లండన్, మే 7: బ్రిటన్ బిలియనీర్ల జాబితాలో ఈ ఏడాది భారత సంతతికి చెందిన హిందుజా సోదరులు అగ్రస్థానంలో నిలిచారు. నిరుడుతో పోల్చితే 3.2 బిలియన్ పౌండ్లు పెరిగిన వీరి సంపద.. ప్రస్తుతం 16.2 బిలియన్ పౌండ్లకు చేరింది. ‘ది సండే టైమ్స్ రిచ్ లిస్ట్’లో వెయ్యి మందికి చోటు దక్కగా, అందులో 40కిపైగా భారత సంతతివారే కావడం విశేషం.

శ్రీనగర్, మే 6: బ్యాంకులు లక్ష్యంగా మిలిటెంట్లు దాడులకు తెగబడుతుండటంతో దక్షిణ కాశ్మీర్‌లో దాదాపు 40 బ్యాంకు శాఖల్లో నగదు లావాదేవీలు నిలిచిపోయాయి. పుల్వామ, షోపియన్ జిల్లాల్లోగల సమస్యాత్మక ప్రాంతాల్లోని శాఖల్లో నగదు లావాదేవీలు ఆగిపోయాయి. భద్రతా దళాల సూచనల మేరకు బ్యాంకింగ్ వర్గాలు ఈ మేరకు నిర్ణయం తీసుకున్నాయి.

హెచ్‌డిఎఫ్‌సి లైఫ్
న్యూఢిల్లీ, మే 6: హెచ్‌డిఎఫ్‌సి లైఫ్ నికర లాభం గత ఆర్థిక సంవత్సరం (2016-17) ఆఖరి త్రైమాసికం (జనవరి-మార్చి)లో 274 కోట్ల రూపాయలుగా నమోదైంది. అంతకుముందు ఆర్థిక సంవత్సరం (2015-16) జనవరి-మార్చితో పోల్చితే ఇది 8 శాతం అధికం. ప్రీమియంల ద్వారా ఆదాయం ఈసారి 892 కోట్ల రూపాయలుగా ఉంది. పోయినసారి కంటే 9 శాతం అధికమని సంస్థ తెలిపింది.
అజంతా ఫార్మా

ముంబయి, మే 5: దేశీయ స్టాక్ మార్కెట్లు శుక్రవారం నష్టాల్లో ముగిశాయి. అంతర్జాతీయ మార్కెట్‌లో ముడి చమురు ధరల క్షీణత మదుపరులను అమ్మకాల ఒత్తిడికి గురిచేసింది. ఫలితంగా బాంబే స్టాక్ ఎక్స్‌చేంజ్ సూచీ సెనె్సక్స్ 267.41 పాయింట్లు పతనమై 29,858.80 వద్ద స్థిరపడగా, నేషనల్ స్టాక్ ఎక్స్‌చేంజ్ సూచీ నిఫ్టీ 74.60 పాయింట్లు పడిపోయి 9,285.30 వద్ద నిలిచింది.