విజయవాడ, సెప్టెంబర్ 15: ‘అన్ని ప్రభుత్వ శాఖల్లో అవినీతిని సమూలంగా నిర్మూలించాలనేది నా లక్ష్యం. అవినీతి ఆరోపణలు వచ్చిన వారిపై వేగంగా, తప్పనిసరిగా చర్యలు తీసుకుంటా’ అని ముఖ్యమంత్రి నారా చంద్రబాబునాయుడు స్పష్టం చేశారు. 80 శాతం సంతృప్తి తీసుకురావాలంటే అవినీతి ఏ రూపంలో ఉన్నా అరికట్టాల్సిందేనని ఆయన శుక్రవారం సాయంత్రం శాఖాధిపతుల సమావేశంలో ఆదేశించారు.

తిరుపతి, సెప్టెంబర్ 15: ప్రభుత్వ ఆస్పత్రులపై విశ్వాసం పెంచేందుకే గుంటూరులోని ప్రభుత్వ ఆస్పత్రిలో తాను కాలికి శస్తచ్రికిత్స చేయించుకున్నానని వైద్య ఆరోగ్యశాఖ మంత్రి కామినేని శ్రీనివాస్ తెలిపారు. తిరుపతి రుయా ఆస్పత్రిలో చిన్నపిల్లలకు సూదిమందు వికటించిన నేపథ్యంలో శుక్రవారం మంత్రి రుయా ను సందర్శించారు. అనంతరం తన మొక్కును తీర్చుకోవడంలో భాగం గా అలిపిరి కాలినడక దారి గుండా తిరుమలకు బయలుదేరి వెళ్లారు.

తిరుపతి, సెప్టెంబర్ 15: తిరుమల శ్రీ వేంకటేశ్వర స్వామికి ఈనెల 23వ తేదీ నుంచి ప్రారంభం కానున్న సాలకట్ల బ్రహ్మోత్సవాల్లో స్వామివారు విహరించనున్న అన్ని వాహనాలను సిద్ధం చేశామని తిరుపతి జెఇఓ శ్రీనివాసరాజు వెల్లడించారు. భక్తులకు అవసరమైన అన్ని వసతులను యుద్ధప్రాతిపదికన పూర్తిచేస్తున్నామని తెలిపారు.

విజయవాడ, సెప్టెంబర్ 15: ప్రతిపక్ష నేత జగన్మోహన్‌రెడ్డి అక్రమ ఆస్తులన్నీ రాష్ట్ర ప్రభుత్వానికి దఖలు చేయాలని హౌసింగ్ కార్పొరేషన్ చైర్మన్ వర్ల రామయ్య డిమాండ్ చేశారు. శుక్రవారం ఇక్కడ విలేఖరులతో మాట్లాడుతూ 2004లో జగన్ ఆస్తుల విలువ 9.18 లక్షలుండగా 2009లో 77.40 కోట్లకు (90 రెట్లు) చేరిందని, అవే ఆస్తులు 2011కల్లా 365 కోట్లకు (400 రెట్లు) ఎలా ఎగబాకిందని ప్రశ్నించారు.