శ్రీకాకుళం: పొందూరు మండలంలోని పలు గ్రామాల్లో మంగళవారం తెల్లవారుజామున భూ ప్రకంపనలు చోటుచేసుకున్నాయి. స్వల్ప వ్యవధిలో రెండు సార్లు భూమి కొన్ని సెకన్లపాటు కంపించడంతో ప్రజలు భయాందోళనలకు లోనై ఇళ్లనుంచి బయటకు పరుగులు తీశారు. ఇళ్లలోని సామగ్రి కింద పడినట్లు పలువురు తెలిపారు. కాగా, నెలరోజుల వ్యవధిలో భూమి కంపించడం ఇది మూడోసారి కావడం గమనార్హం.

హైదరాబాద్, జూలై 4: నవ్యాంధ్రలో మిత్రపక్షమయిన తెదేపా-్భజపా మధ్య కలహాలు ముదురుపాకాన పడుతున్నాయి. విజయవాడలో 45 దేవాలయాల కూల్చివేత వ్యవహారం రెండు పక్షాల మధ్య దూరం మరింతగా పెంచింది. కూల్చివేతలపై సంఘ్ రంగంలోకి దిగడం, వందల సంఖ్యలో స్వాములు రోడ్డుమీదకొచ్చి ధర్నా చేయడంతో రాగల ప్రమాదాన్ని గుర్తించిన సీఎం చంద్రబాబునాయుడు, ఒకడుగు వెనక్కి తగ్గాల్సి వచ్చింది.

విశాఖపట్నం, జూలై 4: ఇంధన పొదుపు ఆర్థిక వ్యవస్థను బలోపేతం చేస్తుందని బ్రిక్స్ దేశాల ప్రతినిధులు అభిప్రాయపడ్డారు. విశాఖ హోటల్ తాజ్ గేట్‌వేలో సోమవారం అంతర్జాతీయ ఇంధన సదస్సు ప్రారంభమైంది. సోమ, మంగళవారాల్లో జరిగే ఈ సదస్సుకు బ్రెజిల్, రష్యా, ఇండియా, చైనా, దక్షిణాఫ్రికా దేశాలకు చెందిన 30 మంది ప్రతినిధులు హాజరయ్యారు.

విజయవాడ, జూలై 4: పుష్కరాలను పురస్కరించుకుని రోడ్ల విస్తరణ కోసం తొలగించిన ఆలయాలను శాస్త్రోక్తంగా తిరిగి నిర్మిస్తామని ముఖ్యమంత్రి చంద్రబాబు హామీ ఇచ్చారు. విజయవాడ నగరంలో దేవాలయాల తొలగింపుపై ఉద్రిక్త పరిస్థితులు తలెత్తుతున్న నేపథ్యంలో సిఎం సోమవారం స్వయంగా నగరంలో పర్యటించి పరిస్థితిని తెలుసుకున్నారు.