విజయనగరం, జనవరి 28: రాష్ట్రంలోని విద్యార్థులకు, యువతకు క్రీడలపట్ల ఆసక్తి పెంపొందించేందుకు అన్ని నియోజకవర్గ కేంద్రాల్లో క్రీడా వికాస కేంద్రాలను నెలకోల్పుతామని శాప్ మేనేజింగ్ డైరెక్టర్ బంగార్రాజు వెల్లడించారు. ఇప్పటికే రాష్ట్రంలో 37 క్రీడావికాస కేంద్రాలు పూర్తయ్యాయని, మరో 18 వివిధ దశల్లో ఉన్నాయన్నారు. ఈ ఏడాది మరో 60 క్రీడా వికాస కేంద్రాలను ముఖ్యమంత్రి మంజూరు చేశారన్నారు.

అమరావతి, జనవరి 28: పేద ప్రజలకు జనరిక్ ఔషధాలను తక్కువ ధరకు అందించేందుకు రాష్ట్ర ప్రభుత్వం ప్రారంభించిన అన్న సంజీవిని ప్రభుత్వ జనరిక్ మందుల షాపులు సత్ఫలితాలిస్తున్నాయి. 2016 సంవత్సరంలో జనవరి 1 నుంచి డిసెంబర్ 31 నాటికి రూ.17 కోట్ల 71లక్షల 46వేల 711 మొత్తానికి మందుల విక్రయాలు జరిగాయి. ఇవే మందులు సాధారణ మెడికల్ షాపుల్లో కొంటే ఐదు నుంచి ఆరు రెట్లు ఎక్కువగా ఉంటాయని వైద్య నిపుణులు చెబుతున్నారు.

విజయవాడ, జనవరి 28: జాతీయ మహిళా పార్లమెంటు సమావేశాల ప్రచారంలో భాగంగా ఆర్‌టిసి బస్టాండులు, బస్సులు, ఇతర ప్రాంతాల్లో ప్రచారాన్ని చేపడుతున్నట్లు స్పీకర్ కోడెల శివప్రసాదరావు తెలిపారు. విజయవాడలోని రాష్ట్ర అతిధి గృహంలో శనివారం జడ్‌పి చైర్‌పర్సన్ గద్దె అనురాధ, జిల్లా కలెక్టర్ బాబు. సదస్సు సమన్వయకర్త రామలక్ష్మి, కార్పొరేటర్ షేక్ షహారాబానులతో కలిసి సమావేశాల పోస్టర్‌ను ఆయన విడుదల చేశారు.

పోలవరం, జనవరి 28: పశ్చిమగోదావరి జిల్లాలో పోలవరం ప్రాజెక్టు నిర్మాణ ప్రాంతాలను సిడబ్ల్యుసి ఛైర్మన్ పరమేశ్వరన్ శనివారం పరిశీలించారు. ప్రాజెక్టు నిర్మాణ ప్రాంతానికి ఉదయమే చేరుకున్న ఛైర్మన్ బృందానికి ఇఎన్‌సి ఎం వెంకటేశ్వరరావు, ఎస్‌ఇ విఎస్ రమేష్‌బాబు స్వాగతం పలికారు.