చిత్తూరు, జనవరి 27: దేశ వ్యాప్తంగా సంచలనం సృష్టించిన చిత్తూరు కోర్డులో బాంబు పేలుడు కేసులో ఐదుగురు ఉగ్రవాదులను శుక్రవారం సాయంత్రం భారీ బందోబస్తు మధ్య పోలీసులు కోర్టులో హాజరు పరిచారు. వీరికి వచ్చే నెల 10వ తేదీ వరకు రిమాండ్ విధిస్తూ నాల్గవ అదనపు జడ్జి భరద్వాజ్ ఆదేశించారు. ఇందుకు సంబంధించిన వివరాలు ఇలాఉన్నాయి. గతఏడాది ఏప్రిల్ నెలలో చిత్తూరు జిల్లా కోర్డు ఆవరణలో బాంబు పేలుడు ఘటన చోటు చేసుకొంది.

ఏలూరు, జనవరి 27: ఆధ్యాత్మిక ప్రసంగీకుడు వద్దిపర్తి పద్మాకర్‌పై పశ్చిమ గోదావరి జిల్లా ఏలూరు పురోహితులు పోలీసులకు ఫిర్యాదుచేశారు. ఒక ప్రైవేటు ఛానల్‌లో వద్దిపర్తి పద్మాకర్ పురాణ ప్రసంగం చేస్తూ ఏలూరు పురోహితులను ఉద్దేశించి అనుచిత వ్యాఖ్యలు చేశారని వారు ఫిర్యాదులో పేర్కొన్నారు.

నెల్లూరు, జనవరి 27: శ్రీపొట్టిశ్రీరాములు నెల్లూరుజిల్లాలో ఐదుగురికి స్వైన్‌ప్లూ సోకింది. వ్యాధి సోకిన వారిలో ముగ్గురు చిన్నారులు ఉన్నారు. నెల్లూరు నగరంలోని ఓ కార్పొరేట్ ఆసుపత్రిలో స్వైన్‌ప్లూ లక్షణాలతో ఓ మహిళ ఈనెల 18న చేరింది. ఆసుపత్రిలో నిర్వహించిన పరీక్షల్లో ఆమెకు వ్యాధి నిర్ధారణ కావడం, ఆమెకు డాక్టర్లు చికిత్స అందించి నయం చేశారు.

విజయవాడ, జనవరి 26: ఆంధ్రప్రదేశ్ అభివృద్ధికి కేందం ఇచ్చిన ప్రాజెక్టులు, నిధులపై అవగాహన చేసుకోకుండా కేంద్ర మంత్రి వెంకయ్యనాయుడును జనసేన నాయకులు పవన్ కళ్యాణ్ వ్యక్తిగతంగా విమర్శించడం నీచాతి నీచమని భారతీయ జనతా పార్టీ రాష్ట్ర అధికార ప్రతినిధి యడ్లపాటి రఘునాధబాబు విమర్శించారు.