విజయవాడ, అక్టోబర్ 30: ప్రజల భాగస్వామ్యం లేకుండా ఏ రంగంలోనూ అభివృద్ధి సాధ్యం కాదని సర్వశిక్ష అభియాన్ రాష్ట్ర ప్రాజెక్టు డైరెక్టర్ జి.శ్రీనివాస్ తెలిపారు. ‘బడి రుణం తీర్చుకుందాం’ పథకం కింద పూర్వ విద్యార్థులకు ఉత్తరాలు రాసే కార్యక్రమాన్ని ప్రాజెక్టు కార్యాలయంలో ఆయన సోమవారం ప్రారంభించారు. ప్రతి అధికారి ఒక పూర్వ విద్యార్థి చిరునామా తెలుసుకుని, ఉత్తరం రాసి స్ఫూర్తినివ్వాలని పిలుపునిచ్చారు.

ఒంగోలు, అక్టోబర్ 30 : రాష్ట్రంలోని మంత్రుల అవినీతి , కుంభకోణాలపై న్యాయ విచారణ జరిపించాలని సిపిఎం రాష్ట్ర కార్యదర్శి పి మధు డిమాండ్ చేశారు. సోమవారం స్థానిక సుందరయ్య భవన్‌లో జరిగిన విలేఖర్ల సమావేశంలో మధు మాట్లాడుతూ మంత్రులు, వారి అనుచరుల అవినీతిపై స్వయంగా పార్టీ నేతలే ఆరోపణలు చేస్తున్నారని ధ్వజమెత్తారు.

న్యూఢిల్లీ, అక్టోబర్ 30: ఫాతిమా మెడికల్ కళాశాల విద్యార్థుల సమస్యను పరిష్కారించాలని కేంద్రాన్ని, భారత వైద్య విద్యా విధాన మండలిని ఏపీ రాష్ట్ర వైద్య ఆరోగ్య శాఖ మంత్రి కామినేని శ్రీనివాస్ విజ్ఞప్తి చేశారు. సోమవారం కామినేని కేంద్ర వైద్య ఆరోగ్య శాఖ కార్యదర్శి ప్రీతి సూధన్‌ను, భారత వైద్య విద్యా విధాన మండలి (ఎంసీఐ) సభ్యులను కలిశారు.

విశాఖపట్నం, అక్టోబర్ 29: భారతదేశంలో పుట్టి, ఇక్కడే ఉంటూ జాతీయ గీతాన్ని, జాతీయ జెండాను అవమానించే వారు దేశంలో ఉండేందుకు అనర్హులని బిజెవైఎం రాష్ట్ర అధ్యక్షుడు విష్ణువర్ధన్ రెడ్డి అన్నారు. విశాఖలో ఆదివారం ఏర్పాటు చేసిన విలేఖరుల సమావేశంలో ఆయన మాట్లాడారు. వ్యక్తిగత స్వేచ్ఛ ఎవరికైనా ఉంటుందని, అయితే, జాతీయ గీతం, జెండాలను గౌరవించడం భారత పౌరునిగా వాళ్ళ బాధ్యతని పేర్కొన్నారు.