కోహెడ, జూలై 22: మండలంలోని శ్రీరాములపల్లి జిల్లా పరిషత్ ఉన్నత పాఠశాలలో పదవ తరగతి గది పైకప్పు పెచ్చులూడిపడి ముగ్గురు విద్యార్థులకు గాయాలైన సంఘటన శుక్రవారం సంచలనం సృష్టించింది. పదవ తరగతి విద్యార్థులు తరగతి గదిలో కూర్చొని ఉండగా 11.30 గంటల ప్రాంతంలో ఒక్కసారిగా పైకప్పు పెచ్చులూడి పడడంతో కడార్ల తేజశ్రీ, గుడ్ల రజిత, చల్ల శివాని అనే ముగ్గురు విద్యార్థినులపై పడడంతో తలకు, చేతులకు గాయాలయ్యాయి.

ఎల్లారెడ్డిపేట, జూలై 22: ప్రజల సమస్యలను తీర్చాల్సిన సర్పంచ్ పట్టించుకోకపోవడంపై ఆగ్రహం కట్టలు తెంచుకుంది. సుమారు రూ. 20 లక్షల పంచాయతీ, మరుగుదొడ్ల బిల్లులను లబ్ధిదారులకు చెల్లించడం లేదని ఆరోపిస్తూ ఉప సర్పంచ్, 9 మంది వార్డు సభ్యుల నేతృత్వంలోని ప్రజలు పంచాయతీ కార్యాలయాన్ని ముట్టడించారు. పాలక వర్గంలో కొనసాగలేమని స్పష్టం చేస్తూ మూకుమ్మడి రాజీనామాలు చేశారు.

వరంగల్, జూలై 22: రాష్ట్ర ప్రభుత్వం ఎక్కడ లేని విధంగా హరితహార కార్యక్రమాన్ని ఉద్యమంలా ప్రారంభించిందని డిప్యూటీ సిఎం కడియం శ్రీహరి అన్నారు. రెండవ విడత హరితహార కార్యక్రమంలో భాగంగా శుక్రవారం గ్రేటర్ వరంగల్ మున్సిపల్ కార్పోరేషన్‌లో ఏర్పాటు చేసిన హరతహార కార్యక్రమంలో ఆయన ముఖ్యఅతిధిగా పాల్గొని మొక్కలు నాటారు.

నక్కలగుట్ట, జూలై 22: పోలీసు కానిస్టేబుళ్ల నియమకం కోసం నిర్వహిస్తున్న దేహదారుఢ్య పరీక్షలు శుక్రవారం ఎనిమిదవ రోజు హన్మకొండ జెఎస్‌ఎన్ మైదానంలో, కెయు మైదానంలో కూడా సజావుగా జరిగాయి. నిన్న 800 మీటర్ల పరుగులో అర్హత సాధించిన అభ్యర్థులకు ఈరోజు ధృవీకరణ పత్రాల పరిశీలన జరిగింది. 100 మీటర్ల పరుగు, లాంగ్ జంప్, హైజంప్, షాట్‌పుట్ లాంటి క్రీడలలో అభ్యర్థులకు పరీక్షలు నిర్వహించారు.