న్యూఢిల్లీ, జూలై 22: గత ఏడాది జూన్‌లో సంచలనం సృష్టించిన ఓటుకు నోటు కేసులో ఆరోపణలు ఎదుర్కొంటున్న నాలుగో నిందితుడు జెరూసలెం మత్తయ్యకు సుప్రీం కోర్టు నోటీసులు జారీ చేసింది. తెలంగాణ అవినీతి నిరోధక శాఖ అధికారులు మత్తయ్యపై నమోదు చేసిన కేసును కొట్టివేయాలని కోరుతూ దాఖలైన పిటిషన్‌ను హైకోర్టు అనుమతించింది. దీన్ని సవాలు చేస్తూ తెలంగాణ ప్రభుత్వం సుప్రీం కోర్టులో పిటిషన్ దాఖలు చేసిన విషయం విదితమే.

నక్కలగుట్ట, జూలై 22: ఎంజి ఎం ఆసుపత్రిలో పనిచేస్తున్న సానిటేషన్, సెక్యూరిటీ గార్డులకు బకాయి వేతనాలు వెంటనే చెల్లించాలని సాటిటేషన్, సెక్యూరిటీ గార్డులు తమ విధులను బహిష్కరించి శుక్రవారం ఆసుపత్రి ముందు ధర్నా కార్యక్రమం చేపట్టారు.గ్రేటర్ వరంగల్ సిఐటియు ప్రధాన కార్యదర్శి రాగుల రమేష్ ధర్నా కార్యక్రమానికి హాజరై వారికి సంఘీభావం తెలిపారు.

కొచ్చి, జూలై 22: అతనో ఆగర్భ శ్రీమంతుడు. దేనికీ లోటు లేదు. ఒకరకంగా చెప్పాలంటే అతని జీవితం వడ్డించిన విస్తరి. కానీ అతని తండ్రి భిన్నంగా ఆలోచించాడు. జీవిత సత్యాల్నీ, పేదరికంలోని కష్టాల్నీ, ఉద్యోగం కోసం యువత పడుతున్న ఇబ్బందుల్ని అనుభవ పూర్వకంగా తెలియజేయాలనుకున్నాడు. అనుకున్నదే తడవుగా అతనికి కొన్ని నిబంధనలు పెట్టి ఏకంగా వనవాసమే పంపించాడు. ‘నెల రోజులపాటు నీ సంపాదన నీవే సంపాదించుకోవాలి...

బాన్సువాడ, జూలై 22: హరితహారం కార్యక్రమం ఈ నెల 22వ తేదీతో ముగిసినప్పటికీ, ఆయా గ్రామాలకు ఇచ్చిన టార్గెట్లను పూర్తి చేసే వరకు మొక్కలు నాటించాల్సిందేనని మంత్రి పోచారం శ్రీనివాస్‌రెడ్డి స్పష్టం చేశారు. శుక్రవారం ఉదయం బాన్సువాడ ప్రధాన రోడ్డులోని డివైడర్ మధ్య మంత్రి మొక్కలను నాటారు.