‘‘ఒక పని చేద్దాం. నీ దగ్గర వున్న అన్ని సాక్ష్యాధారాలతో ‘సాహూ’ మీద ఒక పోలీస్ కంప్లైంట్ ఇయ్యి.. ఇంతవరకూ జరిగిన మొత్తం హత్యలలో అతనే నేరస్థుడనీ, దానికి సంబంధించిన అన్ని సాక్ష్యాలూ కోర్టులో ప్రవేశపెడతామని అందులో వ్రాయి.. దాని ఆధారంగా అతనిని కస్టడీలోకి తీసుకుని ఇంటరాగేట్ చేస్తారు. వాళ్ళు అతనిమీద ఇనె్వస్టిగేట్ చేసి నేరం రుజువైతే కోర్టులో ప్రవేశపెడతారు.

‘‘ఆ బాబు భలే సరదా అయిన మనిషి.. ఎప్పుడూ అందరితో కలివిడిగా జోకులేస్తూ నవ్వుతూ, నవ్విస్తూ ఉన్నాడు ఆ వారం రోజులూ. ఇంక రేపు ప్రయాణం అనగా ఆ ఘోరం జరిగిపోయింది. చిత్రంగా ఏ ఆధారం దొరకలేదు. పోలీస్ కుక్కలు కూడా ఏం కనుక్కోలేకపోయాయి.. ఆయన వంటిమీద ఏ వేలిముద్రలూ దొరకలేదు. కానీ గొంతు తాడుతో ఉరేసి చంపినట్టు మాత్రం తెలిసింది. ఊరుగాని ఊరులో యిక్కడ ఆయనకి శత్రువులెవరుంటారు..

సుమారు పావు గంటకి అన్నట్టుగానే ఆ గదిలోకి వచ్చేడు భగవాన్..
ఎదురుగా వున్న కుర్చీలో కూర్చుంటూ అడిగాడు ఆయన, ‘‘నేను మీకు ఏం చెయ్యగలను’’ అని.. ఆయన యిప్పుడు మామూలుగా ఉన్నాడు.

ఎంత మేధావి అయినా, ఎంత కరుడుగట్టిన హంతకుడు అయినా తప్పకుండా ఎక్కడో అక్కడ తప్పడుగు వేస్తాడు, యిప్పటికే వేసాడు- ఎందుకంటే గత ఆరునెలలుగా అంతుచిక్కని హత్యలూ, అడవిలో అమర్ హత్య ఏ రకమైన ఆధారం దొరక్కపోయినా, అరుణ్ జోలికి ఇంద్రజిత్‌ని పంపి చేసిన పొరపాటు ఆ హంతకుడిని కొద్దిగా అయినా గెస్ చేసే అవకాశం ఇచ్చింది. సో.. తను నిరుత్సాహపడకుండా ప్రయత్నిస్తే ఖచ్చితంగా హంతకుడి జాడ దొరుకుతుంది..