S ,7 à 8 RSCA (si SASPAS) et 6 cialis pharmacie cialis rapports de stage.
ఫోకస్
విభజన చట్టం ఆమోదం పొందే సమయంలో పార్లమెంట్ సాక్షిగా హామీ ఇచ్చిన ప్రత్యేక హోదా అమలు విషయంలో కేంద్ర ప్రభుత్వం ఇప్పటికే రెండేళ్లపాటు కాలయాపన చేయడంవల్ల రాష్ట్రం అన్ని విధాలా నష్టపోయింది. తొలుతే అమల్లోకి వచ్చి ఉన్నట్లయితే ఇరుగుపొరుగు రాష్ట్రాలతో సమానంగా ప్రయాణం చేసి వుండేవాళ్లం.
తెలుగు ప్రజల అభీష్టానికి భిన్నంగా రాష్ట్రాన్ని ఏకపక్షంగా విభజించారు. ఆనాటి ప్రభుత్వం విభజన చట్టంలోని హామీలతో పాటు రాష్ట్రానికి ప్రత్యేక హోదా, రైల్వేజోన్, కేంద్ర సంస్థలు, పోలవరం నిర్మాణం, ఆర్థిక లోటు భర్తీకి నిధులు, కడపకు ఉక్కు ఫ్యాక్టరీ, వెనుకబడిన జిల్లాలకు బుందేల్‌ఖండ్ తరహా ప్యాకేజీని అమలు చేస్తామని హామీ ఇచ్చారు.
ప్రత్యేక హోదా ఐదు కోట్ల మంది ఆంధ్రుల ప్రత్యేక హక్కు. బిజెపి, కాంగ్రెస్ పార్టీలు ఆంధ్రప్రదేశ్ ప్రజలతో చెలగాటమాడుతున్నాయి. వైకాపా బాధ్యతాయుతమైన ప్రతిపక్షంగా ప్రత్యేక హోదా సాధించేంతవరకు విశ్రమించదు. ప్రత్యేక హోదా వస్తేనే పరిశ్రమలు ఆంధ్రకు తరలివస్తాయి. పెట్టుబడులు వస్తాయి. ఇప్పటికే రెండేళ్లు గడచింది. ప్రత్యేక హోదా సాధనలో టిడిపి ఘోరంగా విఫలమైంది.
ఆంధ్రప్రదేశ్‌కు ప్రత్యేక హోదా కల్పిస్తే మాకేమీ అభ్యంతరం లేదు. అయితే ఆంధ్రప్రదేశ్‌కు హోదా కల్పించే అవకాశం ఎంత మాత్రం లేదు. విభజన చట్టంలో రెండు రాష్ట్రాలకు ఇచ్చిన హామీల కోసం రెండు రాష్ట్రాలు ప్రయత్నిస్తే బాగుంటుంది. ప్రత్యేక హోదాలో ఆంధ్ర ఇరుక్కుపోయింది. హోదా వచ్చే అవకాశం లేదు. కానీ హోదా తప్ప మరోటి అడిగే పరిస్థితి ఆ నాయకుల్లో కనిపించడం లేదు.
హోదా అంశాన్ని రాజకీయ పార్టీలు తమ స్వప్రయోజనాలకు ఉపయోగించుకుంటున్నాయి. రాష్ట్రానికి ప్రత్యేక హోదా రాకపోతే తీవ్ర నష్టం జరిగిపోతుందని ప్రజల్లోకి బలంగా తీసుకెళ్లడంలో బిజెపియేతర పార్టీలన్నీ కృతకృత్యులయ్యాయి. రాజకీయ లబ్ధి కోసం పార్టీలు ఆడుతున్న నాటకం ఇది. ప్రత్యేక హోదాకన్నా ప్రత్యేక ప్యాకేజీ వల్ల రాష్ట్రానికి లాభం ఇంకా ఎక్కువ చేకూరుతుందనే విషయం ప్రజలు గ్రహించాలి.
