S ,7 à 8 RSCA (si SASPAS) et 6 cialis pharmacie cialis rapports de stage.
అవీ .. ఇవీ..
ఇసుకలో పూడ్చివేసిన ఖడ్గమృగం కాళ్లు, కొమ్ము కన్పిస్తున్నాయి కదూ. నిజానికి ఇది నిజమైన ఖడ్గమృగం కాదు. ఆస్ట్రేలియాలోని సిడ్నీ సముద్రతీరంలో ఓ కళాకారుడు ఇలా ఓ ఖడ్గమృగం ప్రతిమను ఇసుకలో పూడ్చివేసిన చందాన తీర్చిదిద్దాడు. ఇప్పుడు ఆ కళాఖండం ఓ పెద్ద ఆకర్షణ.
ఓ విమాన చక్రంలో విభ్రాంతి కలిగే భంగిమతో కన్పిస్తున్న ఈమె పేరు ఓల్గా మర్చెన్‌కోవా. పాశ్చాత్య నృత్యరీతిలో పెట్టిందిపేరైన ఈమె మంచి మోడల్‌గానూ పేరుపొందింది. లండన్-మాస్కోల మధ్య నడిపే బ్రిటిష్ ఎయిర్‌వేస్ డ్రీమ్‌లైనర్ బోయింగ్ 787-9 తరహా విమాన సర్వీసు ప్రచారం కోసం ఆమె ఇలా పోజిచ్చింది. విమానం ఎక్కకుండానే ఈమె పోజును చూసి చాలామంది గాలిలో తేలిపోయినట్లు ఫీలయ్యారు.
మొహల్లా వేడుక సందర్భంగా బల్వంత్‌సింగ్ చేసే ‘తాండవం’ చూసేందుకు తండోపతండాలుగా జనం వస్తారు. ఈ వేడుకల్లో ఆయన ‘తలపాగా’ ప్రత్యేక ఆకర్షణ. 800 మీటర్ల వస్త్రంతో ఆయన తలకు చుట్టుకునే పాగా దాదాపు పది కేజీల బరువుంటుందని అంచనా. అంత భారీ తలపాగాతో ఒంటికాలిపై నృత్యం చేస్తూ యాత్రికులను ఆనందింపచేయడం బల్వంత్‌సింగ్ ప్రత్యేకత. ఈ మధ్య అమృతసర్‌లో మొహల్లా వేడుకల్లో ఇలా బల్వంత్‌సింగ్ కనిపించి అలరించాడు.
ప్రపంచంలో అందరి అంచనాలకు విరుద్ధంగా అమెరికా అధ్యక్షుడిగా డొనాల్డ్ ట్రంప్ నెగ్గాడు. అయితే అతడి గెలుపు చాలామందికి ఒళ్లుమండిపోయేలా చేసింది. ట్రంప్ విజయాన్ని జీర్ణించుకోలేని, తట్టుకోలేని లక్షలాదిమంది అమెరికన్లు ఆందోళనల బాట పట్టారు. అతడి సొంత భవన్ ‘ట్రంప్ టవర్’కు ఆ నిరసనల సెగ తాకింది. ఓ మహిళ ఇలా సంగీత వాద్యంతో పాటలు పాడుతూ నిరసన వ్యక్తం చేసి అందరి దృష్టినీ ఆకర్షించింది.
సైకిల్ తొక్కడంలో విశేషం ఏముంటుంది? కానీ కైరోలో ఈ వ్యక్తి సైకిల్ సవారీలో ఓ ప్రత్యేకత ఉంది. వెదురుతో చేసిన భారీ ర్యాక్‌లో బన్‌లు పెట్టి, ఆ భారీ రొట్టెల తొట్టెను ఓ చేత్తో బ్యాలన్స్ చేస్తూ సైకిల్‌పై వెళ్లడం అతడి ప్రత్యేకత. వీధుల్లో తిరుగుతూ వాటిని విక్రయిస్తూంటాడు. నూటికి 90 శాతం ఆ రొట్టెల తొట్టె ఎప్పుడూ చేజార్చకపోవడం అతడికి గుర్తింపు తెచ్చింది.
