ఎన్నికల ప్రక్రియ మరింత జవాబుదారీగా ఉండాలంటే ఎలాంటి చర్యలు తీసుకోవాలి? ప్రపంచంలోనే అతిపెద్ద ప్రజాస్వామ్య వ్యవస్థ ఉన్న మన దేశంలో విలువలను పాటించాలంటే, ప్రజల నమ్మకాన్ని ఇనుమడింపచేయాలంటే, రాజకీయ పార్టీల్లో విశ్వసనీయతను పెంచాలంటే ఎన్నికల కమిషన్ ఎలాంటి చర్యలు తీసుకోవాలి? ఈవీఎంలకు అనుసంధానంగా ఉండే వీవీ ప్యాట్‌ల చీటీల లెక్కింపును పెంచాలని సుప్రీం కోర్టు ఇచ్చిన ఆదేశాలు జవాబుదారీతనాన్ని పెంచుతాయా?

ప్రధాని నరేంద్ర మోదీ తొలిసారిగా తన పార్టీకి చెందిన ప్రజాప్రతినిధుల నడవడి పట్ల ఆగ్ర హం వ్యక్తం చేశారు. మధ్యప్రదేశ్‌లోని ఇండో ర్‌లో భాజపా శాసనసభ్యుడు ఆకాశ్ వర్గియా మున్సిపల్ అధికారిపై క్రికెట్ బ్యాట్‌తో దాడి చేయడం, ఆ తర్వాత ఆయనను పోలీసులు అరెస్టు చేయడం వంటి పరి ణామాలపై మోదీ తీవ్ర అసహనాన్ని వ్యక్తం చేశారు.

అంతర్జాతీయ వాణిజ్యాన్ని పర్యవేక్షించడానికి, సరళీకృతం చేయడానికి ప్రారంభమైన ‘ప్రపంచ వాణిజ్య సంస్థ’ (డబ్ల్యూటీవో) పై అమెరికా ‘పెద్దన్న’ పాత్ర ఇక ఎంతో కాలం కొనసాగే పరిస్థితి లేదు. ఈ విషయాన్ని గ్రహించిన అమెరికా కొద్ది రోజులుగా తాను ప్రపంచ వాణిజ్య సంస్థ నుండి తప్పుకుంటానంటూ గాండ్రింపులు ప్రారంభించింది. దానికి కారణాలు లేకపోలేదు. చాలా దేశాలు అమెరికా వాణిజ్య ఒప్పందాల ఉల్లంఘనను తప్పుపట్టడమే.

పార్లమెంట్‌లో తిరుగులేని ఆధిక్యత ఉన్నంత మాత్రాన రాజకీయ సుస్థిరత ఆశింపలేమని, ప్రభుత్వం అభద్రతకు గురికాకుండా అడ్డుకో లేమని గతంలో రాజీవ్ గాంధీ ప్రభుత్వం వెల్లడి చేస్తోంది. స్వతంత్ర భారత చరిత్రలో ఇప్పటివరకూ కనీవినీ ఎరుగని రీతిలో 400కు పైగా సీట్లు గెలుపొందినా అభద్రతకు గురికావడంతో పార్టీ ఫిరాయింపుల చట్టాన్ని రాజీవ్ గాంధీ తీసుకు వచ్చారు.