆయన మొత్తం 52 వేల ఓట్ల మెజార్టీతో గెలుపొందిన విషయం తెలిసిందే.

హైదరాబాద్:తెలంగాణలోని గ్రేటర్ వరంగల్, ఖమ్మం కార్పొరేషన్లు, మహబూబ్‌నగర్ జిల్లా అచ్చంపేట మున్సిపాల్టీల ఎన్నిల షెడ్యూల్ విడుదలైంది. సోమవారంనాడు వీటికి సంబంధించిన ఎన్నికల నోటిఫికేషన్ విడుదల చేస్తామని ఎన్నికల సంఘం ఆదివారం నాడు ప్రకటించింది. సోమవారంనుంచి ఈనెల 24వ తేదీవరకు నామినేషన్ల స్వీకరణ, 25న నామినేషన్ల పరిశీలన, 26 మధ్యాహ్నం 3 గంటలవరకు నామినేషన్ల ఉపసంహరణకు గడువు విధించారు.