S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

10/23/2019 - 23:01

కొచ్చి, అక్టోబర్ 23: బిషప్ ఫ్రాంకో ములాక్కల్ తనపై అత్యాచారం చేశారని ఆరోపిస్తున్న ఓ ‘నన్’ బుధవారం జాతీయ మానవ హక్కుల కమిషన్ (ఎన్‌హెచ్‌ఆర్‌సీ)ని ఆశ్రయించింది. తనకు న్యాయం చేయాలని కోరుతూ ఆమె వినతిపత్రం సమర్పించింది. అంతేకాకుండా రాష్ట్ర మహిళా కమిషన్‌ను, జాతీయ మహిళా కమిషన్‌ను కూడా ఆమె కలిసి తన గోడును వినిపించుకుంది.

10/23/2019 - 22:59

డెహ్రాడూన్, అక్టోబర్ 23: మహారాష్ట్ర ముఖ్యమంత్రి దేవేంద్ర ఫడ్నవిస్, ఆయన భార్య అమృతతో కలసి కేదార్‌నాథ్ ఆలయంలో బుధవారం ప్రత్యేక పూజలు చేశారు. ఉత్తరాఖండ్‌లోని కేదార్‌నాథ్ ఆలయానికి ఫడ్నవిస్ వెళ్లినట్టు ఉత్తరప్రయాగ జిల్లా మేజిస్ట్రేట్ మంగేష్ దీలియాళ్ ధృవీకరించారు. అయితే, ఇది వ్యక్తిగత పర్యటన కాబట్టి జిల్లా స్థానిక యంత్రాంగానికి ఎలాంటి సమాచారం లేదని ఆయన స్పష్టం చేశారు.

10/23/2019 - 22:56

ముంబయి, అక్టోబర్ 23: నకిలీ సర్ట్ఫికెట్లతో ప్రాక్టీసు కొనసాగిస్తున్న దొంగ డాక్టర్లకు చెక్ పెట్టడానికి ముంబయి పోలీసులు నడుం బిగించారు. ముంబయి మున్సిపల్ కార్పొరేషన్ (బీఎంసీ)లోని ఆరోగ్య శాఖ అధికారులు, సిబ్బంది సహాయాన్ని తీసుకుంటున్నారు. బుధవారం పలు ప్రాంతాల్లో దాడులు నిర్వహించి, నకిలీ వైద్యులను గుర్తించినట్టు బీఎంసీ అధికారి ఒకరు పీటీఐతో మాట్లాడుతూ చెప్పారు.

10/23/2019 - 22:45

*చిత్రం... భోపాల్‌లో బుధవారం తమ సమస్యలపై ‘దండియాత్ర’ చేపట్టిన మధ్యప్రదేశ్ పంచాయత్ అసిస్టెంట్ సెక్రెటరీల సంఘం కార్యకర్తలు. తమ ఉద్యోగాలను పర్మినెంట్ చేయాలని వారు డిమాండ్ చేస్తున్నారు.

10/23/2019 - 22:39

జమ్మూకాశ్మీర్, అక్టోబర్ 23: జమ్మూకాశ్మీర్‌ను రెండు కేంద్ర పాలిత ప్రాంతాలుగా విభజించే సమయం ఆసన్నమైన నేపథ్యంలో ఉన్నతాధికారులు వివిధ ఖర్చులపై దృష్టి పెట్టారు.

10/23/2019 - 22:38

లక్నో, అక్టోబర్ 23: ఇటీవల దారుణ హత్యకు గురైన బీజేపీ కార్యకర్త కమలేష్ తివారీ కుటుంబానికి ఉత్తరప్రదేశ్ ముఖ్యమంత్రి యోగి ఆదిత్యనాథ్ ఆర్థిక సహాయాన్ని ప్రకటించారు. మృతుడి భార్యకు 15 లక్షల రూపాయలను మంజూరు చేశారు. ఈ మొత్తాన్ని తక్షణమే అందజేస్తామని ముఖ్యమంత్రి కార్యాలయం బుధవారం విడుదల చేసిన ఒక ప్రకటనలో తెలిపింది.

10/23/2019 - 13:36

విజయవాడ:బంగాళాఖాతంలో ఏర్పడిన అల్పపీడనం వాయుగుండంగా మారనున్నది. దీని ప్రభావం వల్ల కోస్తాలో విస్తారంగా వర్షాలు కురుస్తాయి. 48 గంటల్లో వాయుగుండంగా బలపడే అవకాశం ఉన్నందున సముద్రం అల్లకల్లోలంగా ఉంటుందని, ఒకటి, రెండు చోట్ల భారీ వర్షాలు, కుంభవృష్టి కురిసే అవకాశం ఉందని వాతావరణ శాఖ తెలిపింది.

10/23/2019 - 13:35

జమ్మూకశ్మీర్: కశ్మీర్‌లో ఉగ్రవాదుల ఏరివేతలో భారత సైన్యం మరో విజయాన్ని దక్కించుకున్నది. కశ్మీర్ ఆల్‌ఖైదా చీఫ్‌గా వ్యవహరిస్తున్న హమీద్ లెల్హరీని హతమార్చి ఉగ్రవాదులకు గట్టిగా బుద్ధి చెప్పారు. అవంతిపోరా సెక్టార్‌లో జరిగిన ఎన్‌కౌంటర్‌లో లెల్హరీని హతమార్చారు. ఈ మేరకు హమీద్ అనుచరులైన మరో ఇద్దరు ఉగ్రవాదులు కూడా హతమయ్యారు.

10/23/2019 - 13:35

న్యూఢిల్లీ: టీమిండియా మాజీ కెప్టెన్ సౌరభ్ గంగూలీ భారత క్రికెట్ నియంత్రణ మండలి అధ్యక్షుడిగా ఈరోజు బాధ్యతలు స్వీకరించారు.ఆయనతో పాటు నూతన కార్యదర్శిగా కేంద్ర హోంమంత్రి అమిత్ షా తనయుడు జై షా, కోశాధికారిగా కేంద్రమంత్రి అనురాగ్ ఠాగూర్ తమ్ముడు అరుణ్ ధూమల్ ఇవాళ బాధ్యతలు స్వీకరించారు.

10/23/2019 - 13:34

న్యూఢిల్లీ: తీహార్ జైలులో ఉన్న కర్ణాటక కాంగ్రెస్ నేత, మాజీ మంత్రి డీకే శివకుమార్‌ని కాంగ్రెస్ పార్టీ తాత్కాలిక అధ్యక్షురాలు సోనియాగాంధీ కలిశారు. సోనియా వెంట శివకుమార్ సోదరుడు సురేష్ కూడా ఉన్నారు.

Pages