హిందూపురం, నవంబర్ 26: కేంద్ర ప్రభుత్వం రాజ్యాంగ ఉల్లంఘనకు పాల్పడుతూ, మతపరంగా దేశాన్ని భ్రష్టు పట్టిస్తోందని ఆంధ్రప్రదేశ్ కాంగ్రెస్ పార్టీ అధ్యక్షుడు ఎన్.రఘువీరారెడ్డి తీవ్రస్థాయిలో ఆరోపించారు. రఘువీరా ఆదివారం అనంతపురం జిల్లా పెనుకొండ నియోజకవర్గ సేవా మందిరంలో విలేఖరుల సమావేశంలో మాట్లాడారు.

విశాఖపట్నం, నవంబర్ 26: విశాఖ జిల్లా పాడేరు ఎమ్మెల్యే గిడ్డి ఈశ్వరి వైసీపీని వీడి తెలుగుదేశం పార్టీలో చేరడానికే నిర్ణయించుకున్నారు. ఆదివారం రాత్రి విశాఖ నుంచి నాలుగు బస్సులలో తన అనుచరులతో ఈశ్వరి విజయవాడకు బయల్దేరి వెళ్లారు. సోమవారం ఉదయం చంద్రబాబు సమక్షంలో టీడీపీలో ఆమె చేరనున్నారు. కాగా, శనివారం రాత్రి విశాఖలో ఉన్న విజయసాయిరెడ్డిని ఈశ్వరి స్వయంగా వెళ్లి కలుసుకున్నారు.

రాజమహేంద్రవరం, నవంబర్ 26: రాజమహేంద్రవరం మేయర్ పంతం రజనీ శేషసాయి ఆదివారం కంటతడి పెట్టారు. ఆచార్య ఎన్‌జి రంగా వ్యవసాయ యూనివర్సిటీ అనుబంధ రాజమహేంద్రవరం వ్యవసాయ కళాశాల అధికారులు ప్రోటోకాల్ ఉల్లంఘించడంతో పాటు, ఫిర్యాదుచేసినా సొంత పార్టీకే చెందిన ప్రజాప్రతినిధులు పట్టించుకోకపోవడంతో అవమానంగా భావించిన ఆమె మనస్తాపానికి గురై కన్నీటిపర్యంతమయ్యారు.

రాజమహేంద్రవరం, నవంబర్ 26: ప్రతిపక్ష నేత వ్యవహార శైలి రైతుల ఆత్మస్థైర్యాన్ని దెబ్బతీసేలా ఉందని, పదేపదే రైతుల వద్దకు వెళ్లి, వారిని కుంగుబాటులోకి నెట్టే విధంగా వ్యవహరిస్తున్నారని రాష్ట్ర వ్యవసాయ శాఖ మంత్రి సోమిరెడ్డి చంద్రమోహన్‌రెడ్డి ఆరోపించారు. రైతులకు కేంద్ర, రాష్ట్ర ప్రభుత్వాలు అనేక విధాలుగా మేలుచేస్తున్నాయని, రాష్ట్ర ప్రభుత్వం లోటు బడ్జెట్‌లో ఉన్పప్పటికీ రుణ మాఫీచేస్తూ ఆదుకుంటోందన్నారు.