హైదరాబాద్: వరంగల్ జిల్లా హనుమకొండలో కాళోజీ కళాకేంద్రంకు నిర్మాణం కోసం 50 కోట్ల రూపాయలు విడుదల చేస్తూ ప్రభుత్వం శనివారం ఉత్తర్వులు జారీ చేసింది. దశలవారిగా నిధులు విడుదల చేస్తున్నారు. 3.5 ఎకరాల్లో నాలుగు అంతస్థుల్లో ఈ భవనాన్ని నిర్మిస్తున్నారు. ఒకేసారి 11వందల మంది కూర్చునే విధంగా భారీ ఆడిటోరియం నిర్మిస్తారు.

హైదరాబాద్: గత ఏడాది ఉల్లి ధరలు వినియోగదారులకు కన్నీళ్లు తెప్పిస్తే, ఈసారి రైతులకు కన్నీళ్లు తెప్పిస్తోంది. గత సీజన్‌లో ఓపెన్ మార్కెట్‌లో ఉల్లి ధర కేజీ 80 నుంచి వందకు చేరింది. రైతు బజార్లలో రేషన్ కార్డు, ఆధార్ కార్డు వంటి ఆధారాలు చూపితే ప్రభుత్వం సబ్సిడీతో ఉల్లిని అమ్మించింది. ఒకవైపు సబ్సిడీ భరిస్తూ ఉల్లి అమ్మించడంతో పాటు రైతులకు 70 శాతం సబ్సిడీతో ఉల్లి విత్తనాలు అందజేశారు.

హైదరాబాద్: ప్రభుత్వ వైద్యం బలోపేతం చేసేందుకు ఎన్ని నిధులైనా విడుదల చేస్తామని సిఎం కె చంద్రశేఖర్‌రావు ప్రకటించారు. ప్రాథమిక ఆరోగ్య కేంద్రం నుంచి నిమ్స్‌వరకు ఏ ఆస్పత్రికి ఏంకావాలో సమగ్ర నివేదిక రూపొందించాలని అధికారులను ఆదేశించారు. బడ్జెట్ సమీక్షలో భాగంగా వైద్య ఆరోగ్య శాఖపై క్యాంపు కార్యాలయంలో శనివారం సమీక్షించారు.

వరంగల్: మేడారం జాతరలో చివరి రోజైన శనివారం నాడు భక్తులు ఇంకా భారీగా తరలి వస్తున్నారు. రెండు రోజులుగా గద్దెలపై కొలువుతీరిన సమ్మక్క, సారలమ్మలను ఈ రోజు సాయంత్రం తిరిగి వన ప్రవేశం చేయిస్తారు. సమ్మక్కను చిలకలగుట్టకు, సారలమ్మను కనే్నపల్లిలోని గుడికి తీసుకువెళ్తారు. సాయంత్రం ఏడు గంటలకు దేవతలను వన ప్రవేశానికి సిద్ధం చేస్తారు.