ఉగ్రవాదానికి ఎల్లలు లేవు. ఈ రోజు న్యూయార్కు నుంచి హైదరాబాద్ వరకు ప్రపంచ మంతా విస్తరించిన ఉగ్రవాదాన్ని తుదముట్టించేందుకు అన్ని దేశాల్లోని ప్రభుత్వాలు పటిష్టమైన చర్యలు తీసుకుంటున్నా కొత్త పద్ధతుల్లో ఉగ్రవాదం కోరలు చాపుతోంది.
ఉగ్రవాదం, తీవ్రవాదాలకు మతం, ప్రాంతం, దేశం అనేవి ఉండవు. సమాజంలో పెడత్రోవపట్టిన యువత ఉగ్రవాదానికి రకరకాల కారణాలతో ఆకర్షితులవుతుంటారు. ఉగ్రవాదం నిర్మూలనకు తెలంగాణ పోలీసు అప్రమత్తంగా ఉంది. దేశవ్యాప్తంగా ఇప్పటికే వామపక్ష తీవ్రవాదాన్ని అణచివేయడంలో తెలంగాణ పోలీసు, గ్రేహౌండ్స్ పోలీసులు అగ్రమార్గాన ఉన్నారు.
ప్రపంచంలో అనేక దేశాలకు ఇస్లామిక్ ఉగ్రవాద ప్రమాదం పొంచి ఉంది. విద్యార్థి దశ నుంచే ఉగ్రవాదాన్ని నూరిపోస్తున్నారు. ప్రభుత్వం దీనిపై దృష్టిసారించాలి, లేకపోతే మరింత ప్రమాదంలో పడిపోతాం. ఉగ్రవాదానికి పుట్టినిల్లు అయిన సిరియా, లెబనాన్ వంటి దేశాలవారికి ప్రపంచంలో ఏ దేశం ఆశ్రయం కల్పించలేదు. ఆశ్రయం కల్పించిన జర్మనీ లాంటి దేశాల్లో సైతం వీరు ఉగ్రదాడులకు పాల్పడుతున్నారు.
సీమాంతర ఉగ్రవాదం, తీవ్రవాదం దేశంలో పెరిగిపోయాయి. ఇది అనేక రకాలుగా విస్తరించింది. ఇది ఏ దేశానికీ మంచిదికాదు. ఉగ్రవాదాన్ని కూకటివేళ్లతో పెకిలించేయాల్సిన అవసరం ఎంతైనా ఉంది. దీన్ని పసిగట్టడానికి ఇంటిలిజెన్స్ వ్యవస్థను పటిష్ఠపరచుకోవాలి. ఉగ్రవాదుల శిక్షణ కేంద్రాలను మట్టుపెడితే చాలా ఘోరాలు తగ్గిపోతాయి. ఇవి ఎక్కడెక్కడ ఉన్న విషయాన్నీ ఇంటిలిజెన్స్ విభాగం మాత్రమే గుర్తించగలుతుంది.
ఉగ్రవాదం మన దేశానికే కాదు అంతర్జాతీయ సమస్యగా మారింది. ప్రపంచ దేశాలకు పెను సవాల్‌గా మారింది. ఉగ్రవాదాన్ని ఉక్కుపాదంతో అణచివేయాల్సిందే. ఉగ్రవాదం అభివృద్ధికి ఆటంకం అవుతుంది. ఉగ్రవాదాన్ని అమెరికా లోగడ ప్రోత్సహించి, చివరకు చిక్కుల్లో పడింది. ఆ చేదు అనుభవం అమెరికాకే ఎదురైంది. ఉగ్రవాదులు వివిధ దేశాల్లో ఆంతరంగికంగా శాంతిభద్రతలకు విఘాతం కలిగిస్తారు. ఇరాక్‌లోనూ అమెరికా అదేవిధంగా ప్రోత్సహించింది.