భీమవరం, మార్చి 19: పశ్చిమ గోదావరి జిల్లా భీమవరంలోని కేంద్రంలో అధికారంలో ఉన్న భారతీయ జనతా పార్టీ కార్యాలయాన్ని ప్రత్యేక హోదా ఐక్యకార్యాచరణ కమిటి సోమవారం నాడు ముట్టడించింది. స్ధానిక మున్సిపల్ కార్యాలయం నుంచి ర్యాలీగా వచ్చిన ఈ ఐక్య కార్యాచరణ కమిటి తెలుగు ప్రజలను మోసం చేసిన బిజెపి, వెంకయ్య నాయుడుకి వ్యతిరేకంగ నినాదాలు చేసుకుంటూ బిజెపి కార్యాలయం వద్దకు చేరుకున్నారు.

విజయవాడ, మార్చి 18: రాష్ట్ర ప్రభుత్వం ఆధ్వర్యంలో తుమ్మలపల్లి కళాక్షేత్రంలో ఆదివారం జరిగిన వేడుకల్లో నారా దేవాన్ష్ సభలో ఉన్న కొద్దిసేపు ప్రత్యేక ఆకర్షణగా నిలిచాడు. ముఖ్యమంత్రి చంద్రబాబు తన సతీమణి భువనేశ్వరి, మనవడు దేవాన్ష్‌లతో కలిసి వచ్చారు. బాబు, దేవాన్ష్ సంప్రదాయబద్ధమైన తెల్ల దుస్తులు ధరించారు. బాబు దంపతులు తమ మనవణ్ని ఇద్దరి మధ్య సీటుపై కూర్చోబెట్టుకున్నారు.

భీమవరం, మార్చి 18: ఆంధ్రప్రదేశ్ ప్రభుత్వానికి ప్రధాన ఆదాయ వనరుగా ఉన్న ఆక్వా రంగానికి ఈ ఏడాది బడ్జెట్ కేటాయింపులపై రైతులు, ఆక్వారంగ ప్రతినిధులు పెదవి విరుస్తున్నారు. గత ఏడాది కంటే కేవలం మరో రూ.100 కోట్లు అదనంగా కేటాయించి ప్రభుత్వం చేతులు దులుపుకుందనే వాదన వినిపిస్తోంది. గత బడ్జెట్‌లోఈ రంగానికి రూ.286 కోట్లు కేటాయించగా ఈసారి మరో వంద కోట్ల రూపాయలను అదనంగా అంటే రూ.386 కోట్లు కేటాయించారు.

విజయవాడ (బెంజిసర్కిల్), మార్చి 18: వేసవిలో మంచినీటి ఎద్దడిని నివారించేందుకు అధికారులు ప్రత్యేక ఏర్పాట్లు చేయాలని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి నారా లోకేష్ ఆదేశించారు. ఆదివారం అధికారులతో నిర్వహించిన టెలీకాన్ఫరెన్స్‌లో మాట్లాడుతూ క్షేత్రస్థాయిలో నిరంతరం పర్యటించి పరిస్థితులను అంచనా వేయాలని సూచించారు. ఆధునిక సాంకేతిక పరిజ్ఞానంతో నీటి సరఫరా ట్యాంకర్లను పర్యవేక్షించాలన్నారు.