చైనాలో అందరికీ ట్రంప్ గుర్తొస్తున్నట్లున్నాడు. దేన్ని చూసినా ట్రంపే వారికి కన్పిస్తున్నాడు. ఈ మధ్య హోంగ్జౌ జూలో ని బర్డ్ సఫారీలో కన్పించిన ఓ పక్షిని చూసిన ఓ జర్నలిస్టు అది అచ్చం ట్రంప్‌లా ఉందంటూ ట్రంప్‌కు, దానికి ఉన్న పోలికలను వర్ణిస్తూ కథనాలు ప్రచురించాడు. దీంతో ఇప్పుడు ఆ పక్షిని చూడడానికి జనం క్యూకట్టారు.
ఈ చిత్రంలో కనిపిస్తున్న వ్యకి తపేరు తోఫర్ బ్రోఫై. పార్ట్‌టైమ్ కళాకారుడు. ఇతడి పక్కనే ఉన్న శునకం పేరు రోసెమ్‌బర్గ్. ఆ శునకం అంటే అతడికి ఇష్టం. తోఫర్ అంటే బర్గ్‌కూ అమితమైన ప్రేమ. ఇద్దరి మధ్య ప్రేమానురాగాలకు చిహ్నం ఈ ఫొటో. ఒకేలా కనిపించేందుకు తరచూ విభిన్నరూపాల్లో దర్శనమిస్తూ వెబ్ మీడియాకు ప్రత్యేక ఆకర్షణగా నిలుస్తున్నాడు తోఫర్.
స్వచ్ఛ్భారత్‌లాంటి కార్యక్రమమే బొలీవియాలో ఏళ్లతరబడి నిర్వహిస్తున్నారు. పరిశుభ్రమైన ప్రపంచం కోసం వారు ఈ ఉద్యమాన్ని చేపట్టారు. వ్యర్థ పదార్థాలను రీసైక్లింగ్ చేసి కొత్త వస్తువులను ఉత్పత్తి చేయడం, పర్యావరణాన్ని రక్షించడం, పరిసరాలను పరిశుభ్రంగా ఉంచడం వంటి అంశాలపై విద్యార్థులు, చిన్నారులలో అవగాహన, చైతన్యం కలిగించేందుకు ఏటా ‘్ఫక్‌లారిక్ డ్యాన్స్’ కార్యక్రమాన్ని నిర్వహిస్తూంటారు.
అగ్గిపుల్ల, సబ్బుబిళ్ల కాదేదీ కవితకు అనర్హం అన్నాడు మహాకవి. కళకూ అదే గొప్పదనం ఉందంటున్నారు కొందరు. చిలీలోని శాంటియాగోలో ఈ మధ్య నిర్వహించిన ఓ ఆర్ట్ ఎగ్జిబిషన్‌లో ప్రదర్శించిన అంశం అందుకు ఓ ఉదాహరణ. కోడిగుడ్డు ఆమ్లెట్ వేసేందుకు సిద్ధం చేసినట్లు కన్పించే కళాకృతులను వరుసగా తీర్చిదిద్ది అందరినీ అబ్బురపరిచారు కళాకారులు. ‘జెయింట్ ఫ్రైడ్ ఎగ్ ఆర్ట్ ఎగ్జిబిషన్’ కోసం వీటిని తీర్చిదిద్దారన్నమాట.
ఉత్తర భారత దేశంలో ‘్ఛట్’ పూజ ఓ సంప్రదాయం. నేపాల్ ప్రజలకు ఇది ముఖ్యమైన పండుగ. సూర్యభగవానుడిని ఆరాధించే వేడుక ఇది. సమస్త శుభాలూ కలుగచేయాలని కాంక్షిస్తూ ఇలా సూర్యభగవానుడికి నైవేద్యం సమర్పించడం ఆనవాయితీ. నవంబర్ 15 నుంచి మూడు రోజుల పాటు ఈ పూజలు నిర్వహిస్తారు. నేపాల్‌లో మధేశీలకు ఇది అతి ముఖ్యమైన పండగ. ఉత్తరభారత దేశంలోనూ దీనిని పాటిస్తారు.