మేడారం బృందం, ఫిబ్రవరి 19: భక్తుల సౌకర్యార్థం మేడారం జాతరకు విచ్చేసే విఐపిలను చేరవేసేందుకు ఏర్పాటుచేసిన హెలికాప్టర్ వస్తుందంటే మేడారం గద్దెల పరిసరాలలో ఎటు 3కిలోమీటర్ల దూరంలో బస చేసిన భక్తులు హడలిచస్తున్నారు. విషయం ఏంటంటే...వచ్చిన విఐపిలు ఏరియల్ వ్యూ అంటూ మేడారం పరిసరాలను రెండు రౌండ్‌లు వేసుకుని మరీ గద్దెల సమీపంలోని పోలీస్ క్వార్టర్స్ వెనుక భాగంలో ఏర్పాటుచేసిన హెలిప్యాడ్ వద్ద దిగుతున్నారు.

మేడారం బృందం, ఫిబ్రవరి 19: మేడారం జాతరలో సమ్మక్క-సారలమ్మ గద్దెలపై కొలువున్న క్షణం నుండి ప్రముఖుల తాకిడి ఎక్కువైంది. శుక్రవారం రాష్ట్ర ముఖ్యమంత్రి తరపున రాష్ట్ర గిరిజన సంక్షేమ పర్యాటక శాఖ మంత్రి అజ్మీర చందూలాల్ తులాభారం తూగి 56 కిలోల బంగారాన్ని (బెల్లం) అమ్మవార్లకు సమర్పించారు.

మేడారం బృందం, ఫిబ్రవరి 19: మేడారం జాతరలో పోలీస్, రెవెన్యూ, దేవాదాయ శాఖ ఉద్యోగుల తీరు విమర్శలకు దారితీస్తుంది. తల్లుల దర్శనానికి వచ్చే భక్త జనానికి వారి తీరు చుక్కలు చూపిస్తుంది. తమ కుటుంబ సభ్యులు, బంధువులను రాచమర్యాదలతో స్వాగతం పలుకుతూ భక్తులను ఇబ్బందులకు గురిచేస్తున్నారని భక్తులు బాహాటంగానే విమర్శిస్తున్నారు. గురువారం రాత్రి సమ్మక్క రాకతో క్యూలైన్‌ల వద్ద భక్తులు గంటలతరపడి వేచి ఉన్నారు.

మేడారం, ఫిబ్రవరి 19: ఆదివాసీల ఆరాధ్యదైవాలు... వరాల తల్లులు సమ్మక్క-సారలమ్మ గద్దెలను అలంకరించడంతో భక్తజనం పోటెత్తింది. జంపన్నవాగులో భక్తులు పుణ్యస్నానాలు ఆచరించి తల్లిబిడ్డలకు మొక్కులు చెల్లించుకునేందుకు ఒడిబాల బియ్యం, కొబ్బరికాయలు, నిలువెత్తు బంగారం(బెల్లం)తో తరలివచ్చారు. శుక్రవారం నాటికి కోటి 20 లక్షలకు పైగా భక్తజనం జాతరలో అమ్మవార్లను దర్శించుకున్నట్లు అధికారులు అంచనా వేస్తున్నారు.