సికింద్రాబాద్, జూలై 22: సికింద్రాబాద్ నియోజకవర్గంలో భక్తులకు ఎలాంటి ఇబ్బందులు కలుగకుండా బోనాల ఉత్సవాలు నిర్వహించుకునేలా అధికారులు చర్యలు తీసుకోవాలని మంత్రి టి.పద్మారావుగౌడ్ పేర్కొన్నారు. శుక్రవారం సికింద్రాబాద్‌లోని చిలకలగూడ కట్టమైసమ్మ దేవాలయంలో అధికారులు, ప్రజాప్రతినిధులతో కలిసి బోనాల పండుగ ఏర్పాట్లపై సమీక్షా సమావేశాన్ని నిర్వహించారు.

హైదరాబాద్, జూలై 22: వృద్థులు, వితంతు,వికలాంగులకు ఆర్థికంగా చేయూతనిచ్చేందుకు ప్రభుత్వం ప్రవేశపెట్టిన ‘ఆసరా’ పథకాన్ని జిల్లాలో పక్కాగా అమలు చేసేందుకు కట్టుదిట్టమైన చర్యలు తీసుకుంటున్నామని కలెక్టర్ రాహుల్ బొజ్జా తెలిపారు. అమల్లో పారదర్శకత కోసం ఈ పథకం లబ్ధిదారులందరికీ బయోమెట్రిక్ విధానాన్ని అమలు చేస్తున్నామని, అందరూ తమ వివరాలను నమోదు చేసుకోవాలని కలెక్టర్ సూచించారు.

శేరిలింగంపల్లి, జూలై 22: హైదరాబాద్‌లో ప్రయాణం చేయాలంటే సముద్రం ఈదినట్టుగా ఉంది...నగరంలో రోడ్లు ఎలా ఉన్నాయో మీకు తెలుసు కదా...హైటెక్ సిటీ నుంచి శేరిలింగంపల్లిలోని జిహెచ్‌ఎంసి వెస్ట్‌జోన్ ఆఫీసుకు చేరుకోవడానికి రెండు గంటలు పట్టింది...రోడ్లను బాగుచేయాల్సిన అవసరం ఉంది...ఈ మాటలు అన్నది ఎవరో ప్రతిపక్ష నేత అనుకుంటే పప్పులో కాలేసినట్టే. స్వయాన మన నగర ప్రథమ పౌరుడు బొంతు రామ్మోహనే.

రాజేంద్రనగర్, జూలై 22: ఓ బంగారం దుకాణంలో నకిలీ బంగారాన్ని విక్రయించడానికి ప్రయత్నించి పట్టుబడిన సంఘటన మైలార్‌దేవ్‌పల్లి పోలీసుస్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం.. తాడ్‌బన్‌కాలపత్తర్ ప్రాంతానికి చెందిన షేక్ అబ్దుల్ అజీజ్ సోదరి రుబియాబేగం కలిసి ఈజీమనీ కోసం ప్రయత్నిస్తున్నారు.