న్యూఢిల్లీ, ఫిబ్రవరి 18: సెప్టెంబర్‌తో ముగిసే మార్కెటింగ్ సంవత్సరంలో దేశంలో చక్కెర ఎగుమతులు ఐదు మిలియన్ టన్నులకు చేరుకుంటాయని జాతీయ చక్కెర మిల్లుల సంఘం (ఐఎస్‌ఎంఏ) తెలిపింది. ప్రపంచవ్యాప్తంగా 8-9 మిలియన్ టన్నుల మేర చక్కెర కొరత ఉన్నందున దేశీయ ఎగుమతులకు విదేశాల్లో ఎంతో డిమాండ్ ఉందని ఈ సంస్థ తెలిపింది. ఈ ఏడాది 6 మిలియన్ టన్నుల చక్కెర ఎగుమతులకు ప్రభుత్వం అనుమతి ఇచ్చిందని తెలిపింది.

న్యూఢిల్లీ: కేంద్ర ప్రభుత్వం ఆర్థిక సంస్కరణలను అనివార్యంగా కొనసాగించాలని ఆర్‌బీఐ గవర్నర్ శక్తికాంత దాస్ స్పష్టం చేశారు. వ్యవస్థాగత సంస్కరణలను కొనసాగించడం ద్వారా డిమాండ్‌ను పునరుద్ధరించగలుగుతామని, అలాగే ఆర్థిక వ్యవస్థకూ మరింత మద్దతు ఇవ్వగలుగుతామని ఆయన తెలిపారు. ప్రస్తుత మాంద్య పరిస్థితుల నుంచి దేశాన్ని బయటకు తీసుకురావాలంటే అన్ని రకాలుగానూ సానుకూల చర్యలు ఎంతో అవసరమని ఓ ఇంటర్వ్యూలో ఆయన తెలిపారు.

న్యూఢిల్లీ, ఫిబ్రవరి 17: నాణ్యతాయుతమైన ఎగుమతులపైనే దృష్టి పెట్టాలని వాణిజ్య, పరిశ్రమల మంత్రి పీయూష్ గోయల్ సోమవారంనాడు ఇక్కడ పిలుపునిచ్చారు. ముడి వస్తువులను కాకుండా విలువ చేర్చిన ఉత్పత్తుల ఎగుమతుల ద్వారానే వైవిధ్యాన్ని తీసుకురావాలని ఆయన అన్నారు. ఇనుప ఖనిజానికి బదులు అత్యంత నాణ్యతాయుతమైన ఉప్పును ఎగుమతి చేయాలని, ఈ రకమైన ఉత్పత్తుల వల్ల అంతర్జాతీయంగా భారత ఎగుమతుల పరిమాణం పెరుగుతుందని తెలిపారు.

న్యూఢిల్లీ, ఫిబ్రవరి 17: అంతర్జాతీయ రేటింగ్ సంస్థ మూడీస్ సోమవారం 2020 సంవత్సరానికి సంబంధించి భారత వృద్ధి రేటును గతంలో అంచనా వేసిన 6.6 శాతం నుంచి 5.4 శాతానికి కుదించింది. తాజాగా ఇందుకు సంబంధించి తన అంచనాలను వెల్లడించిన మూడీస్ ఇనె్వస్టర్ సర్వీస్ సంస్థ గత రెండేళ్ల కాలంలో భారత ఆర్థిక వ్యవస్థ తీవ్రంగా గాడి తప్పిందని, ఆర్థిక రికవరీ అన్నది అనుకున్నంత తేలిక కాదని తెలిపింది.